KHEN 1
Pasian’ Kam Bangci Ngaih Theih Ding?
Pasian in Lai Siangtho tawh hong hopih hi. 2 Timoti 3:16
Pasian in ama ngaihsutnate laibu-ah, a at dingin pasal pawlkhat thupia hi. Tua laibu pen Lai Siangtho ki-ci hi. Tua laibu sungah Pasian in hong theihsaknop, a manpha thute kihel hi.
Pasian in ei a’ ding a hoih peen thei a, ama kam maang lehang mipil i suak ding hi.—Paunak 1:5.
Pasian in mikhempeuh Lai Siangtho simsak nuam hi. Tu’ n kampau nam tampi tawh kingah ta hi.
Pasian’ kam na ngaih nop leh Lai Siangtho na sim kul a, na tel ding kisam hi.
Matthai 28:19
Mun khempeuha om mite’ n Pasian thu na ngai uh hi.Jehovah Tecite’ n Lai Siangtho na tel na’ ng hong huh thei uh hi.
Amaute’ n Pasian tawh kisai thutak pen hih leitung munkimah na hilh uh hi.
Manpiak kul lo-in hih thute kisin thei hi. Jehovah Tecite’ Mangam Innpi (biak inn) ah zong Pasian thu na sin thei hi.