«Drʉade Nekʼãrẽ berabarinʉmʉba zʉbʉria obʉ ẽbẽrarãta, pʉwʉrʉrata akʉza nedʉwʉrʉrata. Drʉa ureta mejãcha berabaribʉ, ewarita awuara bʉ baera, deta ãrĩbʉ akʉza nekʼãrẽ zokʼaibʉta naʉ̃ drʉa jõmaʉ̃nẽ. Nedʉwʉrʉra puzadebemarasida jʉ̃wʉrʉaba bei wã akʉza jipa neẽ baseabʉ» (Inger Andersen, subsecretario general de las Naciones Unidas y director ejecutivo del Programa de las Naciones Unidas para el medio ambiente, 25 de julio de 2023).

 ¿Nokʼorabara naʉ̃ drʉa jõmaʉ̃nẽ bedʼea zroma ũdubʉ kʼarea, bedʼea abarika zeika maʉ̃ ara oita? ¿Ãya maʉ̃ bedʼea zromara ewari jõmaʉ̃nẽ bia erbaika?

 Daizeze Bedʼeaba jarabʉ nokʼo abaʉba ara oseabʉta akʉza oita, naʉ̃ drʉade bedʼea zroma ũdupanʉra. Jarabʉ «Daizeze ʉ̃tʉbemabara, bʉyi nokʼo jõkata», maʉ̃ nokʼobara ara oyi bedʼea zroma ũdupanʉra naʉ̃ drʉade (Daniel 2:44). Maʉ̃ nokʼoba zokʼabʉrʉdera «mia kʼaiba neida oẽ bayi», yiya yõna ẽ bayi akʉza drʉasida ãrĩna ẽ bayi (Isaías 11:9).