SIN DING THU 12
Lai Siangtho Na Sinsuak Theih Nadingin Bang In Hong Huh Ding A Hiam?
Lai Siangtho sin pen hamphatna om hi. Ahih hangin tua pen a baihden thu hi lo hi. Tua ahih manin Lai Siangtho pen ka sinsuak zo tam maw, ci-in ngaihsun khathei ding hi teh. Tua ahih leh bang hangin sinsuak thaman om a hiam? Haksatnate kawmkalah na sinsuak theih nadingin bang in hong huh ding a hiam?
1. Lai Siangtho sin pen bang hangin manpha a hiam?
‘Pasian thu nungta in vanglian hi.’ (Hebru 4:12, ZSV) Lai Siangtho in Pasian’ ngaihsutnate le Pasian in nang hong itnate lakkhia ahih manin manpha hi. Thutheihna hong neihsak banah pilna man le lametna man zong hong pia thei hi. A thupi penah, Jehovah’ lawm na suah theih nadingin hong huh thei hi. Lai Siangtho na sin ciangin na nuntakna zong hong nuam semsem ding hi.
2. Lai Siangtho thuman a manphatna theih ding bang hangin thupi a hiam?
Lai Siangtho thuman pen a manpha neihlelam tawh kibang hi. Tua ahih manin Lai Siangtho in, “Thuman thutak lei inla zuak kei in,” ci-in hong hanthawn hi. (Paunak 23:23, ZSV) Lai Siangtho thuman a manphatna i theih ciang, haksatnate i thuak zongin lungkia lo-a sinsuak dingin i hanciam hi.—Paunak 2:4, 5 sim in.
3. Na sinsuak theih nadingin Jehovah in koici hong huh thei a hiam?
A vanglianpen Piangsak Pa le na Lawm ahi, Jehovah in ama thu na sinsuak ding deih hi. “Utna lungsim na neih nading uh le ama deihna na zuihzawh nadingun,” hong huh thei hi. (Filippi 2:13 sim in.) Tua ahih manin sinsuak nopna le kansuak nopna na neih nadingin ama’n hong huh thei hi. Haksatnate le langpannate na nawksuak zawh nading thahatna zong hong pia thei hi. Lai Siangtho na sinsuak theih nadinga hong huh dingin Jehovah kiangah manmanin thu ngen in.—1 Thesalonika 5:17.
ZON BEH INLA, MUH BEH IN
Nasep a tam kawmkalah, ahih kei leh langpannate kawmkalah Lai Siangtho na sinsuak theih dan kan inla, na lungkiat loh nadinga Jehovah’ hong huh dante zong ngaihsun in.
4. Lai Siangtho sinna pen a thupi penin koih in
Nasep ding tamlua ahih manin Lai Siangtho sin nading hun om lo, ci-a i ngaihsut leh bang hih thei i hiam? Filippi 1:9 sim in. Tua khit teh hih dotnate kikum un:
-
Nuntakna-ah “a hoihpen” hi, ci-a na ngaihsut pawlkhat in bangteng a hiam?
-
Lai Siangtho sinna pen koi bangin a thupi penin koih thei ding na hiam?
-
Phelkhai sungah sehnel na koih khit ciangin suangte koih lecin kita lo ding hi
-
Suangte koih masa lecin sehnel a vekpi phialin kita ding hi. Tua mah bangin na nuntakna-ah “a hoihpen” nate a masa-in koih lecin, tuate na sepzawh banah adang nate sep nadingin zong hun ngah ding hi teh
Lai Siangtho sinna in Pasian thu lama i kisapnate, adang khatin gen leng Pasian thei-a amah biaknopna lungsim hong neisak hi. Matthai 5:3 sim in. Tua khit teh hih dotna kikum un:
-
Lai Siangtho sinna a thupi penin koih lecin bang hamphatna ngah ding na hiam?
5. Langpanna na thuak hun ciangin lungkia kei in
Lai Siangtho na sin pen mi pawlkhatte in hong khawlsak nuam ding uh hi. Francesco’ thu ngaihsun in. VIDEO hong in. Tua khit teh hih dotnate kikum un.
-
Video sungah Francesco in a thu sinte a genkhiatkik ciangin a nu le a lawmte in koici thukkik uh a hiam?
-
Lungkia lo ahih manin ama’n bang hamphatna ngah a hiam?
Timoti Nihna 2:24, 25 sim in. Tua khit teh hih dotnate kikum un:
-
Lai Siangtho na sin pen na innkuanpihte le na lawmte in koici ngaihsut uh a hiam?
-
Hih Lai Siangtho munte in a gen bangin, Lai Siangtho na sin pen khat peuhpeuh in a deih kei leh bang cih ding na hiam? Bang hang hiam?
6. Jehovah muang in
Jehovah tawh i kinai semsem ciang, ama maipha ngah nuam semsem ding hi hang. Ahih hangin i nuntakna-ah Pasian’ deihna banga i kikhel ding pen haksa thei ding hi. Tua hun ciangin lungkia kei in. Jehovah in hong huh ding hi. VIDEO hong in. Tua khit teh hih dotnate kikum un.
-
Video-ah, Jim in Jehovah’ maipha a ngah nadingin kikhelna bangteng bawl a hiam?
-
Ama’ tuahkhakna pan bang thu hoihsapen na hiam?
Hebru 11:6 sim in. Tua khit teh hih dotnate kikum un:
-
Jehovah in “amah a zongte” le amah theiciana ama maipha ngah nading a hanciamte adingin bang hihsak ding a hiam?
-
Lai Siangtho sin dinga na hanciamna pen Jehovah in a muh ciang, bangci ngaihsut dingin um na hiam?
MI PAWLKHATTE’ DOTNA: “Jehovah Tecite tawh bang hangin Lai Siangtho sin na hia?”
-
Nangh bangci dawng ding?
TOMLAKNA
Lai Siangtho sin pen a baihden loh hangin nuntak nuam nei den dingin hong huh thei hi. Jehovah muang tawntung lecin ama’n thaman hong pia ding hi.
Kikupkikna
-
Lai Siangtho thuman pen nang adingin bang hangin manpha a hiam?
-
“A hoihpen” nate theikhin na hih leh bang na hih ding kisam a hiam?
-
Lai Siangtho na sinsuak theih nadingin Jehovah kiangah huhna na nget ding bang hangin kisam a hiam?
THEIH BEH NADING
Hun pen pilvang taka zat theih dan ding thu lite en in.
“Na Hun Neihte Pilvang Taka Na Zat Theih Dan” (Khanghlo In!, February 2014)
A pasal’ langpanna kawmkalah nupi khat in Lai Siangtho a sinsuak theih nadinga Jehovah in a huh dan en in.
A zi in lungkia lo-a a sepna hangin a pasal in hamphatna a ngah dan en in.
Jehovah Tecite pen innkuan a khenkhamte, ci-in kigen hi. Tua pen a man hiam?
“Jehovah Tecite Pen Innkuan A khente Maw, A Kipsakte?” (Website-a thu)
