Mawũã ẽ. Daizeze Bedʼea nããra juwaba bʉdata kikibarita jõma ãba akʉbʉdadera, poaga bio berabaridamina adewara biode bʉsidamina, ũdupanʉ Daizeze Bedʼeade jarabʉra adua ẽãta.

 Daizeze Bedʼea nããra juwaba bʉdata kikibari biobʉda akʉbʉdade, ũdupanʉ ʉ̃kʉrʉ wiña awuara bʉsidata, mamina maʉ̃ bedʼea ãya wiña awuara bʉdabara aña krĩchabi ẽ. Mamina ʉ̃kʉrʉraba Daizeze Bedʼea nããra juwaba bʉda kikibarira krĩñabai aña bʉsida, maʉ̃ krĩña aña bʉdabara, aña krĩchabikĩrãbasi wuabemarata. Akʉdaya yizarata ũme.

1.   Ʉ̃kʉrʉ Daizeze Bedʼeabara 1 Juan 5:7de jarapanʉ: «Daizezeta, Jesuta, Jaure biata aba bʉta». Mamina Daizeze Bedʼea kikibaridera aripe jarabʉba maʉ̃ bedʼeara mawũã jarabʉ ẽ. Awuarabʉrʉ tẽã ʉ̃kʉrʉba maʉ̃ bedʼeata eda bʉsida a. Daizeze Bedʼea idi ewaride aripe bʉra, Daizeze Bedʼea kikibarideba jidasida baera maʉ̃ bedʼeara neẽ.

2.   Daizeze Bedʼea kikibaridera Daizeze trʉ̃ra bio ʉ̃tʉ zebʉ, mamina ʉ̃kʉrʉ Daizeze Bedʼeadera Daizeze trʉ̃ra aña bʉesida, mõbe Daizeze trʉ̃ jarakaide bʉesida «Señor» akʉza «Dios».

 Idi ewaridera Daizeze Bedʼea kikibarita mejãcha erpanʉ, maʉ̃ kʼarea idibema Daizeze Bedʼeata aba aña bʉsidabʉrʉ kʼawuaedaseapanʉ b. Daizeze Bedʼea kikibarita jõma ãba akʉbʉrʉde krĩchaseapanʉ, ¿kʼãrẽta jaraseapanʉ Daizeze Bedʼea ʉ̃rʉra akʉza idira wãrĩnu ĩjãseapanʉka Daizeze Bedʼeaba jarabʉra?

•   Propesor William Henry Greenʼra bedʼeasi Escrituras Hebreas ʉ̃rʉ (Maʉ̃ra ũdukʼawuapanʉ Nuevo Testamento) iya jarasi: «Idi ewaride wãrĩnu jaraseapanʉ mia librorata, mia nekʼãrẽ badu bʉbʉta, daʉcha bʉbʉ ẽãta Daizeze Bedʼea kĩrãkʼara».

•   Frederick Burce Escrituras Griegas Cristianas ʉ̃rʉ bedʼeaside (Nuevo Testamento) jarasi: «Idi Daizeze Bedʼea kikibari juwaba bʉdata Nuevo Testamentode bedʼeabʉta, bʉ librora kikibari audre».

•   Frederik Kenyon Daizeze Bedʼea kikibari bia kʼawuabʉba jarasi ẽbẽra abaʉba «Daizeze Bedʼeata iyi juwade erbʉbʉrʉ kʼãrẽ krĩcha ẽã jaraseabʉta, krĩchaseabʉ Daizeze Bedʼeara wãrĩnu Daizezedeba zebʉta akʉza kikibarimina, adewara ẽbẽrarãba bʉdamina Daizeze Bedʼea arata bʉta».

•   Judioraba akʉza kristianoraba Daizeze Bedʼea bʉsidera wãrĩnuta jarasida. Bari jaraita ãyara bʉsi israelitaraba kʼãrẽ nemitia osidata c (Números 20:12; 2 Samuel 11:2-4, Gálatas 2:11-14). Adewara bʉsida israelitarabara sãwũã ũrĩ ẽ badata akʉza kʼãrẽ nemitia krĩchapananata (Oseas 4:2; Malaquías 2:8, 9; Mateo 23:8, 9; 1 Juan 5:21). Maʉ̃ba ũdubibʉ ãya wãrĩnu Daizeze Bedʼea bʉkĩrãbasita akʉza wawia ũdubibasita.

•   ¿Daizezeba iyi Bedʼeata bʉbisibʉrʉ akʉnʉmasi ẽka jõma daʉcha bʉdamarẽã? d (Isaías 40:8; 1 Pedro 1:24, 25). Daizezebara kãgabasi iyi bedʼeaba kʼarebamarẽã ẽbẽrarã poaga dããra kikibaridata akʉza idibema ẽbẽrarãsida (1 Corintios 10:11). Maʉ̃ kʼarea jarabʉ: «Nããra kʼãrẽ bʼʉdʼapeadʼara dazhi ũrãgʼata bʼʉsidʼa, mawũã zhi bʼʉmabara kʼãrẽ zrogʼa wãnigua nʉmabiga bʼʉa Daizeze ũme bia nʉmeta kʼawua bʼeamarẽã» (Romanos 15:4 Daizeze Bedʼea, Wycliffe Inc.)

•   Jesuba iyi kʼaidubemarabawaraʉba jaradiasidera zokʼapanasi Escrituras Hebreata akʉza jarada ẽ basi maʉ̃ra aña bʉbasita (Lucas 4:16-21; Hechos 17:1-3).