Organización Mundial de la Salud (OMS), naʉ̃ba jarasi 23 mayo 2022idu bayedara, 6 millones doscientos setenta mil audre beisita ẽbẽrarã COVID kʼarea. Mamina 5 mayo 2022de, ãya artikulo abaʉde jarasida ẽbẽrarã COVID kʼarea bei wãra audrebʉta. Ãya jarasi 2020 akʉza 2021ne ẽbẽrarãra beisi COVID 19ba akʉza ʉ̃kʉrʉta beisi COVID barida tẽã. Jõmaʉ̃nera 14 millones novecientos mil ẽbẽrarã beisi. ¿Kʼãrẽta jarabʉ Daizeze Bedʼeabara maʉ̃ bedʼea pʉa ʉ̃rʉ?

•    Jesu nama egoro eda zeside jarasi zeita «kaya zromarata» naʉ̃ «ewari jobodoare» (Lucas 21:11; 2 Timoteo 3:1).

 Idi ewadera aripe berabarinʉmʉ Jesuba jaradara. Audre kʼawuakĩrãbʉbʉrʉ akʉra «¿Cuál es la señal de “los últimos días” o “los tiempos finales”?»

•    Daizeze dayirã so zarea diabʉbara «so zarea diabʉ dayirã zʉbʉria zebʉrʉza» (2 Corintios 1:3, 4).

 Ẽbẽra mejachaʉta ãyi mebẽrã beida kʼarea sopʉabʉ, mamina ãyara so zarea ũdubʉ Daizeze Bedʼeade. Maʉ̃ ʉ̃rʉ audre kʼawuara naʉ̃ra artikuloraneba: «Cómo sobrellevar el duelo: Sugerencias prácticas» akʉza «La mejor ayuda para quienes están de duelo».

•    «Zebira bʉ Nokʼota. Bʉa krĩñata odaide bʉa ʉ̃tre obe kĩrãkʼa, mawũã odaide bʉa drʉadebida» (Mateo 6:10).

 Aranʉ Daizeze Nokʼoba zokʼanʉmʉnera «mia abaʉ ẽbẽraba jara ẽ bayi, kayakʉ mʉ̃ra» (Marcos 1:14, 15; Isaías 33:24). Akʉra bideo «¿Kʼãrẽ Daizeze Nokʼora?», audre biʼia kʼawuaita naʉ̃ Nokʼo ʉ̃tʉbema ʉ̃rʉ akʉza kʼãrẽta oi ʉ̃rʉ.

 Kãgapanʉ bʉa akʉza bʉ mebẽrãba akʉmarẽã Daizeze Bedʼeaba kʼãrẽ ũrãgʼa diabʉ akʉza kʼãrẽ nebia wei ʉ̃rʉ jarabʉta.