«Mʉ̃a Daizeze Bedʼea akʉkĩrãmina, mʉ̃itara mejãcha drazoabʉ kĩrãkʼabʉ» (Briana, 15 poagabʉta).

 ¿Bʉsida mawũã krĩchabarika? Naʉ̃ artikuloba kʼarebayi bʉra.

• ¿Kʼãrẽa yibia Daizeze Bedʼeara akʉira?

•  ¿Sãwũã Daizeze Bedʼea akʉita?

•  Ʉ̃kʉrʉ warraraba jarapanʉta

 Daizeze Bedʼeadera neẽ potorata akʉza telebisor kĩrãkʼabʉ ẽ, adewara bideo juego kĩrãkʼa. Maʉ̃ba bʉara krĩchabaribaibara Daizeze Bedʼeara bari letrara awabʉta, maʉ̃ba masẽseabʉ.

 Krĩchara naʉ̃ta, bʉa ũduyi baul nekʼãrẽ bia erbʉta eda, maʉ̃ kʼarea, ¿bʉara ewai krĩcha ẽka maʉ̃ra?

 Daizeze Bedʼeara maʉ̃ baul kĩrãkʼabʉ. Mama bʉa ũduyi ũrãgʼara biata mejãcha akʉza maʉ̃ba kʼarebayi naʉ̃ oita:

•   Nekʼãrẽ jidabʉrʉde bia okʼawuaita.

•   Bia wãita bʉ yibarirabawara.

•   Neũdukʼawuara bia ũduita.

•   Aukʼara krĩcha zroma oẽ baita.

 ¿Sãwũã Daizeze Bedʼea kʼãwũã kikibariba kʼarebaseabʉ dayirãra? Daizezeba jõma bʉbisi baera iyi Bedʼeata (2 Timoteo 3:​16). Maʉ̃ba jarakĩrãbʉ jõma Daizeze Bedʼeade edabʉra Daizezedeba zebʉ.

 Daizeze Bedʼeara akʉseabʉ nããbemaneba jõñiena. Naʉ̃ oiba kʼarebaseabʉ kʼawuaita Daizeze Bedʼeaba kʼãrẽ jarabʉta. Maʉ̃ oita naʉ̃rata oseabʉ:

•   66 librobʉta arare arare akʉseabʉ Génesisdeba Apocalipsisbayeda.

•   Akʉseabʉ maʉ̃ra nebʉra kʼãrẽ poagade berabaridarata.

 Ũrãgʼata: Karta Guía para el estudio de la Palabra de Dios sesion 4A ũduyi Jesu naʉ̃ drʉaeda zeside kʼãrẽ poagade nekʼãrẽ berabaridata.

 Yi ũmeta. Jʉrʉseabʉ nebʉra aba, maʉ̃ba bʉ bedʼea zroma sãwũã kʼarebaseabʉta. Bari jaradaita:

•   ¿Bʉara wãrĩnu neũdukʼawua biata erbakĩrãbʉka? Akʉseabʉ David akʉza Jonatán berabarida ʉ̃rʉ (1 Samuel, yi zroma 18-​20). Tẽã naʉ̃ta akʉseabʉ, «¿Cómo encontrar amigos de verdad?», mama ũduyi ũrãgʼa naʉ̃ nebʉra ʉ̃rʉ.

•   ¿Zareara erbakĩrãbʉka nekayirua oẽ baita? José nebʉra ʉ̃rʉ akʉseabʉ sãwũã zarea osita nekayirua oẽ baita (Génesis, yi zroma 39). Maʉ̃are akʉra «¿Cómo resistir las tentaciones?» akʉza «Acusado falsamente». Mama ũduyi ũrãgʼa bia bʉ kʼarebaseabʉta.

•   ¿Kʼawuakĩrãbʉka bʉra sãwũã yiwidʼiba kʼarebaseabʉta? Akʉra Nehemías nebʉra ʉ̃rʉ (Nehemías, yi zroma 2). Maʉ̃are naʉ̃ta akʉra «Jehová contestó su oración». Mama ũduyi ũrãgʼa bia bʉ kʼarebaseabʉta.

 Ũrãgʼata: Daizeze Bedʼea akʉkĩrãbʉrʉde jʉrʉda sama aduʼa akʉseabʉta.

 Yi ũbeata. Bʉara akʉseabʉ nebʉra Daizeze Bedʼeade edabʉta, mawũã ẽ bʉrʉ Salmota. Maʉ̃ta akʉra bʉ sãwũã kʼarebaseabʉta. Maʉ̃ akʉda tẽã, naʉ̃ta bʉyikʉza widira:

•    ¿Kʼãrẽa Jeowabara bʉbisi naʉ̃ bedʼeara?

•    ¿Naʉ̃ nebʉraba kʼãrẽta jaradiabʉ Jeowa sãwũã bʉ ʉ̃rʉ akʉza iya nekʼãrẽ obʉ ʉ̃rʉ?

•    ¿Mʉ̃a akʉdabara mʉ̃ra sãwũã kʼarebaseabʉ?

 Ũrãgʼata: Krĩchara naʉ̃ oita, eda pagina internetʼne ũduseabʉ “Daizeze Bedʼea leita programata”. Mama bʉ jʉ̃drʉseabʉ Daizeze Bedʼea kʼãrẽ ewarita akʉ jʉ̃drʉita.