DAUBA BʼAIDUA
2023: Ẽbẽrarãra mejãcha krĩcha zroma osida. ¿Kʼãrẽta jarabʉ Daizeze Bedʼeabara maʉ̃ ʉ̃rʉ?
Poaga 2023de kʼãrẽ berabaridaba ũdubibʉ wãrĩnu dayirãrabʉta Daizeze Bedʼeaba jarabʉ kĩrãkʼa ewari jõbodoare (2 Timoteo 3:1). Akʉra idi ewade kʼãrẽ berabarinʉmʉba abarikabʉta Daizeze Bedʼeaba jarabʉ kĩrãkʼa.
Daizeze Bedʼeaba jarabʉta akʉza nekʼãrẽ berabaribʉta
«Ũrĩnañi ʉ̃kʉrʉ drʉadera yõnʉmʉta» (Mateo 24:6).
«Naʉ̃ drʉa jõmaʉ̃nẽ audre wã yõta». a
Akʉra naʉ̃ artikulorata «¿Kʼaiba kʼarebai ẽbẽrarã yõne edabʉ ẽãrarã?» akʉza «Nokʼora naʉ̃ drʉa jõmaʉ̃nẽ plata mejãcha gastapanʉ põgara edaita».
«Zeda ʉ̃rʉ zeyi drʉa ureta badumae» (Marcos 13:8).
«Poaga 2023 jʉ̃drʉside mejãcha drʉa ure zromata ũdu jʉ̃drʉsida, maʉ̃ kĩrãkʼara ũdukadebasi nããrãra». b
Akʉra naʉ̃ artikulorata «Drʉa ʉre zromaba mejãchade zʉbʉria osi Turquíata akʉza Siriata».
«Nekʼãrẽ dayi daʉperabʉta» (Lucas 21:11).
«Nããrãra naʉ̃ drʉara jʉ̃wʉrʉbasi, mamina atiara audre jʉ̃wʉrʉ» (António Guterres, sekretario ONU nebemata). c
Akʉra naʉ̃ artikulorata «Ola de calor mundial en el 2023».
«Bayi jarrabata» (Mateo 24:7).
«Poaga 2023de zareabasi yi wũãwũãra barabʉraita ãyi wũãwũãra sãwũã ne diaita». d
Akʉra naʉ̃ artikulorata «Yiko mejãcha neẽ yõ kʼarea akʉza Drʉade mejãcha jʉ̃wʉrʉape kue zebʉ kʼarea».
«Ũdu wãnañi bedʼea zroma daya obe ẽãta» (2 Timoteo 3:1).
«Ẽbẽra 8 panʉrata, maʉ̃ranebema aba mejãcha krĩcha zroma obʉ». e
Akʉra naʉ̃ artikulorata «Atiara warrara krĩcha obʉra audre wari wã».
¿Kʼãrẽta berabarimarẽã jʉ̃ãpanʉ poaga 2024dera?
Miõba kʼawua jarabe ẽ kʼãrẽta berabarita poaga 2024dera. Mamina Daizeze Bedʼeaba jarabʉ aranʉ bʼai Daizeze Nokʼoba jõbita nokʼora naʉ̃ drʉadebʉra akʉza zʉbʉriata adewara krĩcha zroma oita (Daniel 2:44; Apocalipsis 21:4).
Maʉ̃ena krĩcha zromata opanʉbʉrʉ kʼarebata widiseabʉ Daizezeʼa. Daizeze Bedʼeaba jarabʉ:
«Mʉ̃ perabʉdera, bʉta ĩjãbʉ» (Salmo 56:3).
¿Sãwũã ũdubiseapanʉ wãrĩnu ĩjãbʉta Daizezede? Kãgapanʉ kʼawuamarẽã Daizeze Bedʼeaba jarabʉta wua zʉbʉria neẽ bai ʉ̃rʉ. Akʉra sãwũã Daizeze Bedʼea ʉ̃rʉ kʼawuaseabʉta bari internetʼneba bʉ mebẽrãbawaraʉba.
a Foreign Affairs, «A World at War: What Is Behind the Global Explosion of Violent Conflict?» naʉ̃ra bʉsida Emma Bealsba akʉza Peter Salisburyba, 30 octubre, 2023de.
b Earthquake News, “Year 2023: Number of Major Earthquakes on Course for Record,” mayo, 2023de.
c Naciones Unidas, «Secretary-Generalʼs Opening Remarks at Press Conference on Climate», 27 julio, 2023de.
d Programa Mundial de Alimentos, “A Global Food Crisis.”
e Organización Mundial de la Salud, “World Mental Health Day 2023,” 10 octubre, 2023de.