Nang kiang thusim hong kigen ngei naa?— * Lai Siangtho gen a thupi thusim pen “siangtho thusim” na ci hi. Pasian kiang pan ahih teh siangtho hi. Thusim zong kici a, ahang pen mite’n thei lo ahih man hi. Vantung mite’n zong tua thu thei nuam mahmah uh hi. Tua thusim bang hiam cih na thei nuam naa?—

Tu ma kum tampi lai-in Pasian in mihing masa pasal leh numei na piangsak hi. A min uh pen Adam leh Eve hi. Pasian in ahoih mahmah inn ahi Eden huan a pia hi. Adam le Eve in Pasian thu a mang uh leh, amau le a tate’n leitungbup paakhuan tawh akibang paradias a suaksak ding uh hi. Paradias ah zong a tawntung in a nungta ding uh hi. Ahih hang na phawk lai hia Adam leh Eve i sep?—

Adam le Eve in Pasian thu mang lo, tua hang in tu’n paradias ah nungta lo i hi ve. Ahih hang Pasian in leitungbup ahoih mahmah in ka bawl ding a, mi khempeuh in nuamsa a, a tawntung in nungta sak ding na ci hi. Koici a bawl tam? Kum tampi sung kua ma’n thei lo hi. Tua pen thusim hi.

Jesuh leitung hong pai lai in, tua thusim tawh kisai mite ahilh hi. Tua in Pasian Gam tawh kisai hi a ci hi. Jesuh in tua Gam Ukna hong tun na’ng thunget ding mite na gen hi. Tua Gam in leitung pen ahoih mahmah paradias in hong bawl ding hi.

Tua thusim na theihkhak na lawp naa?—Phawk dingah Jehovah thu a mangte bek Paradias ah nungta ding hi. Lai Siangtho in Jehovah thu amang numei le pasal-te tangthu tampi hong gen hi. Amaute thu nasin nuam naa?—Amau kua te hi a, amau tawh koi ci kibang thei ding cih en ni.