Ẽbẽrarã mejãchaʉta dobabʉta krĩchapanʉ. Ẽbẽrarã maʉ̃ ʉ̃rʉ mejãcha kʼawuabʉba jarabʉ wuabemara ẽbẽrarã kʼarebaiba kʼarebabʉta dobabʉta krĩcha ẽ bʼaita.

•   «Wuabemara kʼarebaiba kʼawuabibʉ dayi bebʉde kʼãrẽ oita kãgabʉta. Akʉza kʼarebayi dobabʉta krĩcha ẽ baita akʉza wuabemaraneba jĩga ba ẽ baita» (U.S. National Institutes of Health).

 Daizeze Bedʼeaba ũrãgʼa biata diabʉ, kʼãrẽta oseabʉta wuabemara kʼarebaita. Dayirãba naʉ̃ta oũdubidara kʼarebayi dobabʉta krĩcha ẽ baita.

 Diakĩrã diara. Ewari jʉrʉda wuabemarabawara ãba bʼaita. Diaseabʉ bʉa erbʉta. Bʉa maʉ̃ta ora ãyabida biga diabayi akʉza audre neũdukʼawua biabayi.

•   Testo Daizeze Bedʼeadebemata: «Dia kʼawuabara mawũãra jẽda diadaya» (Lucas 6:38).

 Wuabemarata kʼarebara. Wuabemaraba bedʼea zromata erbʉbʉrʉ jʉrʉda sãwũã kʼarebaita. Bari jaradaita, kĩrãkita ũrĩdua ãyi bedʼeata adewara kʼarebara ãyi bebʉ bia bʼaita.

•   Testo Daizeze Bedʼeadebemata: «Neũdukʼawuarabara ewari jõmaʉ̃nẽ kãgabʉ» (Proverbios 17:17).

 Audre kʼawuaita wuabemarabawara sãwũã bia bʼaita akʉra artikulo «La familia y los amigos».