Presidente Banco Mundial debemaba Junio 2022de naʉ̃ta jarasi: «Naʉ̃ drʉadera nekʼãrẽ edaira audre zareabʉ». Adewara iya jarasi: «Idi ewadera nekʼãrẽra wĩña wĩñane audre bale wã baera, yi ne nedobariraitabida audre zare nekʼãrẽ nedoita».

 Fondo Monetario Internacional debemaba naʉ̃ta jarabʉ: «Gasolinara akʉza yikora audre bale wã, maʉ̃ba pʉwʉrʉra nekʼãrẽ mejãcha neẽãrata zʉbʉriabibʉ».

 Daizeze Bedʼeaba kʼarebabʉ dayirãba kʼawuaita kʼãrẽa kʼãwũã nekʼãrẽra audre bale wãta akʉza kʼãrẽta oseapanʉta dayirãba, adewara jara ũrĩbibʉ naʉ̃ zʉbʉriara jipa jõita.

•   Naʉ̃ ewari dayirãba atia ũdubʉra Daizeze Bedʼeaba trʉ̃gabʉ «ewari jõbodo» (2 Timoteo 3:1).

•   Jesuba jarasi ũdudaita «nekʼãrẽ dayi daʉperabʉta», naʉ̃ba ũdubibʉ dayirãra naʉ̃ ewari jõbodoarepanʉta (Lucas 21:11). Nekʼãrẽ audre bale wãba mejãcha krĩcha zroma obibʉ ẽbẽrarãta, ãya krĩchabʉ aranʉ baira kʼãrẽta berabarita akʉza ãyi mebẽrãba nesidabʉ jõma diaseabʉ kʼawuaita.

•   Apocalipsis libroba jarasi ewari jõbodoarera yiko edaira audre zare baita, jarasi: «. . .Ʉ̃rĩsi bedʼeabʉrʉ kĩrãkʼa, maʉ̃ne jarasi: ‹Trigota litro aba diara denario abaʉ bari akʉza sebadata litro ũbea diara denario abaʉ bari›» (Apocalipsis 6:6).

 Propesia Apocalipsisde eda jarabʉ ʉ̃rʉ akʉza naʉ̃ ewari jõbodo ʉ̃rʉ audre kʼawuakĩrãbʉbʉrʉ, akʉra bideo En 1914 el mundo cambió de rumbo akʉza lera artikulo, «¿Qué representan los jinetes del Apocalipsis?».

•   «Wãrĩnu dera parãnañi akʉza mama panañi akʉza wãrĩnu ne u ubata udayi akʉza maʉ̃ netata kodayi.Awuruita de parãna ẽ bayi, awuruita ne upana ẽ bayi akʉza awuruba ko ẽ bayi» (Isaías 65:21, 22).

•   «Bayi mejãcha netata naʉ̃ drʉade, katuma ʉ̃rʉra audre bayi» (Salmo 72:16).

•   «‹Yi ẽbẽra zʉbʉriabʉ kʼarea, yi ẽbẽra nekʼãrẽ neẽãba zʉbʉria bedʼeabʉ kʼarea, mʉ̃ra pirãdrʉyi akʉza ãyita kʼarebayi›, naʉ̃ta jarabʉ Jeowaba» (Salmo 12:5). a

 Jeowaba aranʉ bai jõbiyi nekʼãrẽ neẽ kʼarea zʉbʉriabʉra, maʉ̃ra naʉ̃ drʉa jõmaʉ̃mae jõbiyi, naʉ̃ ʉ̃rʉ audre kʼawuaita lera naʉ̃ artikulota, «¿Es realista esperar un sistema económico justo?».

 Daizeze Bedʼeaba kʼarebasebʉ bʉa kʼawuaita kʼãrẽta oita nekʼãrẽ audre bale wã kʼarea, ¿Sãwũã kʼarebabʉ? Jaradiabʉ plata sãwũã zokʼaibarata (Proverbios 23:4, 5; Eclesiastés 7:12). Audre kʼawuaita lera artikulo «Cuide su economía» akʉza lera, «Cómo vivir con menos»