Timoti pen mite huh a, a lungnuam naupang khat ahi hi. Mun tampi ah khualzin in mite nahuh hi. Tua ahih manin anuntakna thalawphuai peuh mah hi. Ama thu na ngai nuam hiam?—

Timoti pen Lystra kici khua pan khangkhia hi. A pi Lois leh a nu Eunis te’n aneu lai-a kipan Jehovah thu sin pih uh hi. Timoti hong gol tak ciang mite’n Jehovah thu a sin theih nading na huh nuam hi.

Timoti a naupang lai pek nangawn in mun dangah zinkhawm a, thutangko khawm dingin Paul in na zawn hi. Timoti in ‘Aw!’ ci-a mi ahuh ding leh apai dingin abaih sa-in om hi.

Timoti pen Paul tawh Masedonia  gama Thesalonika ki ci khua ah zinkhawm uh hi. Tua mun atun nading amaugel khelam in sawtpi pai uh a, tua khit ciang gunkuang atuang uh hi. A tawpna ah tua mun a tun tak uh ciang, mi tampi in Jehovah thu a sin theih nading na huh uh hi. Ahih hang mi pawlkhat te’n mudah in bawlsiat ding hanciam uh hi. Tua hangin Paul leh Timoti-te tua mun pan paikhia uha, mun dangah a tangko kik uh hi.

Khacin a sawt lo in, Paul in Timoti kiang Thesalonika khua paikik ding leh tua taka om unau-te bangci uh hiam cih a en dingin na sawl hi. Amau’ a bawlsia nuam tua gamah a paikik uhteh hangsan mahmah ding kisam hi! A hihhang Timoti in tua taka om unaute lunghimawh ahih teh vapai hi. Hong ciahkik ciang Paul kiang lungdamhuai thu hong keng hi. Thesalonika-a unaute’ nasep zia hoih mahmah ei! ci hi.

Timoti in Paul tawh kum tampi na na semkhawm hi. Paul in khatvei, pawlpi laikhaka no hong huh dingin ahoih pen mi, Timoti kong sawl hi a ci hi. Timoti in Jehovah it a, mite zong it hi.

Mite it-a na huhnop leh Jehovah thu na sin in?—Na sin leh, Nangh Timoti mah bangin lungnopna leh a thalawphuai nuntakna ngah ding hi teh!