1. Ngasa tampi a mat nadinga Jesuh in nalamdang tawh a huh ciangin Peter’ lungsim bangci om a hiam?

 ပေတရု တစ်ညလုံး ငါးဖမ်း​တယ်။ တစ်ကောင်​မှ မရဘူး။ ဒါပေမဲ့ “ရေနက်တဲ့​ဘက်​ကို လှော်သွားပြီး ပိုက်ကွန်​ချ” ပါ​လို့ ယေရှု ပြောတယ်။ (လု. ၅:၄) ငါး​မိ​မယ်​လို့ မထင်ပေမဲ့ ယေရှု ပြောတဲ့​အတိုင်း ပိုက်ကွန်​ချတယ်။ ငါး​တွေ မိ​လိုက်တာ​မှ ပိုက်ကွန် ပေါက်ပြဲ​လု​မတတ်​ပဲ။ ယေရှု အံ့ဖွယ်အမှု လုပ်ပြ​လိုက်​မှန်း သိပြီး ပေတရု​နဲ့ တံငါသည် ရောင်းရင်း​တွေ “သိပ်​အံ့ဩ​သွား” ကြတယ်။ ဒါနဲ့ “သခင်၊ ကျွန်တော်ဟာ အပြစ်​များတဲ့သူပါ။ ကျွန်တော့်​ဆီ​က ထွက်သွား​ပေးပါ” လို့ ပေတရု ကောက်ကာငင်ကာ ထ​ပြောတယ်။ (လု. ၅:၆-၉) ယေရှု​ဘေးမှာ ရှိနေဖို့​တောင် မထိုက်တန်ဘူးလို့ ခံစား​သွား​ပုံ​ပဲ။

2. Peter’ thu i sinna in bang hangin hamphatna om a hiam?

^၂ “အပြစ်​များတဲ့သူပါ” လို့ ပေတရု ကိုယ့်ကိုယ်ကိုယ် ပြောတာ မှန်တယ်။ နောက်မှ နောင်တရမယ့်​အရာတွေ တစ်ခါတလေ ပြောမိ၊ လုပ်မိ​လို့​ပဲ။ သင့်​အဖြစ်​ကော ပေတရု​နဲ့ တူ​နေ​သ​လား။ အချိန်​ကြာ​သွားတာတောင် အကျင့်​ကောင်း​တစ်ခု ရှိလာဖို့၊ အကျင့်​ဆိုး​တစ်ခု ဖျောက်ဖို့ မနည်း ကြိုးစား​နေ​ရတုန်း​လား။ ဒါဆိုရင် ဒီအချက် စဉ်းစားကြည့်ပါ– ပေတရုရဲ့ အမှားတွေကို ကျမ်းစာမှာ ယေဟောဝါ ထည့်​မ​ရေး​ခိုင်းလို့ ရတယ်။ ဒါပေမဲ့ ကျွန်တော်တို့ သင်ခန်းစာ ယူ​လို့ ရအောင် ထည့်ထားတယ်။ (၂ တိ. ၃:၁၆၊ ၁၇) ကျွန်တော်တို့လိုပဲ အားနည်းချက်၊ ခံစားချက် ရှိတဲ့ ပေတရု​အကြောင်း လေ့လာတဲ့အခါ နှစ်သိမ့်မှု ရနိုင်တယ်။ အမှားကင်းဖို့ ယေဟောဝါ မမျှော်လင့်ဘူး၊ အားနည်းချက် ရှိပေမဲ့ လက်မလျှော့ဘဲ ဆက်ကြိုးစားဖို့ပဲ မျှော်လင့်တယ်​ဆိုတာ သဘောပေါက်​လာမှာ ဖြစ်လို့ပဲ။

3. Bang hangin lungkia lo-a hanciamsuak ding kisam a hiam?

^၃ လက်မလျှော့ဘဲ ဆက်ကြိုးစားဖို့ ဘာကြောင့် အရေးကြီးသလဲ။ “တစ်နေ့​ တစ်လံ ပုဂံ ဘယ်​ရွေ့မလဲ” ဆိုတဲ့ စကားပုံ​အတိုင်း​ပါပဲ။ ဥပမာ၊ လူတစ်ယောက် ဂစ်တာ တီးတာ ကျွမ်း​ဖို့ နှစ်နဲ့ချီ ကြာ​နိုင်တယ်။ အဲဒီ​အတောအတွင်း လက်ကွက်တွေ ခဏခဏ မှားတယ်။ ဆက်​လေ့ကျင့်​ရင်း တိုးတက်လာတယ်။ ကျွမ်း​သွား​ရင်​လည်း မှားတဲ့အခါတော့ မှား​ဦး​မှာ​ပဲ။ ဒါပေမဲ့ လက်မလျှော့ဘဲ လက်ရည် တက်​သည်ထက် တက်အောင် လေ့ကျင့်​တယ်။ ကျွန်တော်တို့လည်း အားနည်းချက်​တစ်ခု ဖျောက်နိုင်ပြီလို့ ထင်ပြီး​ခါ​မှ အမှား ထပ်​လုပ်မိ​နိုင်တယ်။ နောက်မှ နောင်တရမယ့်​အရာတွေ ပြောမိ၊ လုပ်မိ​နိုင်တယ်။ ဒါပေမဲ့ လက်မလျှော့ဘူး၊ ဆက်ကြိုးစားမယ်ဆိုရင် တိုးတက်​သည်ထက် တိုးတက်လာဖို့ ယေဟောဝါ ကူညီပေးမယ်။ (၁ ပေ. ၅:၁၀) လက်မလျှော့ဘဲ ဆက်​ကြိုးစားခဲ့တဲ့ ပေတရု​အကြောင်း သုံးသပ်​ကြည့်ရအောင်။ ပေတရု အမှားတွေ လုပ်မိ​ပေမဲ့ ယေရှု ကရုဏာ ပြတယ်​ဆိုတဲ့​အချက်က ဘုရား​အမှု ဆက်​ဆောင်ဖို့ ကျွန်တော်တို့ကို လှုံ့ဆော်​ပေးနိုင်တယ်။

4. Luka 5:5-10 ah Peter in ama thu bangci gen a hiam? Jesuh in koici hehnem a hiam?

^၄ “အပြစ်​များတဲ့သူပါ” လို့ ပေတရု ဘာကြောင့် ပြောသလဲ၊ ဘာအပြစ်တွေ လုပ်ထား​မိ​လို့​လဲ​ဆိုတာ ကျမ်းစာမှာ ဖော်ပြ​မထားဘူး။ (လုကာ ၅:၅-၁၀ ကို ဖတ်ပါ။) ဒါပေမဲ့ အပြစ် ကြီးကြီးမားမား လုပ်ထား​မိ​တာ​တွေ ရှိလို့ ဖြစ်မယ်။ ‘ငါ အဲဒီလောက် ကောင်းတဲ့​လူ​လည်း မဟုတ်ဘဲ​နဲ့’ ဆိုပြီး စိုးရိမ်​နေတာ ယေရှု ရိပ်မိတယ်။ သစ္စာရှိ​မယ့် လူစားမျိုး ဖြစ်မှန်း​လည်း သိတယ်။ ဒါကြောင့် “မစိုးရိမ်နဲ့တော့” လို့ ကြင်ကြင်နာနာ ပြောလိုက်တယ်။ ယေရှု ယုံကြည်​စိတ်ချ​ပေးလို့ ပေတရု​ဘဝ ပြောင်းလဲသွားတယ်။ နောက်ပိုင်း၊ ပေတရု​နဲ့ ညီ​အန္ဒြေ တံငါ​လုပ်ငန်း စွန့်ပြီး ယေရှုနောက် လိုက်ကြတယ်။ ဘုရား​ကောင်းချီး နည်းအမျိုးမျိုးနဲ့ ခံစားကြရတယ်။—မာ. ၁:၁၆-၁၈။

5. Peter in a sia lama ngaihsutna do a, Jesuh’ nung a zuih manin bang thuphate ngah a hiam?

^၅ ခရစ်တော်​နောက်လိုက် ဖြစ်လာလို့ အဖိုး​မဖြတ်နိုင်တဲ့ တွေ့ကြုံမှုတွေ ပေတရု ရတယ်။ လူနာတွေ​ကို ယေရှု ကုပေးတာ၊ နတ်ဆိုးတွေ နှင်ထုတ်​တာ၊ လူသေတွေ အသက်ပြန်ရှင်​စေ​တာ တွေ့ရတယ်။ b (မ. ၈:၁၄-၁၇။ မာ. ၅:၃၇၊ ၄၁၊ ၄၂) ဘုရားနိုင်ငံတော် မင်းလောင်း​အဖြစ် ယေရှု ကိုယ်ယောင် ပြောင်းတဲ့ မမေ့နိုင်​စ​ရာ မြင်ကွင်း မြင်ရတယ်။ (မာ. ၉:၁-၈။ ၂ ပေ. ၁:၁၆-၁၈) ယေရှုနောက်​သာ မလိုက်ရင် ဒါတွေ မြင်တွေ့ခွင့် ရမှာ မဟုတ်ဘူး။ အပျက်သဘောကို တွန်းလှန်နိုင်​ခဲ့​လို့ ဒီလို ကောင်းချီးတွေ ရတာ ဝမ်းသာမဆုံး ဖြစ်​နေ​မှာ​ပဲ။

6. Peter in a thanemnate baihtakin a do zo hiam? Hilhcian in.

 ^၆ ဒီလောက် မြင်​ထား၊ ကြား​ထားတာ​တောင် ပေတရု အားနည်းချက်တွေ တွန်းလှန်​ရတုန်းပဲ။ ဥပမာ​တချို့ စဉ်းစားကြည့်ပါ။ ကျမ်းစာ ကြိုဟောချက်​တွေ​အရ မိမိ ဘယ်လို ဒုက္ခ​ခံပြီး သေ​ရမယ်ဆိုတာ ယေရှု ပြောပြတော့ အဲဒီလို ပြောစရာ​လား​ဆိုပြီး ပေတရု အပြစ်တင်တယ်။ (မာ. ၈:၃၁-၃၃) ဘယ်သူ အကြီးမြတ်ဆုံးလဲဆိုပြီး ပေတရု​ကော တခြား​တမန်တော်တွေ​ပါ ခဏခဏ ငြင်းခုံ​ကြတယ်။ (မာ. ၉:၃၃၊ ၃၄) ယေရှု မသေခင် ညမှာ လူတစ်ယောက်ကို ပေတရု လက်​ရဲ​ဇက်​ရဲ ဓားနဲ့ ခုတ်လိုက်တာ နားရွက် ပြတ်သွားတယ်။ (ယော. ၁၈:၁၀) ဒါပေမဲ့ အဲဒီ​ညမှာ​ပဲ သတ္တိ​ကြောင်​ပြီး မိတ်ဆွေ ယေရှုကို မသိပါဘူးလို့ သုံးကြိမ် ငြင်းတယ်။ (မာ. ၁၄:၆၆-၇၂) နောက်တော့ ရှိုက်ကြီးတငင် သွား​ငိုတယ်။—မ. ၂၆:၇၅။

7. Jesuh a thawhkik ciangin Peter in bang hunpha ngah a hiam?

^၇ ယူကျုံးမရ ဖြစ်နေတဲ့ ပေတရု​ကို ယေရှု ပစ်ပစ်ခါခါ မလုပ်ဘူး။ ရှင်ပြန်ထမြောက်လာတော့ မိမိကို ပေတရု ချစ်တုန်းပဲဆိုတာ သက်သေပြဖို့ အခွင့်အရေး ပေးတယ်။ သိုးတွေကို ထိန်းကျောင်းဖို့ တာဝန်ပေးတယ်။ (ယော. ၂၁:၁၅-၁၇) ပေးတဲ့ တာဝန် ထမ်းဆောင်ဖို့ ပေတရု အသင့်​ပဲ။ ဒါကြောင့်​လည်း ပင်တေကုတ္တေပွဲ​နေ့မှာ ဂျေရုဆလင်​မြို့ ရောက်နေတာ။ သန့်ရှင်းသော စွမ်းအားတော်နဲ့ ဘိသိက်ပေးခံရတဲ့ ပထမဆုံး အုပ်စုမှာ ပါတာ။

8. Antiok khua-ah Peter in bang khialhna lian bawl a hiam?

^၈ ဘိသိက်ခံ ခရစ်ယာန် ဖြစ်လာပြီး​နောက်မှာ​တောင် ပေတရု အားနည်းချက်တွေ တွန်းလှန်​နေရတုန်းပဲ။ အရေဖြား ဖြတ်​မထားတဲ့ လူမျိုးခြား ကော်နေလိ အေဒီ ၃၆ မှာ သန့်ရှင်းသော စွမ်းအားတော်နဲ့ ဘိသိက်ပေး​ခံရ​တုန်းက ပေတရု ရှိနေတယ်။ “ဘုရားသခင် မျက်နှာမလိုက်” ကြောင်း၊ လူမျိုးခြားတွေ​ကို ခရစ်ယာန် အသင်းတော်ဝင် ဖြစ်ခွင့်​ပြုကြောင်း ရှင်းလင်းတဲ့ အထောက်အထားပါပဲ။ (တ. ၁၀:၃၄၊ ၄၄၊ ၄၅) ဒါကြောင့် အရင်ကဆိုရင် လူမျိုးခြားတွေ​နဲ့ တစ်ခါမှ အတူတူ မစားသောက်ခဲ့ပေမဲ့ အဲဒီနောက်ပိုင်း စိတ်​ရှင်းရှင်း​နဲ့ စားသောက်​တယ်။ (ဂလ. ၂:၁၂) ဂျူး​ခရစ်ယာန်​တချို့ကတော့ ဂျူး​နဲ့ လူမျိုးခြား အတူတူ မစားသောက်သင့်ဘူးလို့ မြင်ကြတယ်။ အဲဒီလို အမြင်ရှိသူ​တချို့ အန္တိအုတ်​မြို့ကို ရောက်လာတော့ လူမျိုးခြား ညီအစ်ကိုတွေနဲ့ ပေတရု မစားသောက်တော့ဘူး။ ဂျူး​ခရစ်ယာန်တွေ အမြင်မကြည်​မှာ ကြောက်လို့ ဖြစ်မယ်။ ရှေ့တစ်မျိုး ကွယ်ရာတစ်မျိုး လုပ်တာကို တမန်တော် ပေါလု မြင်တော့ လူရှေ့သူရှေ့​မှာ​တင် ပေတရု​ကို ဆုံးမ​လိုက်တယ်။ (ဂလ. ၂:၁၃၊ ၁၄) အမှား လုပ်မိ​ပေမဲ့ ပေတရု လက်မလျှော့ဘဲ ပြန်​ကြိုးစားတယ်။ ဘာက ကူညီပေးသလဲ။

9. Peter a cihtaklam Johan 6:68, 69 in koi bangin lakkhia a hiam?

^၉ ပေတရု သစ္စာရှိတယ်။ ဘာအကြောင်း​ကြောင့်​မှ ယေရှုနောက် မလိုက်ဘဲ မနေဘူး။ (ယောဟန် ၆:၆၈၊ ၆၉ ကို ဖတ်ပါ။) တစ်ခေါက် ယေရှု ပြောတာ တပည့်တွေ နားမလည်​ကြ​ဘူး။ အကျိုးအကြောင်း မ​မေး၊ ရှင်းပြတာ မစောင့်​ဘဲ တပည့်​တော်တော်​များများ ယေရှုကို စွန့်သွားကြတယ်။ ပေတရု​ကတော့ “ထာဝရ​အသက် ရစေတဲ့ စကားတွေ” ယေရှုဆီမှာ​ပဲ ရှိတယ်ဆိုတာ အသိအမှတ်ပြုပြီး ဆက်​ဖက်တွယ်​နေတယ်။ သစ္စာရှိကြောင်း ပြလိုက်တာပဲ။

10. Peter a muanlam Jesuh in koi bangin lakkhia a hiam? (Lim zong en in.)

^၁၀ မြေကြီး အသက်တာ နောက်ဆုံး​ညမှာ ပေတရု​နဲ့ တခြား​တမန်တော်တွေ မိမိကို ထားခဲ့ပြီး ထွက်ပြေးကြမယ်ဆိုတာ ယေရှု သိတယ်။ ဒါပေမဲ့ ပေတရု နောင်တရပြီး ပြန်လှည့်​လာမယ်၊ ဆက်သစ္စာ​ရှိနေမယ်​ဆိုတာ စိတ်ချ​တဲ့​ အကြောင်း ပြောတယ်။ (လု. ၂၂:၃၁၊ ၃၂) ‘စိတ်​ထက်သန်​ပေမဲ့ ကိုယ်ခန္ဓာ​က အားနည်းတယ်’ ဆိုတာ နားလည်တယ်။ (မာ. ၁၄:၃၈) ဒါကြောင့်​လည်း မိမိကို မသိပါဘူးလို့ ငြင်း​ထားတာ​တောင် ယေရှု ပစ်ပစ်ခါခါ မလုပ်တာ။ ရှင်ပြန်ထမြောက်ပြီးနောက် ပေတရု တစ်ယောက်တည်း ရှိချိန်​မှာ ကိုယ်ထင်ပြ​တယ်။ (မာ. ၁၆:၇။ လု. ၂၄:၃၄။ ၁ ကော. ၁၅:၅) ယူကျုံးမရ ဖြစ်နေတဲ့ ပေတရု အားရှိ​သွားမှာပဲ။

11. Jehovah in huh ding ahihlam Jesuh in Peter koi bangin lungmuansak a hiam?

^၁၁ ယေဟောဝါ ထောက်မ​ပေးမယ်​ဆိုတာ ပေတရု​ကို ယေရှု စိတ်ချစေတယ်။ ရှင်ပြန်ထမြောက်ပြီးနောက် ပေတရု​နဲ့ တမန်တော်တွေကို အံ့ဖွယ်​နည်းနဲ့ ငါး​အများကြီး မိ​စေ​တယ်။ (ယော. ၂၁:၄-၆) ဒီ​အံ့ဖွယ်အမှု မြင်လိုက်ရတော့ မိမိရဲ့ စားဝတ်နေရေးကို ယေဟောဝါ လွယ်လွယ်လေး ဖြည့်ဆည်း​ပေးနိုင်​မှန်း ပေတရု စိတ်ချ​သွားမှာပဲ။ ဒါ့အပြင် ‘ဘုရားသခင်ရဲ့ နိုင်ငံတော် အမြဲ ဦးစားထား’ သူတွေကို ယေဟောဝါ ထောက်မ​ပေးမယ်​ဆိုတဲ့ ယေရှု​စကားကို သတိရ​သွားမှာပဲ။ (မ. ၆:၃၃) ဒါကြောင့် တံငါ​လုပ်ငန်းကို မဟုတ်ဘဲ အမှုဆောင်​လုပ်ငန်းကို ဘဝမှာ ဦးစားထား​တယ်။ အေဒီ ၃၃၊ ပင်တေကုတ္တေပွဲ​နေ့မှာ သတ္တိရှိရှိ သက်သေခံပြီး လူ​ထောင်ချီ သတင်းကောင်း လက်ခံ​လာဖို့ ကူညီပေးတယ်။ (တ. ၂:၁၄၊ ၃၇-၄၁) ခရစ်တော်​နောက်လိုက် ဖြစ်လာဖို့ ရှမာရိလူတွေ၊ လူမျိုးခြားတွေ​ကိုလည်း ကူညီပေးတယ်။ (တ. ၈:၁၄-၁၇။ ၁၀:၄၄-၄၈) နောက်ခံပေါင်းစုံက လူတွေ အသင်းတော်​ထဲ ရောက်လာအောင် ပေတရု​ကို ယေဟောဝါ ထူးထူးခြားခြား သုံးခဲ့တယ်။

12. Thanemna khat do den ihih leh Peter’ etteh ding lim in koi bangin hong huh thei a hiam?

^၁၂ အားနည်းချက်​တစ်ခုကို တစ်ချိန်လုံး တွန်းလှန်​နေ​ရတယ်​ဆိုရင် ရှေ့ဆက်​ဖို့ ခက်နိုင်တယ်။ ကိုယ့်အားနည်းချက်​က ပေတရုရဲ့ အားနည်းချက်​ထက် တွန်းလှန်​ရ ပို​ခက်နေတာ ဖြစ်နိုင်တယ်။ ဒါပေမဲ့ လက်မလျှော့ဘဲ ဆက်ကြိုးစားဖို့ ယေဟောဝါ ခွန်အား ပေးနိုင်တယ်။ (ဆာ. ၉၄:၁၇-၁၉) ဥပမာ၊ ညီအစ်ကို​တစ်ယောက်ဟာ အမှန်တရား မသိခင် နှစ်နဲ့ချီ လိင်တူသမား ဖြစ်ခဲ့တယ်။ အသက်တာ လုံးဝ ပြောင်းလဲ​ပြီး ကျမ်းစာ​စံနှုန်းနဲ့​အညီ နေထိုင်တယ်။ တစ်ခါတလေတော့ မကောင်းတဲ့ ဆန္ဒ​တွေ ပြန်​ပေါ်လာ​တုန်းပဲ။ လက်မလျှော့ဘဲ ဆက်ကြိုးစားဖို့ ဘာက ကူညီပေးသလဲ။ “ယေဟောဝါ ခွန်အား ပေးတယ်။ စွမ်းအားတော် အကူအညီနဲ့သာ​ဆိုရင် . . . အမှန်တရား​လမ်းမှာ ဆက်လျှောက်​နိုင်​မှန်း သိလာတယ်။ . . . ကျွန်တော်  ဘယ်လို လူ​စား​လဲ​ဆိုတာ သိလျက်နဲ့ ယေဟောဝါ သုံးခဲ့တယ်။ အခုလည်း အားနည်းချက်တွေ တွေ့တာ​တောင် တောက်လျှောက် ခွန်အား ပေးနေတယ်” လို့ ပြောတယ်။

13. Sawltak 4:13, 29, 31-a a gen bangin, Peter koici etteh thei i hiam? (Lim zong en in.)

^၁၃ သိခဲ့​တဲ့​အတိုင်း လူ​ကြောက်လို့ ပေတရု အမှား လုပ်မိတာ တစ်ကြိမ် မ​က​ဘူး။ ဒါပေမဲ့ သတ္တိရှိဖို့ ဆုတောင်းတဲ့အတွက် သတ္တိ​ရှိလာတယ်။ (တမန်တော် ၄:၁၃၊ ၂၉၊ ၃၁ ကို ဖတ်ပါ။) ကျွန်တော်တို့လည်း ကြောက်စိတ် တွန်းလှန်​နိုင်တယ်။ ဒုတိယ ကမ္ဘာစစ်အတွင်း ဂျာမနီ​နိုင်ငံမှာ နေတဲ့ ညီအစ်ကို​လေး ဟော့စ်​အကြောင်း စဉ်းစားကြည့်ပါ။ အဲဒီ​ခေတ်​တုန်းက “ဟိုင်း ဟစ်တလာ” ဆိုတဲ့ နှုတ်ဆက်စကား သုံး​ကြရတယ်။ “ကယ်တင်ရှင် ဟစ်တလာ” လို့ အဓိပ္ပာယ် ရတယ်။ အဲဒီလို နှုတ်ဆက်​တာ မှားမှန်း ဟော့စ် သိပေမဲ့ ဆရာ/မတွေ၊ အတန်းဖော်တွေကို ကြောက်လို့ တစ်ခါတလေ နှုတ်ဆက်​မိတယ်။ မိဘတွေ သိသွားတော့ မဆူကြဘူး။ သတ္တိ ပေးဖို့ ယေဟောဝါဆီ အတူတူ ဆုတောင်းပေးကြတယ်။ မိဘတွေ ကူညီပေးလို့၊ ယေဟောဝါကို ဟော့စ် အားကိုးလို့ အခိုင်အမာ ရပ်တည်​ရဲ​တဲ့ သတ္တိ ရှိလာတယ်။ “ယေဟောဝါ ဘယ်တော့မှ မစွန့်ဘူး” ဆိုတာ သိလာတယ်။ c

14. Itna a nei tuucingte in a lungkia mite koi bangin tha pia thei a hiam?

^၁၄ ယေရှုကို ငြင်းပြီးနောက် ပေတရု အရေးကြီး ဆုံးဖြတ်ချက် ချဖို့ လို​လာတယ်။ ခရစ်တော်နောက် ဆက်​လိုက်​မလိုက် ဆိုတာ​ပါ။ ပေတရု ယုံကြည်ခြင်း အားနည်း​မသွားအောင် ယေဟောဝါဆီ ယေရှု ဆုတောင်းပေး​ထားတယ်။ အဲဒီလို ဆုတောင်း​ပေးထားတဲ့​အကြောင်း၊ နောက်ပိုင်းမှာ ညီအစ်ကိုတွေကို ပေတရု အားပေး​ထောက်မနိုင်မယ်ဆိုတာ စိတ်ချကြောင်း ယေရှု ပြောတယ်။ (လု. ၂၂: ၃၁၊ ၃၂) ယေရှုရဲ့ ဒီစကားတွေကို ပြန်​စဉ်းစားမိ​တိုင်း ပေတရု အားရှိ​သွားမှာပဲ။ ကျွန်တော်တို့ အရေးကြီး ဆုံးဖြတ်ချက် ချဖို့ လိုတဲ့အခါလည်း ဆက်သစ္စာရှိနိုင်အောင် အားပေးဖို့ မေတ္တာရှိ သိုးထိန်း​တွေ​ကို ယေဟောဝါ သုံးနိုင်တယ်။ (ဧ. ၄:၈၊ ၁၁) အဲဒီလို အားပေးဖို့ သက်တမ်းကြာ အကြီးအကဲ ပေါလ် ကြိုးစားတယ်။ အမှန်တရားထဲ ယေဟောဝါ ဘယ်လို ဆွဲဆောင်​ခဲ့တယ်​ဆိုတာ ပြန်စဉ်းစားပါ​လို့ လက်လျှော့​ချင်စိတ် ပေါ်လာ​သူတွေကို အားပေးတယ်။ ခိုင်မြဲတဲ့ မေတ္တာကြောင့် သူတို့ကို ယေဟောဝါ ဘယ်တော့မှ စွန့်မှာ မဟုတ်ကြောင်း စိတ်ချစေတယ်။ “စိတ်ဓာတ်ကျ​သူ တော်တော်​များများ ယေဟောဝါရဲ့ အကူအညီကြောင့် လက်မလျှော့ဘဲ ပြန်ကြိုးစားတာ မြင်ရတယ်” လို့ ပြောတယ်။ မှန်ပါတယ်၊ ကျွန်တော်တို့ကို ယေဟောဝါနဲ့ ယေရှု မစွန့်ဘူး။

15. Matthai 6:33 man ahihlam Peter le Horst tungtangah koi bangin kilang a hiam?

^၁၅ ပေတရု​နဲ့ တခြား​တမန်တော်တွေ လိုအပ်တာကို ယေဟောဝါ ဖြည့်ဆည်းပေးတယ်။ ကျွန်တော်တို့လည်း ဘဝမှာ အမှုဆောင်​လုပ်ငန်းကို ဦးစားထားရင် လိုအပ်တာတွေ ယေဟောဝါ ဖြည့်ဆည်းပေးမယ်။ (မ. ၆:၃၃) ဒုတိယ ကမ္ဘာစစ် ပြီးသွားတော့ ညီအစ်ကို ဟော့စ် ရှေ့ဆောင် လုပ်ဖို့ စဉ်းစားတယ်။ ငွေကြေး မ​ပြည့်စုံ​လို့ အချိန်ပြည့်လုပ်ငန်းမှာ ဆက်​ပါဝင်နိုင်အောင် ကိုယ့်ကိုယ်ကိုယ် ထောက်ပံ့​နိုင်ပါ့မလား​လို့ စိတ်ပူ​မိတယ်။ ဒါနဲ့ ယေဟောဝါကို စမ်းသပ်​ကြည့်မယ်​ဆိုပြီး တိုက်နယ်ကြီးကြပ်မှူး လည်ပတ်တဲ့ တစ်ပတ်လုံး အမှုဆောင် ထွက်တယ်။ တစ်ပတ်​ကုန်တော့ အမည်​မဖော်လိုသူ​တစ်ယောက်ဆီ​က စာအိတ်​ကို တိုက်နယ်ကြီးကြပ်မှူး လာ​ပေးလို့ တအား အံ့ဩ​သွားတယ်။ အဲဒီထဲမှာ ပါတဲ့ ငွေ​က လ​တော်တော်​ကြာ ရှေ့ဆောင် လုပ်ဖို့ လောက်​တယ်။ ယေဟောဝါ ထောက်မ​ပေးမယ်​ဆိုတဲ့ အာမခံချက်​ပဲ​လို့ ဟော့စ် သတ်မှတ်​လိုက်တယ်။ ဒီလိုနဲ့ တစ်ဘဝလုံး နိုင်ငံတော်ကို ဦးစားထား​ခဲ့တယ်။—မာ​လ. ၃:၁၀။

16. Peter’ thu le a laikhakte bang hangin sin ding kisam a hiam?

^၁၆ ထွက်သွား​ပေးပါ​လို့ တောင်းဆို​ခဲ့ဖူးပေမဲ့ ကိုယ့်​ဆီကနေ ယေရှု တစ်ခါမှ ထွက်​မ​သွား​လို့ ပေတရု ဝမ်းသာ​မှာ​ပဲ။ သစ္စာရှိ တမန်တော် ဖြစ်ဖို့၊ ခရစ်ယာန်တွေ​အတွက် စံနမူနာကောင်း ဖြစ်ဖို့ ခရစ်တော် တောက်လျှောက် လေ့ကျင့်​ပေးတယ်။ အဲဒီ​လေ့ကျင့်မှုကနေ ရတဲ့ သင်ခန်းစာ​တချို့ကို ပထမရာစု အသင်းတော်တွေဆီ ပို့တဲ့ စာ​နှစ်စောင်​မှာ ပေတရု ထည့်​ရေးထားတယ်။ အဲဒီ​စာ​နှစ်စောင်​ဟာ ကျမ်းစာစောင်​အဝင် ဖြစ်လာလို့ ကျွန်တော်တို့လည်း ဒီ​သင်ခန်းစာ​တွေ​ကနေ အကျိုး​ရနိုင်တယ်။ ဘာ​သင်ယူစရာတွေ ရှိသလဲ၊ ဘယ်လို လက်တွေ့​ကျင့်​နိုင်​မလဲ​ဆိုတာ နောက်ဆောင်းပါးမှာ ဆွေးနွေးပါမယ်။