¿Daizeze Bedʼeade propesiarabʉba ũdubibʉka Jesura Dayirã ẽdrʉbibaribasita?
Daizeze Bedʼeaba panʉbʉ
Mawũã. Jesubara Daizeze Bedʼeade eda jarabʉra dayirã ẽdrʉbibari ʉ̃rʉ jõma aripe berabaribisi nama naʉ̃ drʉaeda zeside (Daniel 9:25; 1 Juan 4:14). Jesu iyi beida tẽãbida aripe berabaribisi Daizeze Bedʼeade propesia jarabʉ ʉ̃rʉbida (Salmo 110:1; Hechos 2:34-36).
¿Kʼãrẽta jarakĩrãbʉ bedʼea Mesíasbara?
Bedʼea ebreo bedʼea Ma·shiʹach (Mesías) ẽbẽra bedʼeade (Dayirã ẽdrʉbibari). Bedʼea griego bedʼeade Khri·stos (Kristo) maʉ̃ra bedʼeabara jarakĩrãbʉ «Yi jʉrʉdapeadata». Mawũẽra Jesukristo bedʼeabara jarakĩrãbʉ «Jesu jʉrʉdapeadata», mawũã ẽ bʉrʉ «Jesu Dayirã ẽdrʉbibarita».
Daizeze Bedʼeade eda jarabʉ ẽbẽra aba aseiteta weapanasita mawũã wuabemara ũdubita iyira jidasidata wuabemara zokʼaita (Levítico 8:12; 1 Samuel 16:13). Daizezeba jidasi Jesura Dayirã ẽdrʉbibari bamarẽã, maʉ̃ra jipade yibia (Hechos 2:36). Jeowabara Jesura aseite iyi burude wea bʼai kaude iyi jaure zareata diasi (Mateo 3:16).
¿Daizeze Bedʼeaba jarabʉra Dayirã ẽdrʉbibari ʉ̃rʉ awuru ẽbẽrarãne berabariseabasika?
Mawũã ẽ. Huella digitaldeba ẽbẽra aba kʼaita kʼawuabʉ kĩrãkʼa abarika propesiaraba ũdubibʉ Dayirã ẽdrʉbibarira abapaibʉta, mawũãsidu Daizeze Bedʼeaba jarabʉ: «Zei baera yãrã sewaita kristo kĩrãkʼa akʉza propeta kĩrãkʼa, oyi miõba okata ẽbẽrarã sewaita, mawũã obʉba sewaseabʉ Daizezeba jidadarasida» (Mateo 24:24).
¿Mesíasʼra ʉ̃rabʉrʉ zeita bʉka, ʉ̃ra zeidera?
Mawũã ẽ. Daizeze Bedʼeaba jara ũrĩbibʉ Dayirã ẽdrʉbibarira zeibasita David mebẽrãneba, maʉ̃ra Israelde nokʼobasi (Salmo 89:3, 4). Jõma registrorãra mebẽrã Davideba zebadara nẽba wãsi, maʉ̃ra osidakĩrã poaga 70baside Jerusalén romanoraba jidaside. a Mamaʉ̃ba ʉ̃ta mia abaʉba jarabe ẽ iyira Davidʼdeba zedata, mamina Jesu ewaribasidera maʉ̃ra registrorãra basi, mawũẽra iyi nejʉraraba miõba jarabe ẽ basi Jesura mamaʉ̃ba zeda ẽãra (Mateo 22:41-46).
¿Propesiaranera Mesíasʼra ʉ̃rʉ bedʼeabʉra kʼãrẽababʉ Daizeze Bedʼeadera?
Kʼawua jarabe ẽ Dayirã ẽdrʉbibari ʉ̃rʉ sõbe propesiarabʉta. Ẽbẽrarãba propesia ʉ̃rʉ jarabʉrʉdera kʼãrẽababʉta awuara jarabʉ. Bari jaraita, Isaías 53:2-7ba jarabʉ Dayirã ẽdrʉbi bari ʉ̃rʉ nekĩrã bio. Ʉ̃kʉrʉba jarapanʉ maʉ̃ra propesiarãra jõma kĩrã awuarabʉta, ʉ̃kʉrʉba jarabʉ maʉ̃ra propesiarãra jõma iyabaʉta.
Daizeze Bedʼeaba Dayirã ẽdrʉbibari ʉ̃rʉ jaradara aripe berabarisi Jesudeba.
Kʼãrẽ berabaridata |
Propesia |
Sãwũã aripe berabaridata |
|---|---|---|
Abrahánʼneba zesi |
Génesis 22:17, 18 |
|
Iyira zesi Isaacdeba, Isaacʼra Abrahán wũãwũãbasi |
Génesis 17:19 |
|
Tribu Judádeba zesi |
Génesis 49:10 |
|
Nokʼo David mebẽrãneba zesi |
Isaías 9:7 |
|
Yi papara yi zakebasi |
Isaías 7:14 |
|
Belénʼne tosida |
Miqueas 5:2 |
|
Iyi trʉ̃ra Emmanuel basi b |
Isaías 7:14 |
|
Iyi mebẽrãbara nekʼãrẽ mejãcha erba ẽ basi |
Isaías 53:2 |
|
Wũãwũãrata mejãcha beasida iyi todapeada tẽã |
Jeremías 31:15 |
|
Egiptodeba zesida |
Oseas 11:1 |
|
Trʉ̃gasida Nazareno c |
Isaías 11:1 |
|
Iya jaradiai naweda awuru ẽbẽraba jaradiabasi |
Malaquías 3:1 |
|
Poaga 29de jidasida Dayirã ẽdrʉbibari bʼaita d |
Daniel 9:25 |
|
Daizezebara iyi warrata jarasi |
Salmo 2:7 |
|
Daizeze deta mejãcha kãgasi |
Salmo 69:9 |
|
Bedʼea biata jarakasi |
Isaías 61:1 |
|
Iya Galileade jaradiabʉde ũna kĩrãkʼabasi |
Isaías 9:1, 2 |
|
Moisésde kĩrãkʼa miõba okata osi |
Deuteronomio 18:15 |
|
Moisésde kĩrãkʼa Daizezeare bedʼeabasi |
Deuteronomio 18:18, 19 |
|
Kayaberata mejãcha bebikʉasi |
Isaías 53:4 |
|
Wuabemaraba bia akʉmarẽã jʉ̃ã ẽ basi |
Isaías 42:2 |
|
So borekeabʉta ũdubisi yi zʉbʉriabʉra |
Isaías 42:3 |
|
Daizezeba sãwũã aripe obʉta jaradiasi |
Isaías 42:1, 4 |
|
Ũrãgʼa bia jaradiabaribasi |
Isaías 9:6, 7 |
|
Jaradiasi Daizeze trʉ̃ra Jeowata |
Salmo 22:22 |
|
Yizadeba jaradiabasi |
Salmo 78:2 |
|
Nokʼobasi |
Daniel 9:25 |
|
Mejãchaʉba ĩjãna ẽ basi iyi ʉ̃rʉra |
Isaías 53:1 |
|
Mõgaraba tenedrʉbibari kĩrãkʼabasi |
Isaías 8:14, 15 |
|
Ʉ̃kʉrʉba kãga ẽ basi |
Salmo 118:22, 23 |
|
Bari ewarade jʉrasida |
Salmo 69:4 |
|
Burrude bari jʉ̃ẽside Jerusalén pʉwʉrʉ eda, ẽbẽrarãra iyi ʉ̃rʉ ibia bedʼeasi |
Zacarías 9:9 |
|
Wũãwũãrãra iyi ʉ̃rʉ ibia bedʼeasi |
Salmo 8:2 |
|
Jeowa trʉ̃neba zesi |
Salmo 118:26 |
|
Iyi neũdukʼawuadebema abaʉba sewasi |
Salmo 41:9 |
|
Plata 30 moneda bari nẽdo bʉesida e |
Zacarías 11:12, 13 |
|
Iyi neũdukʼawuaraba amaesida |
Zacarías 13:7 |
|
Ẽbẽrarã sewida omiaraba iyi ʉ̃rʉ aña jarasida |
Salmo 35:11 |
|
Iyi nejʉrara nããra kʼãrẽ jara ẽ basi |
Isaías 53:7 |
|
Daidusida |
Isaías 50:6 |
|
Buruma deguebisida |
Miqueas 5:1 |
|
Ubeasida |
Isaías 50:6 |
|
Iyi posidamina kʼãrẽ jara ẽ basi |
Isaías 50:6 |
|
Nokʼoraba nekayiruata oita krĩchasida iyi ʉ̃rʉ |
Salmo 2:2 |
|
Bakurude tachisida jĩrʉma akʉza juwama |
Salmo 22:16 |
|
Suerteta osida iyi wua kʼarea |
Salmo 22:18 |
|
Akʉsida nekayirua omia kĩrãkʼa |
Isaías 53:12 |
|
Imitia jarasida akʉza bia akʉda ẽ basi |
Salmo 22:7, 8 |
|
Krĩcha ẽ basi yi kʼãrẽ nekayirua berabarita wuabemara ẽbẽrarã kʼarea |
Isaías 53:5, 6 |
1 Pedro 2:23-25 |
Daizezeba idubʉda kĩrãkʼabasi |
Salmo 22:1 |
|
Diasida domarẽã bino oregueata ne soaeda |
Salmo 69:21 |
|
Iyi bei nãã obisiabasi |
Salmo 22:15 |
|
Iyibʉta jõma Jeowade ĩjãsi |
Salmo 31:5 |
|
Diasi iyi bebʉta |
Isaías 53:12 |
|
Diasi yi bebʉta mawũã nekayirua ãĩ bʉeita |
Isaías 53:12 |
|
Mia kʼãrẽ iyi bʉwʉrʉdebemara bʉa bʉeda ẽ basi |
Salmo 34:20 |
|
Miazuba susida |
Zacarías 12:10 |
|
Platabarabʉ kĩrãkʼa jousida |
Isaías 53:9 |
|
Jẽda piradrʉsi |
Salmo 16:10 |
|
Iyi sewadabari awuru ẽbẽrata wesida |
Salmo 109:8 |
|
Daizeze juwarare jewedabʉ |
Salmo 110:1 |
a Cyclopedia de McClintock akʉza Strongba jarabʉ: «Judioraneba registro zedarãra Jerusalén pʉwʉrʉ ma ãrĩsidade, ãrĩ wãsi mawũã maʉ̃ nããra ãrĩna ẽ basi».
b Bedʼea Emmanuel trʉ̃barabara jarakĩrãbʉ «Daizezerabʉta dayirãbawara». Maʉ̃ trʉ̃ba ũdubibʉ Jesuba kʼãrẽ obʉta, iya odaba ũdubibʉ Daizezerabʉta iyiʉ̃me kʼẽrẽpabʉbawara (Lucas 2:27-32; 7:12-16).
c Bedʼea ebreo bedʼeadera neʹtsera, jarakĩrãbʉ «bakuru jiwinita» maʉ̃ bedʼeadeba zebʉbaibara bedʼea Nazarenora.
d Daizeze Bedʼeabara jarasi Mesíasʼra zeita poaga 29de, bʉa maʉ̃ta audre kʼawuakĩrãbʉbʉrʉ akʉra artikulo «El profeta Daniel predice la llegada del Mesías».
e Naʉ̃ra propesiarabʉ libro Zacaríasde, mamina Mateoba jarasi Jeremíasneba bedʼeasita (Mateo 27:9). Nããrãra propesia bedʼea jarabadara ãba zebibasi, maʉ̃ne nããrabasi Jeremíasneta (Lucas 24:44). Mateora bedʼeasibaibara Jeremías ʉ̃rʉ, maʉ̃ librota nããra basi baera, mamina iyira wãrĩnu bʼaira bedʼeakĩrãbasi Zacarías ʉ̃rʉ.
Puede que también le interese
¡DESPERTAD!
Yuwẽrã judia abaʉba jara ũrĩbibʉ kʼãrẽa iya ĩjãbadata idubʉsita
¿Kʼãrẽba ĩjãbisi Racquel Hallʼara Jesura Dayirã ẽdrʉbibaribasita?
CAMPAÑA ESPECIAL
Akʉ akʉra Daizeze Bedʼea sãwũã kʼawuita daibawara
Daizeze Bedʼeata kʼawuara nejaradiabariʉ̃meba.