1-2. Jehovah in i thunget hong dawng lo ci-in bang hang ngaihsun khathei i hiam?

 “ယေဟောဝါဆီ​မှာ ပျော်ရွှင်​ကြည်နူး​မှု​ကို ရှာပါ။ အလိုဆန္ဒတွေကို ဘုရား ဖြည့်ဆည်းပေး​လိမ့်မယ်။” (ဆာ. ၃၇:၄) သိပ်ကောင်းတဲ့ ကတိ​ပဲ။ ဒါဆိုရင် တောင်းသမျှ ယေဟောဝါ ချက်ချင်း ဖြည့်ဆည်းပေးမယ်လို့ မျှော်လင့်သင့်သလား။ အခြေအနေ​တချို့ စဉ်းစားကြည့်ပါ။ သတင်းကောင်း ဟောပြောသူများ​အတွက် သင်တန်း တက်​ရဖို့ တစ်ကိုယ်ရေ ညီအစ်မ​တစ်ယောက် ဆုတောင်းတယ်။ တစ်နှစ်ပြီး တစ်နှစ်​သာ ကုန်​သွားတယ်။ မ​တက်​ရ​သေး​ဘူး။ အသင်းတော်မှာ ပိုပြီး အမှုဆောင်ချင်လို့ ရောဂါဆိုး သက်သာ​ဖို့ ညီအစ်ကို​လေး​တစ်ယောက် ဆုတောင်းတယ်။ သက်သာ​မလာဘူး။ သားသမီး အမှန်တရားထဲ ရှိနေဖို့ မိဘတွေ ဆုတောင်းတယ်။ ဒါပေမဲ့ ယေဟောဝါကို သားသမီး ဆက်ဝတ်မပြုဘူး။

^၂ သင်လည်း ယေဟောဝါဆီ တစ်ခုခု ဆုတောင်း​ထားပေမဲ့ အဖြေ မရသေး​တာ ဖြစ်နိုင်တယ်။ ‘တခြားသူတွေ တောင်းတာ ယေဟောဝါ ဖြည့်ဆည်း​ပေးပြီး ငါ တောင်းတာ​တော့ ဖြည့်ဆည်း​မပေးဘူး’ လို့ ကောက်ချက် ချမိနိုင်တယ်။ အမှား တစ်ခုခု လုပ်ထား​မိ​လို့ ဖြစ်မယ်ဆိုပြီး တွေးမိနိုင်တယ်။ ညီအစ်မ ဂျဲနက် b အဲဒီလို တွေးမိတယ်။ ဗေသလမှာ အမှုဆောင်ချင်တဲ့​အကြောင်း သူတို့ ဇနီးမောင်နှံ ဆုတောင်းတယ်။ “သိပ်မကြာခင် ဖိတ်ခေါ်ခံရမယ် ထင်​နေတာ” လို့ ဂျဲနက် ပြောတယ်။ လတွေ၊ နှစ်တွေ အလီလီ ပြောင်းသွားတယ်။ ဖိတ်ခေါ်​မခံရဘူး။ “ဝမ်း​လည်း နည်း၊ ဇဝေဇဝါ​လည်း ဖြစ်​မိတယ်။ ယေဟောဝါ မကြိုက်တာ ဘာများ လုပ်ထား​မိ​လို့​လဲ။ ဗေသလမှာ အမှုဆောင်ချင်တဲ့​အကြောင်း  သတ်သတ်မှတ်မှတ် တောင်း​ထားတာ။ ဘာလို့ ဖြည့်ဆည်း​မပေးတာလဲ” လို့ ပြောတယ်။

3. Hih thulu-ah bang thu kikum ding i hiam?

^၃ ဆုတောင်းတာ ယေဟောဝါ နား​ကော ထောင်ရဲ့​လား​လို့ တစ်ခါတလေ တွေးမိနိုင်တယ်။ ရှေးသစ္စာရှိ အမျိုးသား​တချို့​တောင် အဲဒီလို တွေးမိ​ကြတယ်။ (ယောဘ ၃၀:၂၀။ ဆာ. ၂၂:၂။ ဟဗ. ၁:၂) ကိုယ် ဆုတောင်းတာကို ယေဟောဝါ လျစ်လျူမရှု​ဘူး​ဆိုတာ ဘာက စိတ်ချစေနိုင်​သလဲ။ (ဆာ. ၆၅:၂) အဖြေ ရဖို့ ဒီ​မေးခွန်းတွေ အရင် သုံးသပ်​ကြည့်ရအောင်– (၁) ယေဟောဝါ ဘာ​လုပ်ပေးမယ်လို့ မျှော်လင့်နိုင်သလဲ။ (၂) ကျွန်တော်တို့ ဘာလုပ်ဖို့ ယေဟောဝါ မျှော်လင့်​သလဲ။ (၃) ဆုတောင်းချက် ပြောင်းဖို့ ဘာကြောင့် လို​နိုင်​သလဲ။

4. Jeremiah 29:12-ah Jehovah in bang hong kamciam a hiam?

^၄ ဆုတောင်းချက်တွေ နားထောင်မယ်​လို့ ကတိပေးတယ်။ (ယေရမိ ၂၉:၁၂ ကို ဖတ်ပါ။) သစ္စာရှိ ဝတ်ပြု​သူတွေကို ဘုရား သိပ်ချစ်လို့ ဆုတောင်းတဲ့အခါ ဘယ်တော့မှ လျစ်လျူရှု​မှာ မဟုတ်ဘူး။ (ဆာ. ၁၀:၁၇။ ၃၇:၂၈) တောင်းသမျှ ပေးမယ်​လို့​တော့ မဆိုလိုဘူး။ တချို့​ဆုတောင်းချက်တွေ ပြည့်​ဖို့ ကမ္ဘာသစ် ရောက်တဲ့​အထိ စောင့်​ရနိုင်တယ်။

5. Jehovah in i thungetnate bang tawh teh a hiam? Hilhcian in.

^၅ ဆုတောင်းချက်တွေကို မိမိ​ရည်ရွယ်ချက်နဲ့ ချိန်ထိုး​တယ်။ (ဟေရှာ. ၅၅:၈၊ ၉) ရည်ရွယ်ချက်​တစ်ခုကတော့ မိမိအုပ်ချုပ်မှုကို ဝမ်းမြောက်ဝမ်းသာ၊ စည်းစည်းလုံးလုံး လက်အောက်ခံ​မယ့် အမျိုးသား/သမီးတွေ ကမ္ဘာမြေမှာ ပြည့်​နေဖို့​ပဲ။ ဒါပေမဲ့ လူလူချင်း အုပ်ချုပ်​တာ ပိုကောင်းတယ်လို့ စာတန် ပြောတယ်။ (က. ၃:၁-၅) စာတန် မှားတယ်ဆိုတာ ပြ​ချင်လို့ လူလူချင်း အုပ်ချုပ်​ဖို့ ယေဟောဝါ ခွင့်ပြုလိုက်တယ်။ လူလူချင်း အုပ်ချုပ်​လို့ ဒီနေ့ ပြဿနာတွေ များနေတာ။ (ဒေ. ၈:၉) ဒါပေမဲ့ ရှိသမျှ ပြဿနာ အခုချိန်မှာ ယေဟောဝါ ရှင်း​မပေးဘူး။ လိုက်​ရှင်း​ပေး​ရင် လူအုပ်ချုပ်တာ ကောင်းသား​ပဲ၊ ပြဿနာတွေ ဖြေရှင်း​နိုင်​သား​ပဲ​လို့ တချို့ ထင်​သွားမယ်။

6. Jehovah sepna khempeuh itna kihel denin, thuman den cih bang hang i muan ding kisam a hiam?

^၆ တောင်းတာ တူ​ရင်တောင် ဖြေတာ တူချင်မှ တူ​မယ်။ ဥပမာ၊ ဟေဇကိ​မင်း သေလုမြောပါး ဖျား​လို့ ပြန်​သက်သာ​ဖို့ အသနားခံတော့ ယေဟောဝါ သက်သာ​စေ​တယ်။ (၂ ဘု. ၂၀:၁-၆) ကျန်းမာရေး ပြဿနာ ဖြစ်ပုံရ​တဲ့ “ကိုယ်ခန္ဓာ​မှာ စူးတဲ့ ဆူး” ဖယ်ရှား​ပေးဖို့ တမန်တော် ပေါလု အသနားခံတော့ ယေဟောဝါ ဖယ်ရှား​မပေးဘူး။ (၂ ကော. ၁၂:၇-၉) တမန်တော် ယာကုပ်နဲ့ ပေတရု​အကြောင်းလည်း စဉ်းစားကြည့်ပါ။ နှစ်ယောက်စလုံး​ကို ဟေရုဒ်​မင်း အသက်​ရန်ရှာ​တယ်။ ပေတရု​အတွက် အသင်းတော် ဆုတောင်း​ပေးသလို ယာကုပ်​အတွက်​လည်း တောင်း​ပေးမှာပဲ။ ဒါပေမဲ့ ယာကုပ် အသတ်ခံ​လိုက်ရတယ်။ ပေတရု​ကိုတော့ ကောင်းကင်တမန် ကယ်လိုက်တယ်။ (တ. ၁၂:၁-၁၁) ‘ပေတရု​ကို ယေဟောဝါ ကယ်​ပြီး ယာကုပ်ကို ဘာကြောင့် မ​ကယ်​သလဲ’ လို့ တွေးမိ​မယ်။ ကျမ်းစာမှာ ဖော်ပြ​မထားဘူး။ c ဒါပေမဲ့ ယေဟောဝါရဲ့ နည်းလမ်းတွေ “မတရားမှု ကင်း” တယ်​ဆိုတာ စိတ်ချနိုင်တယ်။ (တရား. ၃၂:၄) ဒါ့အပြင် နှစ်ယောက်စလုံး​ကို ယေဟောဝါ ချစ်မှန်း ကျွန်တော်တို့ သိတာပဲ။ (ဗျာ. ၂၁:၁၄) ကျွန်တော်တို့လည်း တစ်ခါတလေ မျှော်လင့်​ထားတဲ့ အဖြေ မရတာ​မျိုး ဖြစ်နိုင်တယ်။ ယေဟောဝါ လုပ်သမျှ အမြဲ မေတ္တာပါတယ်၊ တရားမျှတတယ်​ဆိုတာ စိတ်ချ​လို့  ဆုတောင်းချက် အဖြေပေး​ပုံ​ကို မကျေမနပ် အတွန့်​မ​တက်ကြ​ဘူး။—ယောဘ ၃၃:၁၃။

7. Bang i pelh ding kisam a hiam? Bang hang hiam?

^၇ ကိုယ့်​အခြေအနေကို တခြားသူတွေနဲ့ ယှဉ်တာမျိုး ရှောင်ရမယ်။ ဥပမာ၊ ယေဟောဝါဆီ တစ်ခုခု သတ်သတ်မှတ်မှတ် ဆုတောင်း​ထားပေမဲ့ အဖြေ မရဘူး။ ကိုယ့်​လို တောင်းတဲ့ နောက်တစ်ယောက်ကိုတော့ ယေဟောဝါ အဖြေပေး​ပုံ ပေါက်​တာ​မျိုး ကြုံနိုင်တယ်။ ညီအစ်မ အန်နာ အဲဒီလို ကြုံရတယ်။ ခင်ပွန်း မက်သရူး ကင်ဆာ​ရောဂါ သက်သာ​ဖို့ အန်နာ ဆုတောင်းတယ်။ အဲဒီအချိန်မှာ​ပဲ သက်ကြီး ညီအစ်မ​နှစ်ယောက်​လည်း ကင်ဆာ ဖြစ်နေတယ်။ ဒါနဲ့ မက်သရူး​အတွက်​ကော ညီအစ်မတွေ​အတွက်ပါ အသည်းအသန် ဆုတောင်းတယ်။ ညီအစ်မတွေ ပြန်​သက်သာ​လာပေမဲ့ မက်သရူး ဆုံးသွား​တယ်။ ယေဟောဝါ​ကြောင့် ညီအစ်မတွေ ပြန်​သက်သာ​လာတာ​ဆိုရင် မက်သရူး​ကျတော့ ဘာကြောင့် ဆုံးသွား​ရသလဲ​ဆိုပြီး အန်နာ တွေးမိတယ်။ အကြောင်းရင်း ကျွန်တော်တို့ မသိဘူး။ ဒါပေမဲ့ သိတာ ရှိတယ်။ ဆင်းရဲဒုက္ခ​အားလုံးကို ယေဟောဝါ အဆုံးတိုင်​စေမယ်၊ ချစ်ရသူတွေကို ပြန်ထမြောက်​ပေးချင်​နေတယ်​ဆိုတာပဲ။—ယောဘ ၁၄:၁၅။

8. (a) Isaiah 43:2-a a gen bangin, Jehovah in koi bangin hong huh ding a hiam? (b) Haksatna i tuah ciangin thungetna in koi bangin hong huh thei a hiam? (Thungetna In Haksatna Thuakzo Sak video en in.)

^၈ အမြဲ ထောက်မ​ပေးမယ်။ ကျွန်တော်တို့ ဒုက္ခရောက်တာ မေတ္တာရှင် အဖ ယေဟောဝါ မ​ကြည့်​ရက်​ဘူး။ (ဟေရှာ. ၆၃:၉) ဒါပေမဲ့ မြစ်ရေ​လို၊ မီး​လို အခက်အခဲတွေ တစ်ခုမှ မကြုံအောင် လိုက်​ကာကွယ်​မပေးဘူး။ (ဟေရှာယ ၄၃:၂ ကို ဖတ်ပါ။) “ဖြတ်လျှောက်” နိုင်အောင် ကူညီပေးမယ်​လို့​တော့ ကတိပေးတယ်။ အခက်အခဲတွေကြောင့် မိမိနဲ့ ဆက်ဆံရေး ပြတ်တောက်​သွားတာမျိုး အဖြစ်မခံဘူး။ ခံရပ်နိုင်ဖို့ သန့်ရှင်းသော စွမ်းအားတော် ပေးမယ်။ (လု. ၁၁:၁၃။ ဖိ. ၄:၁၃) ဒါကြောင့် ခံနိုင်ရည် ရှိဖို့၊ ဆက်သစ္စာရှိနိုင်ဖို့ လိုတာ ကွက်တိ ဘုရား အမြဲ ပေးမယ်​ဆိုတာ စိတ်ချပါ။ d

9. James 1:6, 7-a a gen bangin, Jehovah in hong huh ding cih bang hang i muan ding kisam a hiam?

^၉ မိမိကို ယုံဖို့ မျှော်လင့်တယ်။ (ဟီ. ၁၁:၆) တစ်ခါတလေ အခက်အခဲတွေ မ​ကျော်လွှားနိုင်​ပုံ ပေါက်နေနိုင်တယ်။ ယေဟောဝါ ကူညီပေးပါ့မလားလို့ သံသယ စ​ဝင်လာနိုင်တယ်။ ဒါပေမဲ့ ဘုရားပေး ခွန်အားကြောင့် “မြို့ရိုး​ကို တက်​နိုင်” မယ်​လို့ ကျမ်းစာမှာ အာမခံတယ်။ (ဆာ. ၁၈:၂၉) ဒါကြောင့် သံသယ ဝင်​မနေပါနဲ့။ ဆုတောင်းချက်တွေ ယေဟောဝါ ဖြေပေးမယ်ဆိုတာ စိတ်ချပြီး ယုံယုံကြည်ကြည်​သာ တောင်းနေပါ။—ယာကုပ် ၁:၆၊ ၇ ကို ဖတ်ပါ။

10. Thu i nget banah i hih theihzah a, sep ding a kisaplam gentehna pia in.

^၁၀ ဆု​လည်း တောင်း၊ ကိုယ့်ဘက်ကလည်း တတ်နိုင်​တာ လုပ်ဖို့ မျှော်လင့်တယ်။ ခရိုင်​အစည်းအဝေး တက်​လို့ ရအောင် အလုပ်ကနေ ခွင့်​ရ​ပါ​စေ​ဆိုပြီး ညီအစ်ကို​တစ်ယောက် ဆုတောင်းတယ် ဆိုပါစို့။ ဒီ​ဆုတောင်းချက်ကို ယေဟောဝါ ဘယ်လို ဖြေပေး​မလဲ။ အလုပ်ရှင်​ဆီ ခွင့်​သွား​တောင်း​ရဲ​တဲ့ သတ္တိ ပေးနိုင်တယ်။ ဒါပေမဲ့ ခွင့်​သွား​တောင်း​ရမှာ ညီအစ်ကိုရဲ့ တာဝန်။ ခဏခဏ​တောင် သွား​တောင်း​ရနိုင်တယ်။ နောက်တစ်ရက် အစား​ပြန်​လုပ်ပေးမယ်၊ လစာ ဖြတ်​လို့ ရတယ်​စသဖြင့် ညှိ​ရနိုင်တယ်။

11. Bang hangin thu i nget pahpah ding kisam a hiam?

^၁၁ ထပ်ခါထပ်ခါ တောင်းဖို့ မျှော်လင့်တယ်။  (၁ သက်. ၅:၁၇) ဆုတောင်းချက်​တချို့ ချက်ချင်း အဖြေ ရမှာ မဟုတ်မှန်း ယေရှု​စကားကနေ သိနိုင်တယ်။ (လု. ၁၁:၉) စိတ်ဓာတ်​မကျပါနဲ့။ ဇွဲမလျှော့ဘဲ ခဏခဏ တောင်းပါ။ (လု. ၁၈:၁-၇) တစ်ခုခု​နဲ့ပတ်သက်ပြီး တောက်လျှောက် တောင်းတာ​ဟာ စိတ်ကူးပေါက်တုန်း ထ​တောင်းတာ မဟုတ်မှန်း ပြရာ ရောက်တယ်။ ယေဟောဝါ ကူညီပေးနိုင်တယ်ဆိုတာ ယုံကြောင်း​လည်း ပြရာ ရောက်တယ်။

12. (a) Thungetna tawh kisai ngaihsut ding a kisam dotna khat in bang a hiam? Bang hang hiam? (b) Jehovah i zahtakna a kilang dingin koi banga thunget ding kisam a hiam? (“ Ka Thungetnate In Jehovah Ka Zahtaklam A Kilangsak Hiam?” Kiu li bawm en in.)

^၁၂ ဆုတောင်း​ထားတာ အဖြေ မရဘူး​ဆိုရင် မေးခွန်း သုံးခု စဉ်းစားကြည့်ပါ။ ပထမ၊ ‘တောင်းသင့်​တာ တောင်းနေတာ ဟုတ်ရဲ့လား။’ ကိုယ့်အတွက် ဘာ​အကောင်းဆုံးလဲ ကိုယ် သိတယ်လို့ ထင်တတ်ကြတယ်။ ဒါပေမဲ့ ကိုယ် တောင်း​ထားတာက ရေရှည် အကျိုးမရှိတာမျိုး ဖြစ်နေနိုင်တယ်။ ပြဿနာ​တစ်ခုနဲ့​ပတ်သက်ပြီး ဆုတောင်းတာ​ဆိုရင် ကိုယ် တောင်း​ထားတဲ့ ဖြေရှင်းနည်း​ထက် ပိုကောင်းတဲ့ ဖြေရှင်းနည်း ရှိနေနိုင်တယ်။ တစ်ခါတလေ ကိုယ် တောင်းတာ​တွေ​က ယေဟောဝါရဲ့ အလိုတော်နဲ့ မညီ​တာ ဖြစ်နေနိုင်တယ်။ (၁ ယော. ၅:၁၄) အစပိုင်းမှာ ဖော်ပြခဲ့တဲ့ မိဘတွေ​အကြောင်း ပြန်စဉ်းစားကြည့်ပါ။ သားသမီး အမှန်တရားမှာ ဆက်ရှိနေဖို့ ဆုတောင်းတယ်။ ဒီလို​တောင်းတာ သင့်တော်​ပုံ ပေါက်နိုင်တယ်။ ဒါပေမဲ့ မိမိကို ဝတ်ပြုဖို့ ဘယ်သူ့ကိုမှ ယေဟောဝါ ဖိအား​မပေးဘူး။ သားသမီးတွေ အပါအဝင် ကျွန်တော်တို့​အားလုံး ကိုယ့်​စိတ်နဲ့​ကိုယ် ရွေးချယ်​ပြီး ဝတ်ပြုတာကို လိုချင်တာ။ (တရား. ၁၀:၁၂၊ ၁၃။ ၃၀:၁၉၊ ၂၀) ဒီတော့ မိဘတွေ ဘယ်လို ပြောင်း​ပြီး ဆုတောင်းနိုင်သလဲ။ ဘုရားကို သားသမီး ချစ်လာအောင်၊ ဘုရားနဲ့ ရင်းနှီး​လာအောင်  ထိထိမိမိ သွန်သင်​ဆုံးမ​နိုင်ဖို့ ကူညီပေးပါ​ဆိုပြီး တောင်းနိုင်တယ်။—ပညာ. ၂၂:၆။

13. Peter Masa 5:6, 7-a a gen bangin, bang hun ciangin Jehovah in hong huh ding a hiam? Hilhcian in.

^၁၃ ဒုတိယ၊ ‘ယေဟောဝါ ဖြည့်ဆည်းပေးဖို့ အချိန် တန်​ပြီလား။’ ဆုတောင်းချက် အဖြေ ချက်ချင်း ရ​မှ ဖြစ်မယ်လို့ ကျွန်တော်တို့ ခံစားမိနိုင်တယ်။ ဘယ်အချိန် အကောင်းဆုံးလဲ ယေဟောဝါ သိတယ်။ (၁ ပေတရု ၅:၆၊ ၇ ကို ဖတ်ပါ။) တောင်းတာ ချက်ချင်း မရရင် ယေဟောဝါ ‘မပေးဘူး’ လို့ မတွေး​လိုက်ပါ​နဲ့။ ‘မ​ပေး​သေး​တာ’ ဖြစ်မှာ​ပါ။ ရောဂါ သက်သာ​ဖို့ ဆုတောင်းတဲ့ ညီအစ်ကို​လေး​အကြောင်း ပြန်စဉ်းစားကြည့်ပါ။ အံ့ဖွယ်​နည်းနဲ့ ယေဟောဝါ ကုပေး​လိုက်ရင် ‘ယေဟောဝါကို ဆက်​ဝတ်ပြုမှာ​ပေါ့။ ရောဂါ ပျောက်​အောင် လုပ်ပေးထားတာ​ကိုး’ ဆိုပြီး စာတန် စွပ်စွဲ​မှာ။ (ယောဘ ၁:၉-၁၁။ ၂:၄) အနာ​ရောဂါ​အားလုံး ပျောက်ကင်းအောင် လုပ်ပေးမယ့်​အချိန် ယေဟောဝါ သတ်မှတ်​ပြီးပြီ။ (ဟေရှာ. ၃၃:၂၄။ ဗျာ. ၂၁:၃၊ ၄) အဲဒီအချိန် မရောက်ခင်​တော့ အံ့ဖွယ်​နည်းနဲ့ ရောဂါ ပျောက်​ဖို့ မျှော်လင့်​လို့ မရဘူး။ ဒီတော့ ညီအစ်ကို​လေး ဘယ်လို ပြောင်း​ပြီး ဆုတောင်းနိုင်သလဲ။ ရောဂါဒဏ် ခံနိုင်ဖို့၊ ဘုရားကို သစ္စာရှိရှိ ဆက်​ဝတ်ပြုနိုင်ဖို့ အစွမ်း​ခွန်အား၊ ငြိမ်သက်ခြင်း ပေးပါ​ဆိုပြီး တောင်းနိုင်တယ်။—ဆာ. ၂၉:၁၁။

14. Janice’ tuahkhakna pan bang sin thei i hiam?

^၁၄ ဗေသလမှာ အမှုဆောင်ချင်လို့ ဆုတောင်းတဲ့ ဂျဲနက်​အကြောင်း ပြန်စဉ်းစားကြည့်ပါ။ မျှော်လင့်မထားတဲ့ နည်းနဲ့ ယေဟောဝါ အဖြေပေးတာကို နောက်​ငါးနှစ် ကြာမှ သဘောပေါက်လာတယ်။ “အဲဒီ​အတောအတွင်း ယေဟောဝါ အများကြီး သင်ပေး၊ လေ့ကျင့်ပေး​နေတာပဲ။ ကျွန်မ ဘုရားကို ပို​ကိုးစား​တတ်​ဖို့၊ ကျမ်းစာကို ထဲထဲဝင်ဝင် လေ့လာ​တတ်​ဖို့ လို​နေခဲ့တာ။ ဘယ်နေရာကနေ​ပဲ  အမှုဆောင်​ရ ဆောင်​ရ ပျော်​တတ်​ဖို့ လို​နေခဲ့တာ” လို့ ပြောတယ်။ နောက်ပိုင်း၊ ဂျဲနက်​တို့ ဇနီးမောင်နှံ တိုက်နယ်​လုပ်ငန်းမှာ ပါဝင်​ရတယ်။ “ပြန်တွေး​ကြည့်ရင် ကျွန်မ မျှော်လင့်​ထားတဲ့ ပုံစံနဲ့​သာ မဟုတ်တာ။ ဆုတောင်းချက်တွေ ယေဟောဝါ ဖြေပေးတယ်။ ဘုရား ပေးတဲ့ အဖြေ ဘာကြောင့် အကောင်းဆုံး ဖြစ်တယ်ဆိုတာ သဘောပေါက်ဖို့ အချိန်တော့ လိုတာ​ပေါ့။ ဘုရား​မေတ္တာ၊ ကြင်နာမှု ခံစားရလို့ ပျော်တယ်” လို့ ပြောတယ်။

15. A tangzaizaw a thu i nget ding bang hangin kisam thei a hiam? (Lim zong en in.)

^၁၅ တတိယ၊ ‘ပြောင်း​ပြီး ဆုတောင်းသင့်​သ​လား။’ သတ်သတ်မှတ်မှတ် ဆုတောင်းတာ ကောင်းပါတယ်။ ဒါပေမဲ့ ယေဟောဝါ ဘာဖြစ်​စေချင်​သလဲ သိရအောင် တစ်ခါတလေ ဘောင်​ကျယ်ကျယ် ထားပြီး ဆုတောင်းနိုင်တယ်။ သတင်းကောင်း ဟောပြောသူများ​အတွက် သင်တန်း တက်​ချင်လို့ ဆုတောင်းတဲ့ တစ်ကိုယ်ရေ ညီအစ်မ​အကြောင်း ပြန်စဉ်းစားကြည့်ပါ။ ပိုလိုအပ်တဲ့ ဒေသမှာ အမှုဆောင်နိုင်အောင် သင်တန်း တက်ချင်တာ။ ဒါဆိုရင် သင်တန်း တက်​ရဖို့ ဆက်​ဆုတောင်းရင်း တစ်ဖက်​မှာ အမှုဆောင်​လုပ်ငန်း တိုးချဲ့နိုင်တဲ့ တခြား​အခွင့်အလမ်းတွေ မြင်လာအောင်​လည်း တောင်းနိုင်တယ်။ (တ. ၁၆:၉၊ ၁၀) အဲဒီနောက် အနီးနား​မှာ ရှေ့ဆောင် ပို​လိုတဲ့ အသင်းတော် ရှိသလား​လို့ တိုက်နယ် ကြီးကြပ်မှူးကို မေးနိုင်တယ်။ ဟောပြောသူ ပို​လိုတဲ့ နိုင်ငံ​ဒေသ ရှိသလား​လို့ ဌာနခွဲရုံးကို စာရေး​မေးနိုင်တယ်။ e

16. Bang pen muang thei i hiam?

^၁၆ ဆွေးနွေးခဲ့တဲ့အတိုင်း ဆုတောင်းချက်တွေကို ယေဟောဝါ မေတ္တာပါပါ၊ တရား​မျှမျှတတ ဖြေပေးမယ်ဆိုတာ စိတ်ချနိုင်တယ်။ (ဆာ. ၄:၃။ ဟေရှာ. ၃၀:၁၈) မျှော်လင့်တဲ့​အတိုင်း အမြဲ အဖြေ ရချင်မှ ရမယ်။ ဒါပေမဲ့ ဆုတောင်းချက်တွေကို ယေဟောဝါ ဘယ်တော့မှ လျစ်လျူမရှု​ဘူး။ ကျွန်တော်တို့ကို သိပ်ချစ်တဲ့အတွက် ဘယ်တော့မှ ပစ်မထားဘူး။ (ဆာ. ၉:၁၀) ရင်ဖွင့်​ဆုတောင်းခြင်းအားဖြင့် ယေဟောဝါကို “အချိန်တိုင်း” ဆက်​သာ “ယုံကြည်​ကိုးစား” နေပါ။—ဆာ. ၆၂:၈။