SINDING 5
Samuel In Thuman Sem Den
Samuel a khangno mahmah lai in, biakbuk-ah tengin na sem hi. Tua mun pen mite’n Jehovah bia dingin a pai-na mun hi. Samuel koi bangin biakbuk-ah tung cih na thei naa? Koi leh, Samuel’ nu Hannah thu sin masa ni.
Hun khat lai in, Hannah in ta a neih theih loh hang’ ta na deih mahmah hi. Tua ahih ciang thungen in Jehovah kiang huhna ngen hi. Ama’n kamciam a, ta pasal ka neih leh biakbuk ah nasem ding le teng dingin ka sawl ding ci hi. Jehovah in numei nu thunget dawngin, ta pasal a nei hi. Samuel ci-in min a pia hi. Tu’n Hannah in a kamciam mah bang in, Samuel kum thum ahihkeileh kum li a phak ciang Pasian nasem dingin biakbuk-ah a paipih hi.
Eli pen biakbuk-ah a lian pen siampi hi. A ta pasal nih zong tua munah na sem uh hi. Phawk tawntung in, biakbuk pen Pasian biakinn hi a, tua sungah mite pen nahoih a semte bek hi. Ahih hang Eli’ tate’n nahoih lo sem uh hi. Amau gamtat nate Samuel in mu hi. Samuel in Eli’ tate bangin nahoih lo sem maw?—Sem lo, a nu le a pa thuhilh mah bangin thuman sem tawntung hi.
Eli in a ta tegel bang a cih ding kul in na um mawh aa?—Anih in daan a piak ding kul hi. Pasian’ inn-ah cikmah hunin na a sepsak nawn loh ding hi. Ahih hang Eli in tua bangin sem lo ahih teh amah leh a ta tegel tung Jehovah heh mahmah hi. Jehovah in amau’ teng daan piak ding a khensat hi.
Samuel in Jehovah kamvaikhak Eli kiang gen
Zan khat, Samuel a ihmut laitak, ‘Samuel!’ ci in amah a kisapna aw khat za hi. Amah Eli kiang tai pah a, ahih hang Eli in: ‘Kong sam kei hi’ ci hi. Tua dan mah nih vei kisam lai hi. A thum veina ciang, Eli in Samuel kiangah sapna aw na zak kik le, hih bangin gen in: ‘Hong gen in, Jehovah aw, thu hong ngai in’ a ci hi. Tua hi Samuel sep. Tua khit teh Jehovah in Samuel gen a: ‘Va gen in Eli kiang, a innkuanpihte nasep hoih lo nate hangin daan ka pia ding hi’ a ci hi. Tua thu Samuel in Eli kiang gen ngam in na um hia?—Hi mah, baih lo e. Samuel in a lau hang, Jehovah thugen mah bangin na gen hi. Jehovah thugen hong kicing hi. Eli’ tapa nih ki that a, Eli zong si hi.
Samuel pen ei a’ding etteh huai hi. Mite’n nahoih lo a sep amuh hang thu man nasem hi. Nang e le? Samuel tawh kibang in thuman na sem nuam naa? Na sep takpi le, nangh Jehovah leh na nu le na pa lungdamsak ding hi teh.
