SINDING 3
Rahab In Jehovah Um Takpi
Jerikho khuapi sungah a om dan in kineih pak ni. Tua khuapi pen Kanaan gam sungah om a, tua muna mite’n Jehovah um lo uh hi. Rahab a kici numei khat tua takah teeng hi.
Rahab a khangno lai-in, Moses in San Tuipi a kantanna leh Israel mite Egypt gam pan a paikhiat pihna tangthu na za hi. Amau gal dona ah a gal zawh nading Jehovah in a huhna zong numei nu in na za hi. Tu’n Israel mite Jerikho gei-ah giahphual sat cih zata aive!
Rahab in Jehovah um ahih man in thukante hon khia
Nikhat, nitum ma in Israel minih thukan dingin khua sungah lut uh hi. Rahab inn ah na pai uh hi. Numei nu in a inn-ah tungding in le a giak dingin na sam hi. Tua nitak mah in, Jerikho kumpi’n khua sungah tua thukante zongin Rahab’ inn-ah a pai uh hi. Kumpi pa’ in a man dingin mi a sawl hi. Rahab in tua thukan mi nihte innkhum zangah seel in kumpi pa’ mite, hih bangin gen hi: ‘Thukante ka kiangah hong pai mah, ahih hang khua sung pan paikhia khinta uh. Tu’n delh le-uhcin, man kha thei lai ni uh teh!’ Rahab in thukante a huhna ahang na thei hiam?—Ahang pen numei nu in Jehovah um a, Kanaan gam pen Israel mite khutsung a piakna thu thei ahih man hi.
Thukante Rahab’ inn pan a paikhiat ma in, Jerikho khua a kisuksiat ciang numei nu leh a innkuanpihte hotkhiat ding kamciam uh hi. Amau’ numei nu sep ding bang gen hiam cih na thei hia?—Amau te’n: ‘Hih khauhual san kem inla na tawlet-ah khih in. Tua dan in na sep leh, na inn sunga om khempeuh hotkhiatna na ngah ding uh hi’ ci hi. Rahab in thukante’ gen bang lianin sem aive. Azom ah bang piang hiam cih na thei naa?—
Jehovah in Rahab leh a innkuanpihte hon khia
Ni’ tawmvei khit ciang, Israel mite’n dai takin khuapi kimkot uh hi. Nikhat khat vei, niguk sung a kimkot uh hi. Ahih hang ni sagih ni teh sagih veitak a kimkot uh hi. Tua khit ciang avekpi un nakpitak in awng uh a, Jehovah in khuapi i kulhpi teng cimmai sak hi. Ahih hang tawlet a, khauhual san kikhaina inn pen kicim lo pi! Lim sungah na mu na?—Rahab leh a innkuanpihte bang mah ci lo!
Rahab kiang pan bang thu sin thei na hiam?—Rahab in Jehovah um hi, ba’hang hiam cih leh thupiang na lamdang tampite pan Pasian thu sin ahih man hi. Nangh zong Jehovah tung pan na lamdang tampi sin thei hi teh. Rahab mah bangin nangh Pasian na um hiam?—Um in hong um-ing!
