SIN DING THU 01

Lai Siangtho In Koi Bangin Hong Huh Thei Ding A Hiam?

Hong

Mikim in nuntakna, gentheih haksat i thuakna, sihna, le mailam hun ding tawh kisai-in dotnate dong thei zel uh hi. Tua banah nekledawn silhleten vai le innkuan lungnop theih nading vaiteng tawh zong nisimin lunghimawh uh hi. Mi tampite in tua dotnate ii dawnna bek tham loh nisim i nuntakna-ah i zuih theih pah ding lamlahnate zong Lai Siangtho sung pan mukhia ta uh hi. Lai Siangtho in mite a huh thei dingin na um hiam?

1. Lai Siangtho in koi bang dotnate dawng a hiam?

Lai Siangtho in hih a thupi mahmah dotnate dawng hi. Nuntakna koi bangin hong kipan a hiam? Hih leitungah bang hang om ihi hiam? Mi dikte’n bang hang haksatna thuak uh a hiam? I sih khit teh bang piang i hiam? Mi khempeuh in kilemna a deih uh hang, galkidonate bang hangin hihzah taka tam a hiam? Mai lamah hih leitung bang piang ding a hiam? Tu-a dotnate ii dawnnate zong dingin Lai Siangtho in hong hanthawn hi. Lai Siangtho’ dawnnate hangin mi tampite in lungkimna ngah uh hi.

2. Nisim nuntakna-ah i lungnop nadingin Lai Siangtho in koi bangin hong huh thei a hiam?

Lai Siangtho in thuhilhna hoihte hong pia hi. Gentehna-in, innkuan bangci lungnuam thei ding? I lungkiat hun ciangin bang cih ding? I nasepna-ah nuam i sak nadingin bang hih ding? cih dotnate tawh kisai Lai Siangtho’ dawnna theikhia ding hi teh. Hih thute i kikup kawmin theih beh ding thu tampi zong om lai hi. “Lai Siangtho khempeuh [Lai Siangtho’ gen khempeuh] . . . phatuamin manpha hi,” cih Lai Siangtho kammal pen thukimpih ding hi teh.—2 Timoti 3:16, ZIV.

Hih laibu pen Lai Siangtho tanga a kizang hi lo hi. Lai Siangtho pen nang’ thu-a a kan dingin tha hong pia zaw hi. Hih sin ding thute sunga a kihel Lai Siangtho munte sim a, na thu kan tawh etkak dingin hong hanthawn nuam ung.

ZON BEH INLA, MUH BEH IN

Lai Siangtho in hong huh theih dan, Lai Siangtho sim nop na sak theih dan le Lai Siangtho na tel nadinga huhna na kisapna a hangte ngaihsun in.

3. Lai Siangtho in lam hong lak thei

Lai Siangtho pen meivak tawh kibang hi. Khensatna hoihte i bawl theih nading le mailam thupiang dingte i theih nadingin lam hong lak thei hi.

Late 119:105 sim in, tua khit teh hih dotnate kikum un:

Late a atpa in Lai Siangtho bangci muh a hiam?
Nangh Lai Siangtho bangci muh na hiam?

4. Lai Siangtho in i thudotte hong dawng thei

Numei khat in kum tampi sung a lungsim a nawngkaisak dotnate ii dawnna pen Lai Siangtho pan na mu hi. VIDEO hong in, tua khit teh a nuai-a dotnate kikum un.

VIDEO: Lametna Cikmah Hunin Khahsuah Ngei Kei In! (1:48)

Video sunga numei in bang dotnate nei a hiam?
Lai Siangtho kikupna in amah bangci huh a hiam?

Dotnate i dot ding Lai Siangtho in hong hanthawn hi. Matthai 7:7 sim in, tua khit teh hih dotna kikum un:

Bang dotnate Lai Siangtho sung pan zong nuam na hiam?

5. Lai Siangtho sim nuamsa ding

Mi tampite in Lai Siangtho sim nuamsa uh a, phattuamna zong ngah uh hi. VIDEO hong in, tua khit teh a nuai-a dotnate kikum un.

VIDEO: Lai Siangtho Simna (2:05)

Video sunga khangnote in laisim pen bangci ngaihsut uh a hiam?
Lai Siangtho sim pen bang hang tu-in nuamsa ta uh a hiam?

Lai Siangtho sunga lamlahnate in hong hehnem thei a, lametna zong hong pia thei hi. Rom 15:4 sim in, tua khit teh hih dotna kikum un:

Hehnepna hong pia-in, lametna zong hong neisak Lai Siangtho kamciamte na lunglut hiam?

6. Lai Siangtho i tel nadingin midangte’n hong huh thei

Lai Siangtho pen khat kia-a sim bek thamloh, midangte tawh kikupna in zong phattuamna hong ngahsak thei hi cih mite’n thei uh hi. Sawltak 8:26-31 sim in, tua khit teh hih dotna kikum un:

Lai Siangtho bangci tel thei ding i hiam?—A neu 30 le 31-na en in.

Ethiopia mi khat in Lai Siangtho a tel nadingin huhna na kisam hi. Tu huna mi tampite’n zong midangte tawh Lai Siangtho kikupna in phattuamna hong ngahsak thei hi cih thei uh

MI PAWLKHATTE’ GEN: “Lai Siangtho kikup pen hun mawkbeisakna hilel.”