Lai Siangtho thu paipi in Pasian Gam thu ahi hi. Jehovah in leitung tawh kisai a kipatcila a ngimna pen tua Gam tungtawnin tangtungsak ding hi. Gam cih in bang a hiam? Tua Gam in hong ukta ahihlam koici theithei i hiam? Bangteng hong sepsak khin a hiam? Mai lamah bangteng hong sepsak lai ding a hiam? Hih sin ding thu le a zom sin ding thu nihte-ah a dawnna mu ding hi hang.

1. Pasian Gam in bang a hiam? A Kumpi in kua a hiam?

Gam cih pen Jehovah Pasian in a phut kumpi ki-ukna khat ahi hi. Tua Gam’ Kumpi ahi, Jesuh Khrih in vantung panin uk hi. (Matthai 4:17; Johan 18:36) Jesuh pen: “Kumpi hi paisuak ding,” ci-in Lai Siangtho in gen hi. (Luka 1:32, 33) Pasian Gam Kumpi Jesuh in leitung mite khempeuh hong uk ta ding hi.

2. Jesuh tawh kuate in ukkhawm uh a hiam?

Jesuh in amah bekin uk lo hi. “Mi namkim le pau namkim a pau mite sung panin [a hong pai mite in] . . . leitung ukin a om ding uh hi.” (Maangmuhna 5:9, 10) Khrih tawh mi bangzah in ukkhawm ding uh a hiam? Jesuh hih leitunga a hong pai a kipanin, mi tampite’n a nung zui uh hi. Ahih hangin amaute lak panin mi 144,000-te bek in vantungah kahin Jesuh tawh ukkhawm ding uh hi. (Maangmuhna 14:1-4 sim in.) Leitunga a om Khristian dangte khempeuh pen Pasian Gam ukna nuai-ah om ding uh hi.​—Late 37:29.

3. Pasian Gam in mihing kumpite ukna sangin koi bangin hoihzaw a hiam?

Mihing kumpite in na hoih a sep nop uh ciangin zong, sep zawhna nei tuan lo uh hi. A nunga hong kah kumpite in mipite’ phattuam nading lunglut lo thei hi. Ahih hangin Pasian Gam Kumpi ahi, Jesuh pen kuamah in hemkhia lo ding hi. Pasian in ‘a bei thei ngei lo ding kumpi gam phutta’ hi. (Daniel 2:44) Jesuh in leitung buppi uk ding a, deihsak tuam nei lo ding hi. Itna nei-in, mi a hehpih thei le a thuman Jesuh in mihingte pen khatlekhat tungah itna, hehpihna le thumanna a kilah theih nadingun hilh ding hi.​—Isaiah 11:9 sim in.

7. Pasian Gamah a hoihpen thukhamte om

Kumpite in gam mite phattuamna a pia ding le a kembit ding upadi-te bawl hi. Pasian Gamah zong gam mite’ zuih ding thukhamte om hi. Korin Masa 6:9-11 sim in. Tua khit teh hih dotnate kikum un:

• Pasian’ thukhamte mi khempeuh in zui hileh leitung pen bangci om dingin um na hiam? a

• Tua thukhamte zui dinga Jehovah in a gam mite a lamet pen kilawm na sa hiam? Bang hang hiam?

• Tua thukham a zui lo mite kikhelkik thei uh cih bang in lakkhia a hiam?​—A neu 11 en in.

 TOMLAKNA

Pasian Gam cih in leitung bup a uk ding vantung ki-ukna ahi hi.

Kikupkikna

• Pasian Gam’ kumpite in kuate a hiam?

• Pasian Gam in mihing kumpite ukna sangin koi bangin hoihzaw a hiam?

• Pasian Gam ii gam mite tung pan Jehovah in bang lamen a hiam?