1. To, Jehovah in piangsak hi,

A etlawm khuavannuai;

Vantung le leitunga omte,

A nei Topa na hi;

Na bawlsa mihingte tungah,

Nuntakna hu pia-in;

Phatna, pahtawina le biakpiakna,

Sang dingin na kilawm hi.

2. Thumanna tangtungsak dingin,

Jesuh tui kiphum hi;

‘Na deihna bang a sem dingin,

Ka hong pai’ ci-in gen;

Pasian’ sathau nilh Tapa-in,

Jordan gun pan kahto;

Thumang le cihtakna tawh thu ngen:

‘Pa aw, na deih bang sem ning.’

3. Nang kiang hong zuan ung Jehovah,

Na min pahtawi dingin;

Kiniamkhiat le deihna nialin,

Nuntakna hong ap ung;

Na Tapa manpha nong pia hi,

Nong tatkhiat nadingin;

Kote ading nungta nawn lo-in,

Nang ading bek nungta ung.