Jehovah in mihingte a bawl lai-in a lamdang mahmah letsong, kampau theihna pia hi. Tua letsong i zat dan pen Jehovah adingin a thupi hiam? Thupi mahmah hi! (James 1:26 sim in.) Tua hi leh Jehovah’ lungsim tawh kituakin i kampau theihna pen koici zat ding i hiam?

1. Kampau theihna letsong pen koi banga i zat ding kilawm a hiam?

“Khatlekhat kihanthawnin na kihuh ciat ta un,” ci-in Lai Siangtho in gen hi. (1 Thesalonika 5:11) Tha piak ding a kisam khat na thei hiam? Tha a neih nadingin koici huh thei ding na hiam? Amau na donlam gen thei hi teh. Amau’ hoihnate zong gen thei hi teh. Mi khat tha a ngahsak thei Lai Siangtho mun khat na ngaihsun khia thei hiam? Teel theih ding Lai Siangtho mun tampi om hi. I kammal zat bek tham loh, i gen khiat dan in zong midangte tha tampi ngahsak thei ahihlam phawk in. Tua ahih manin zahtakna le kam nem tawh kampau tawntung dingin hanciam in.​—Paunak 15:1.

2. Koi bang kampaute zang lo ding ihi hiam?

‘Kamguh zang kei un,’ ci-in Lai Siangtho in gen hi. (Efesa 4:29 sim in.) Kam gilo, midangte a sukhasak thei kammalte i zat loh ding kisam hi. Mi a liamsak thei kamtamna le gensiatna kampaute zong i zat loh ding kisam hi.​—Paunak 16:28 sim in.

3. Tha a ngahsak thei kam i pau theih nadingin bang in hong huh ding a hiam?

I gen khiat kammalte in i lungsim sunga om le i ngaihsutna lakkhia hi. (Luka 6:45) Tua ahih manin a man, a dik, a tang, a siangtho, a deihhuai, le a pahtakhuai thute i ngaihsut theih nadingin i kisin kul hi. (Filippi 4:8) Tuate i ngaihsut theih nadingin gualnopnate le lawmlegualte pilvang taka i teel ding kisam hi. (Paunak 13:20) Tua in, i paukhiat ma-a limtaka ngaihsun masa dingin zong hong huh thei hi. Na kampau in midangte lungsim a khoih dan ding ngaihsun in. “Ngaihsun lo-a kampauna in tem hiam bangin mi liamsak thei a, mipilte kampauna in tua bang liamna damsak thei hi,” ci-in Lai Siangtho in gen hi.​—Paunak 12:18.

 ZON BEH INLA, MUH BEH IN

4. Na kampau kidawm in

Eite khempeuh in a nung cianga i kisikkik nading kamte i pau khathei hi. (James 3:2) Galati 5:22, 23 sim in. Tua khit teh hih dotnate kikum un:

• Kampau na kidop theih nadingin hih Lai Siangtho muna bang pianziate thungetna-ah hel thei na hiam? Tua pianziate in nang koi bangin hong huh thei a hiam?

Korin Masa 15:33 sim in. Tua khit teh hih dotna kikum un:

• Na kikholhpihte le na teel gualnopnate in na kampau koi bangin sukha thei a hiam?

Thuhilhna 3:1, 7 sim in. Tua khit teh hih dotna kikum un:

• Bang hun ciangin pau lo-a dai taka om, ahih kei leh gen nading hun hoih ngak pen pilhuai a hiam?

 5. Midangte’ hoihna gen in

6. Innkuanpihte tungah kam nem zang in

 TOMLAKNA

Kampaute in mi lungsiam nakpi takin nasak thei hi. Bang gen ding, bang hun ciangin gen ding, bangci gen ding cih pen limtaka i ngaihsut ding kisam hi.

Kikupkikna

• Midangte’ phattuam nadingin kampau koici zangthei na hiam?

• Koi bang kampaute pelh nuam na hiam?

• A tha ngahhuai kampaute itna tawh i pau tawntung nadingin bang in hong huh thei a hiam?