Thu mantak in sep ding haksa in na um hia?—Mi a tamzaw in haksa in um hi. Lai Siangtho sungah a phadiak in Josiah kici naupang khat i thuman a sep ding a haksatna hong gen hi. Ahih hang amah a huh ding lawm hoih a nei hi. Tu’n Josiah le ama lawmte thu sin beh ni.

Josiah’ pa pen Amon hi a, Judah kumpi hi. Amon pen mi hoihlo hi-in milim zong bia hi. A pa a sih ciang, Josiah Judah’ kumpi hong suak hi. Ahih hang kum giat bek pha pan aive! Amah a pa bangin mihoih lo dingin na um mawh hia?—Hi lo, ki bang lo!

A neu mahmah lai nangawn in, Josiah in Jehovah thu na mang nuam hi. Tua hi a, ama’n Jehovah a it mite tawh bek lawm dingin na teel hi. Tua khit teh a lawm te’n Josiah in thu mantaka asep theih nading na huh uh hi. Josiah’ lawmte kua teng aitam?

Ama lawmpa khat pen Zefaniah hi. Zefaniah pen kamsang khat hi a, milim  na biak uh leh siatna na tuak ding uh hi ci-in Judah mite kiang kidawm un a ci pa hi. Josiah in Zefaniah thu ngai-in milim bia lo a, Jehovah a bia hi.

Josiah i lawm dang khat pen Jeremiah hi. Amah leh Josiah kum kigual a, a khangto khawm bangin khat le khat omna mun kinai uh hi. Josiah a sih ciang Jeremiah in lawmta hoih ahih na leh bangzah takin Josiah it hiam cih la na phuak hi. Jeremiah le Josiah pen thu mantaka sep nading leh Jehovah thu mang nading khat le khat kihuh uh hi.

Josiah’ gamtat zia pan nangh bang sin thei ding?—Josiah a neu mahmah lai nangawn, thu mantak in na sem nuam hi. Ama’n Jehovah a it mite bek lawm a, tel ding cih na thei hi. Jehovah a it leh thu mantaka na sep ding hong huhte bek na lawm dingin na teel ding ki ciansak in!