¿Sãwũãbasi Jesu kakuara?
Daizeze Bedʼeaba panʉbʉ
Mia abaʉba kʼawua ẽ Jesu kakuata akʉza iyi kĩrãta sãwũã badara, Daizeze Bedʼeade eda jara ẽ baera. Maʉ̃ba ũdubibʉ iyi kakua sãwũã badatrʉ audre yibia ẽãta, mamina Daizeze Bedʼeaba jarabʉ iyi sãwũã bada ʉ̃rʉ.
Iyi kĩrã sãwũãbʉta: Jesura judio kĩrãkʼabasibaibara, yi papata judiabasi baera (Hebreos 7:14). Jesubara wuabemara ẽbẽrarãba kira erbʉ kĩrãkʼa erbasi bʼaibara. Ewari aba iyi Galileaeda Jerusalénʼna wãbasidera miõba kʼawua ẽ basi iyira Jesura (Juan 7:10, 11). Jesu beai ewari basidera Judas Iscariotebara ũdubibarabasi kʼãĩta Jesura iyira wuabemaraira awuara ba ẽ basi baera (Mateo 26:47-49).
Bʉdata: Jesubara bʉdara drazoa zokʼa ẽ basikĩrã, yumakẽrã abaʉba bʉdata drazoa achuasibʉrʉ iyitara maʉ̃ra yibia ẽ (1 Corintios 11:14).
Ikarata: Jesubara abasi ikarara. Iyara ũrĩsi judiora ley diadapeadara, maʉ̃ leybara jarabasi yumakẽrã zõrãrãbara ãĩ bʉe ẽ baibarabasita ikarara (Levítico 19:27; Gálatas 4:4). Adewara Daizeze Bedʼeade edabʉ propesia aba Jesu sãwũã zʉbʉriai ʉ̃rʉ akʉza maʉ̃ne jarabʉ Jesu ikara ʉ̃rʉ (Isaías 50:6).
Kakuata: Jaraseapanʉ Jesura yumakẽrã zareabasita, iyira jĩrʉba wãbasi jĩga Daizeze bedʼea jaradiaita (Mateo 9:35). Ẽbẽrarãbara templode nekʼãrẽta nẽdobasi, maʉ̃ kʼarea Jesubara ãyira jʉretasi akʉza pakarasida jʉrekʉasi (Lucas 19:45, 46; Juan 2:14, 15). Libro abaʉba jarabʉ: «Jõma ebangelioraba ũdubibʉ Jesura jipa zrogabasita» (Cyclopedia de MʼClintock y Strong, volumen IV, pagina 884).
Jesu kĩrãba kʼãrẽ ũdubibadata: Jesubara kãgata ũdubibasi akʉza so zʉbʉriabʉta ũdubibasi, maʉ̃ra jõma iyi kĩrã sãwũãbʉdeba ũdubibasi (Mateo 11:28, 29). So zareata diamarẽã akʉza kʼarebata diamarẽã ẽbẽra jõmaʉ̃ba jʉrʉbasi iyira krĩcha ẽã samabema pʉwʉrʉba (Lucas 5:12, 13; 7:37, 38). Wũãwũã zakerasida Jesu kʼawa bakĩrãbasi (Mateo 19:13-15; Marcos 9:35-37).
Ẽbẽrarãba aña krĩchabʉta Jesu kakua ʉ̃rʉ akʉza iyi kĩrã ʉ̃rʉ
Ʉ̃kʉrʉba krĩchapanʉta: Ʉ̃kʉrʉba krĩchapanʉ Jesura ẽbẽra paimabasita. Maʉ̃ta Daizeze Bedʼeade eda Revelaciónʼne (o Apocalipsis) eda jarakabʉ baera iyi bʉdara lana kĩrãkʼabasi baera akʉza iyi jĩrʉta bronse uruyama kĩrãkʼa (Revelación 1:14, 15).
Wãrĩnuta: Revelación libroba yizaranba jaradiabʉ (Revelación 1:1). Revelación librodera bedʼeabʉ Jesu bʉda ʉ̃rʉ akʉza jĩrʉ ʉ̃rʉ, maʉ̃ba jarakĩrãbʉ Jesuba iyi piradrʉda tẽã kʼãrẽ nebia erbadata, mamina jarakĩrĩrabʉ ẽ bʉdaʼarata akʉza jĩrʉarata. Revelación 1:14de jarabʉ yi bʉdata akʉza yi buruta torroabasita lana kĩrãkʼa akʉza niewe kĩrãkʼa, maʉ̃ba ũdubita torroabasita. Buda torroabara ũdubibʉ Jesu buru biata bakikibari baera (Revelación 3:14). Naʉ̃ bersikulobara jara ũrĩbi ẽ Jesu bʉdara niewede kĩrãkʼa akʉza lanane kĩrãkʼa ba ẽ basita, awuarabʉrʉ jarabʉ totroabasita. Akʉza Revelación libroba jarabʉ.
Jesu jĩrʉra kobre bia kĩrãkʼa basita, eda tʉbʉ pʉreade dorrabari uruyabʉ kĩrãkʼa (Revelación 1:15). Akʉza jarabʉ iyi kĩrãra bisiaba ũnabʉ kĩrãkʼabasita (Revelación 1:16). Maʉ̃ba ũdubibʉ Revelaciónʼne jarabʉra bari yizata jarabʉta, miõ ẽbẽraba erbʉ ẽ baera maʉ̃ yarata. Naʉ̃ testodera bedʼeabʉ Jesu jẽda piradrʉda ʉ̃rʉ, jarabʉ baera iyi chumaera miõta jʉ̃ẽbe ẽãta (1 Timoteo 6:16).
Ʉ̃kʉrʉba krĩchapanʉta: Jesura pae basi akʉza zarea neẽbasi.
Wãrĩnuta: Jesura pae ba ẽ basi akʉza zarea erbasi, adewara zowaĩnĩgʉabʉta ũdubibasi. Bari jaradaita Jesu gorogororaba jida zesidera, iyara pera ẽã jarasi iyira kʼaita (Juan 18:4-8). Jesura mejãcha zarea erbasibaibara iyira karpinterobasi baera (Marcos 6:3).
Jesubara atʉsi iyi beadai bakʉrʉta, mamina ʉ̃kʉrʉ ẽbẽrarãba kʼarebasi maʉ̃ atʉita iyira. ¿Kʼãrẽa kʼarebasida zareata mejãcha erbasibʉrʉ? Akʉza iyira wuabemara iyi kʼawa beadai ẽbẽrarãira, ¿kʼãrẽa nãã beisi? (Lucas 23:26; Juan 19:31-33). Iyi diamasi beadai nãã kʼãĩ ẽ basi, mejãcha krĩcha zroma obʉba (Lucas 22:42-44). Judiorabara maʉ̃ diamasi mejãcha zʉbʉria osida, waya romanorabara maʉ̃ nrʉema mejãcha posida (Mateo 26:67, 68; Juan 19:1-3). Mawũã berabaridaba iyira mesera beisibaibara.
Ʉ̃kʉrʉba krĩchapanʉta: Jesura mejãcha sopʉabasi.
Wãrĩnuta: Jesubara abarika yi Zeze Jeowaba oda kĩrãkʼa abarika osi. Daizeze Bedʼeabara jarabʉ Daizezera sobiata ( 1 Timoteo 1:11; Juan 14:9). Adewara Jesubara wuabemara jaradiasi sãwũã sobia baseabʉta (Mateo 5:3-9; Lucas 11:28). Maʉ̃ba jaraseapanʉ Jesubara iyi kĩrã sãwũãbʉdeba ũdubibasi iyira sobiabasita.
Puede que también le interese
ENSEÑANZAS IMPORTANTES DE LA BIBLIA
¿K’ãrẽa Warinuta Ĩjãĩbara Daizeze Bed’eara?
Daizeze Bed’ea iya osibʉrʉ, naʉ̃ librora awuarabaibara wabema librora bʉdapeadaira.
DAI Ʉ̃RɄ
Jarada jaradiamarẽã
Kʼawuara Daizeze Bedʼeaba jarabʉ ʉ̃rʉ, mawũã ẽ bʉrʉ Jeowa ʉ̃rʉ Kʼawuabipanʉrã ʉ̃rʉ audre kʼawuara.