Adam le Eve in ta nei-a leitungah mi tam semsem hi. Tua lai takin, vantungmi pawlkhat Satan i langpanna-ah na kihel uh hi.

Amau leitungah hong tuaksuk a, mihing pumpi la-in numeite tawh kiteeng uh hi. Ta nei uh a, thahat in a kihtakhuai mahmah migol emam ahi uh hi.

Leitungah mi gilote tawh kidim hi. Lai Siangtho in “leitungah mihing a gitlohna a liatna le mihing lungsim ngaihsutna peuhmah a sia ahih ngitngetna Topa in mu hi” ci-a gen hi.

Noah pen migi khat hi. Mi gilote tuiciin tawh susia ding h’ ing, ci-in Noah kiang Pasian in a gen hi.

Pasian in Noah kiang teembaw khat a bawl ding thu pia a, tua sungah Noah’ innkuan le ganhing nam khempeuh a thunsak hi.

Tuiciin hong tung ding hi, ci-in Noah in mite vauna a piak hangin kuama’ n ngai nuam lo uh hi. Pawlkhat te’ n zahpih a, pawlkhat in mudah mahmah hi.

Teembaw bawl a man khit ciang, Noah in ganhingte a sungah a lutpih hi.