SIN DING THU 39
Sisan Tawh Kisai Pasian’ Muh Dan
Sisan pen thupi mahmah hi. Sisan om lo-in kinungta thei lo hi. Pasian pen Piangsak Pa ahih mainin sisan zat dan ding hong gen dingin thu nei hi. Sisan tawh kisai-in Pasian in bang gen a hiam? Sisan ne ahih kei leh i kithun thei hiam? Hih thu-ah thu khensatna hoih koici bawl thei ding na hiam?
1. Sisan tawh kisai Jehovah’ muh dan in bang a hiam?
Jehovah in tanglai-a a mite kiangah: ‘Ganhing khempeuh’ nuntakna pen a si hi,’ ci-in na gen hi. (Siampi Laibu 17:14) Jehovah muhna-ah sisan pen nuntakna ahi hi. Nuntakna pen Pasian hong piak letsong ahih manin manpha ahih kei leh a siangtho hi. Tua ahih manin sisan zong a siangtho hi.
2. Sisan tawh kisai-in Pasian in bang kham a hiam?
Jehovah in Khristian hun ma-in ama mite kiangah sisan ne lo dingin thu na pia hi. (Piancilna 9:4 le Siampi Laibu 17:10 sim in.) ‘Sasi na ne kei ding uh hi,’ ci-in Khristiante kiangah ukpite (governing body) in lamlahna pia-in, tua thupiak pen Pasian in kipsak kik hi.—Sawltak 15:28, 29 sim in.
Sisan tang in, cih pen bang a cihnopna hiam? Zu na tang in, ci-in Siavuan in hong gen leh zu dawn lo ding hi teh. Tua hileh zu a kihel an le tuite ne ding na hiam? Zu pen na thagui sungah thun ding na hiam? Tua bangin hih lo ding hi teh. Tua mah bangin sisan tang in, cih khamna in a si a kipaikhia lo ganhing’ sa ne lo ding, ahih kei leh a si dawn lo ding cihna ahi hi. Sisan a kihel nek theih khempeuh pen kine thei lo hi.
Sisan pen zatui kikhoina-ah zang leng bang a ci tam? Zatui kikhoina pawlkhatte pen Pasian’ thukham tawh kituak lo hi. Tuate lakah sisan kithunna le sisan bulpi nam lite ahi, sisan cell a san, sisan cell a kang, platelets le plasma thunna cihte kihel hi. Zatui kikhoina pawlkhat in Pasian’ thukham pen a kilangkhiapi-in palsat lo khathei hi. Gentehna-in, sisan bulpi nam khat lak pan a kikhenkhia a themnengte zanga kikhoina om hi. Ei mahmah ii sisan pen kithunkika kikhoina zong om hi. Koi bang kikhoina sang ding i hiam, cih pen ei khatciat ii khensat ding kisam hi. a—Galati 6:5.
ZON BEH INLA, MUH BEH IN
Sisan zanga zatui kikhoina tawh kisai thu khensatna na bawl theih dan kan in.
3. Zatui kikhoina-ah Jehovah a lungkimsak thu khensatna bawl in
Zatui kikhoina-ah Jehovah a lungkimsak thu khensatna koici bawl thei ding i hiam? VIDEO hong in. Tua khit teh a nuai-a a thupi kalsuan dan ding thute kikum un.
-
Pilna ngah nadingin thu ngen in.—James 1:5.
-
Lai Siangtho thubulte le tua thubulte zuih theih dan ding kan in.—Paunak 13:16.
-
Na omna muna a kingah thei kikhoi dante kan in.
-
Na san theih vet loh kikhoinate kician takin theikhol in.
-
Sia le pha theihna lungsim a siangthosak ding thu khensatnate bek bawl in.—Sawltak 24:16. b
-
Sia le pha theihna lungsim tawh kisai-a na thu khensat dan ding pen pawlpi upa, Lai Siangtho hong sinpihte le na zi ahih kei leh na pasal nangawn in hong hilh thei lo hi.—Rom 14:12.
-
Na thu khensatna gelh in.
4. Jehovah Tecite in a hoihpen zatui kikhoina zong uh
Sisan tawh kisai-a Pasian’ thukham zui-in, a hoihpen ahi sisan zang lo-a zatui kikhoina tawh i kikhoi thei hi. VIDEO hong in.
Titus 3:2 sim in. Tua khit teh hih dotna kikum un:
-
Zatui lam tawh kisai-a siavuante tawh i kiho ciangin zahtakna le lungnemna i neih ding bang hangin kisam a hiam?
|
San Theih Loh |
Khristiante’ khensat ding thu |
|---|---|
|
A. Sisan plasma |
Plasma pan a kikhenkhiakikte |
|
B. Sisan cell a kang |
Sisan cell a kang pan a kikhenkhiakikte |
|
C. Platelets |
Platelets pan a kikhenkhiakikte |
|
D. Sisan cell a san |
Sisan cell a san pan a kikhenkhiakikte |
5. Si themnengte a kihel zatui kikhoinate
Sisan pen sisan bulpi nam lite ahi, sisan cell a san, sisan cell a kang, platelets le plasma ci-in kikhen hi. Hih sisan bulpi nam lite pana a kikhenkhiakik, si themneng cihte om hi. c Tua si themneng pawlkhat pen natna do nading ahih kei leh si khak nading zatuite-ah kizang hi.
Si themnengte tawh kisai ahih leh Khristiante in Lai Siangtho tawh a kiseek sia le pha theihna lungsim bangin amau mahmah in thu a khensat uh kul hi. Si themnengte zanga kikhoina pen sang lo dingin a khensat a om mah bangin, sia le pha theihna lungsim hanga a sang thei zong om thei hi.
Thu na khensat ciangin hih dotna ngaihsun in:
-
Si themnengte zanga kikhoina pen ka sanna a hang leh ka san lohna a hang siavuante kiangah koici hilhcian ding?
MI PAWLKHATTE’ DOTNA: “Sisan kithun pen bang khialhna om a hia?”
-
Nangh bangci ngaihsut?
TOMLAKNA
Jehovah in sisan pen a siangtho-in i muh ding deih hi.
Kikupkikna
-
Jehovah in sisan pen a siangtho-in bang hangin mu a hiam?
-
Sisan tang un, cih thupiakna pen si kithunna tawh zong kisai ahihlam koici theithei i hiam?
-
Sisan zanga zatui kikhoina tawh kisai-in thu khensatna hoih koici bawl thei ding na hiam?
THEIH BEH NADING
I sisan mah a kizangkik kikhoina tawh kisai-in thu i khensat ciangin bang thu teng i ngaihsut ding kisam a hiam?
“Lai Simte Kiang Pan Dotna” (Vilnatausang, October 15, 2000)
Si themnengte sang ding maw, sang lo ding, cih na khensat ciangin bang thu teng na ngaihsut ding kisam a hiam?
Sisan tawh kisai Jehovah’ muh dan pen man ahihlam siavuanpa khat in bang hangin theitel a hiam?
“Sisan Tawh Kisai Pasian’ Muh Dan Pen Sangta Ing” (Khanghlo In! Laibu)
Tualsung zato kizopna committee (HLC) a a kihel upate in unaute a huh dan thu kan in.
a Sin Ding Thu 35 na-a “Thu Khensatna Hoih I Bawl Theih Dan” cih thulu-ah en in.
b Thu 5 na-a “Si Themnengte A Kihel Zatui Kikhoinate,” le Hilhcianna 3, “Sisan A Kihel Zatui Kikhoi Dante” en in.
c Siavuan pawlkhatte in sisan bulpi nam lite pen si themnengte tawh a kibangin ngaihsun uh hi. Tua ahih manin, sisan ahih kei leh sisan cell a san, sisan cell a kang, platelets le plasma cihte i san lohlam i khensatna pen i hilhcian ding kisam khathei hi.
