Ẽbẽrarã mejãchaʉba krĩchapanʉ 2024dera bedʼea zromara ara obeda ẽãta. Mawũãsidu nebiata ũduseapanʉ, ¿sama?

 Daizeze Bedʼeaba jarabʉ Daizezebara bedʼea zroma idi ewade ẽbẽrarãba ũdupanʉra ara oita. Aranʉbai «Daizezebara jõma jõbiyi daʉbara akʉza beira wuara neẽbayi, so zʉbʉriaira adewara zʉbʉria bedʼeaira neẽbayi» (Apocalipsis 21:4).

•   Audre kʼawuaita Daizezeba nebia wei ʉ̃rʉ akʉra artikulo «La esperanza real de un mañana mejor».

 Daizeze Bedʼeabara jarabʉ ʉ̃ra zeide kʼãrẽ berabarita, maʉ̃ba bʉra kʼarebaseabʉ nebia krĩchaita mawũã aña krĩcha ẽ baita (Romanos 15:13). Bʉta ẽbẽra abaʉba aña obaribʉrʉ, kʼãrẽta neẽbʉrʉ akʉza kayata ũdubʉbʉrʉ, Daizeze Bedʼeaba ũrãgʼa diabʉba kʼarebayi maʉ̃ bedʼea zroma awuantaita.

•   Akʉra sãwũã Daizeze Bedʼeaba nebia zei ʉ̃rʉ jarabʉba yumakẽrã aba kʼarebasita sobia bʼaita kʼãrẽ neẽbasimina. Akʉra bideo Juan Pablo Zermeño: Jehová le dio propósito a mi vida.

•   Bʉta sopʉabʉbʉrʉ, krĩcha zroma obʉbʉrʉ akʉza bʉ mebẽrãnebemata beibaribʉrʉ, akʉra sãwũã Daizeze Bedʼeaba kʼarebaseabʉta bʉra. Akʉra artikulo «¿Puedo encontrar consuelo en la Biblia?».

•   Yuwẽrã aba gorogorobadata iya jarabʉ: «Mʉ̃ audu kʼãrẽ berabarinʉmʉra krĩchakabasi, adewara biata krĩcha ba ẽ basi». Daizeze Bedʼeabara iyaʼa kʼarebasi nekʼãrẽ bia ʉ̃rʉ jʉ̃ã bʼaita. Akʉra bideo «Cambié las armas por la Biblia».

 Kʼawuara sãwũã 2024de bʉ mebẽrãbawara ãba sobia baseabʉta. Kʼawuara sãwũã Daizeze Bedʼeaba kʼarebaseabʉta. Bʉara dai pagina internetʼneba doba bari Daizeze Bedʼea ʉ̃rʉ kʼawuaseabʉ. Akʉra sãwũã idi ewade Daizezeba kʼarebaseabʉta krĩcha zʉbʉria neẽã erbaita akʉza jʉ̃ã bʼaita «nebia ʉ̃rabʉrʉ zeita» (Jeremías 29:11).