Poaga 2024de ẽbẽrarã mejãchaʉta botasion o wãnañi. Mamina ẽbẽra bioba ĩjãna ẽ politikora ʉ̃rʉ.

•   Ẽbẽra mejãchaʉba Estados Unidosdera krĩchapanʉ «politikorabara ãyikʉza krĩchapanʉta» wuabemara krĩchai kaude. a Pew Research Center, 19 septiembre , 2023de.

 Akʉza warrara mejãchaʉba ĩjãna ẽ politikora ʉ̃rʉra.

•   «Warrara mejãchaʉba, mejãcha bedʼea zroma erpanʉba krĩchapanʉ politikorabara ara oda ẽãta maʉ̃ra bedʼea zromara». The New York Times, 29 enero, 2024de.

•   «Warrarabara audre ĩjãpanʉ Youtube de bideo opanʉrata politikoraira». The Korea Times, 22 enero, 2024de.

 ¿Dayirã aduʼa baira ĩjãnaibaraka politikorata? ¿Kʼaira ʉ̃rʉ ĩjãseapanʉ?

 Jipa yibia ẽbẽrarãbara krĩchaita kʼai ʉ̃rʉ ĩjãnaita. Daizeze Bedʼeaba jarabʉ: «Yi buru bia ẽãbara ĩjãbʉ jõma kʼãrẽ jarabʉra, mamina yi buru biabara nãã bia akʉbʉ iyi wãmae» (Proverbios 14:15).

•   Bʉa kʼawuakĩrãbʉbʉrʉ saʉ̃ bedʼeata iyi arata mawũã ẽ bʉrʉ iyi ara ẽãta, akʉseabʉ naʉ̃ artikulota: “Cómo protegerse de la información falsa”.

 Mejãcha bʉmina politikora nebia okĩrãbʉta ãyara jõma obe ẽ. Daizeze Bedʼeaba naʉ̃ ũrãgʼata erbʉ:

•   «Ĩjãraidua nokʼora ʉ̃rʉ, mia yumakẽrã warra ʉ̃rʉ, ãyara ẽdrʉbibeda ẽ baera» (Salmo 146:3).

 Daizeze Bedʼeaba jarabʉ Daizezeba nokʼota jidasita dayirãta zokʼamarẽã, maʉ̃ra Jesu Kristo (Lucas 1:32, 33). Jesubara Daizeze Nokʼota zokʼabʉ akʉza ʉ̃tʉba zokʼabʉ (Mateo 6:10).

•   Akʉra kʼãrẽa jipa ĩjãseapanʉta Jesu ʉ̃rʉ akʉza akʉra iya sãwũã ara oita bedʼea zroma idi ũdupanʉra. Akʉra naʉ̃ artikulota: «¿Kʼaiba zokʼai Daizeze Nokʼora?» akʉza «¿Kʼãrẽta oi Daizeze Nokʼobara?».