Pasian pen itna ahih leh, biaknate in bang hangin biakna paulapin a sia-in gamta uh a hiam? Siang takin gen leng, tua biaknate pen a man lo hi a, Pasian mindaisak uh hi. Koi bangin mindaisak uh a hiam? Tua pen Pasian in bangci ngaihsut a hiam? Pasian in bangci thukkik ding a hiam?

1. Biakna man lo in a thuhilhnate tawh Pasian pen koi bangin mindaisak a hiam?

Biakna man lo in “Pasian thuman thutak pen zuauthu tawh khek uh” hi. (Rom 1:25, ZSV) Gentehna-in, biakna a tamzaw in a pawlpi mite kiangah Pasian min hilh lo uh hi. Ahih hangin Lai Siangtho in Pasian min pen i zat ding ahihlam gen hi. (Rom 10:13, 14) Biakna makai pawlkhat in tuahsiatna khat a hong tun ciangin ‘Pasian’ deihna hi,’ ci-in gen uh hi. Ahih hangin tua pen man lo hi. Pasian in cikmahin siatnate piangsak ngei lo hi. (James 1:13 sim in.) Biaknate ii a man lo thuhilhnate in mihingte pen Pasian tawh kigamlasak ahih manin dahhuai mahmah hi.

2. Biakna man lo in a gamtatna tawh Jehovah pen koi bangin mindaisak a hiam?

Biakna man lo in Jehovah bangin mite it lo uh hi. “Ama mawhna in van ban” hi, ci-in Lai Siangtho in gen hi. (Maangmuhna 18:5) Kum sawtpi pek a kipan biaknate in gamvaite-ah kihel uh a, galdonate panpih uh ahih manin mitampi in sihlawh uh hi. Biakna makai pawlkhatte in pawlpi mite kiang panin sum dong uh a, ut banga zangin nuamsa mahmah uh hi. Tua banga gamtatnate in Pasian min pahtawi ding cih thadah Pasian a theih lohlam uh kilangsak zaw hi.​—1 Johan 4:8 sim in.

3. Biakna man lo pen Pasian in bangci ngaihsut a hiam?

Biakna man lo ii gamtatna in na heh hong suaksak ahihleh Jehovah in zong bangci ngaihsut dingin um na hiam? Pasian in mihingte a it hangin amah mindaisak a, pawlpi mite a nengniam biakna makaite tungah pen heh mahmah hi. Biakna man lo in suksiatna thuak ding a, “kimukik ngei nawn lo ding hi,” ci-in Pasian in kamciam hi. (Maangmuhna 18:21) A sawt lo-in Pasian in biakna man lo khempeuh susia ta ding hi.​—Maangmuhna 18:8.

 ZON BEH INLA, MUH BEH IN

4. Biakna khempeuh Pasian in sang khin lo

Biakna khempeuh pen Pasian kiang a hong tunpih lampi a tuamtuam bangin mi tampite in um uh hi. Tua pen a man hiam? Matthai 7:13, 14 sim in. Tua khit teh hih dotna kikum un:

• Nuntakna hong ngahsak thei lampi tawh kisai-in Lai Siangtho in bang gen a hiam?

VIDEO hong in. Tua khit teh a nuai-a dotna kikum un.

• Lai Siangtho in Pasian san biakna tampi om cih a gen hiam?

 6. Pasian in biakna man lo panin mite suaktasak nuam

Maangmuhna 18:4 sim in. a Tua khit teh hih dotna kikum un:

• Biakna man lote’ khemna a thuakte Jehovah in huh nuam cih na theih ciangin, na lungsim koici om a hiam?

7. A man Pasian’ thu kansuak in

Biakna man lo hangin Pasian muhkhialh ding a kilawm hiam? Gentehna-in, tapa khat in a pa’ thu mang lo-in inn pan paikhia-in na hoih lote a sem bangin ngaihsun pak ni. A pa in a tapa’ gamtatna pen deih lo hi. A tapa’ gamtatna hangin a pa mawhsak leng a kilawm ding hiam?

• Biakna man lo ii gamtatnate hangin Jehovah mawhsakin ama thu kan nawn kei leng a kilawm ding hiam?

 TOMLAKNA

Thuhilhna man lote le gamtatsiatnate tawh Pasian a mindaisak biakna man lote pen kisusia ta ding hi.

Kikupkikna

• Biakna man lo ii thuhilhna le gamtatnate bangci ngaihsut na hiam?

• Biakna man lo pen Jehovah in bangci ngaihsut a hiam?

• Biakna man lote Jehovah in bang cih ta ding a hiam?