27 Enero 2023de ẽbẽra mejãchaʉba naʉ̃ drʉa jõmaʉ̃mae jẽda kĩrãbedayi Holocaustode berabaridata, 75 poaga audreba maʉ̃ kayirua berabaridara, maʉ̃ba ẽbẽrarãba widiseapanʉ kʼãrẽa Daizezebara idu berabaribisi maʉ̃ Holocaustora.

•   Daizeze Bedʼeaba maʉ̃ ʉ̃rʉ kʼãrẽ jarabʉ kʼawuaita, akʉra artikulo «¿Kʼãrẽa berabarisi Holocausto judiora? ¿Kʼãrẽa Daizezebara idu berabaribisi?».

 Judiorãra mejãcha zʉbʉriasida Holocausto berabarisidera akʉza ãyidebema mejãchaʉta arare arare beasida. Adewara judiora ẽãsida pẽwãsida akʉza makenasida Holocausto ewaridera. Maʉ̃rane edapanasi Jeowa ʉ̃rʉ Kʼawuabipanʉrãta, ãyira pẽwãsida Daizeze Bʼedeade jarabʉta ĩjãpanʉ kʼarea.

•   Audre kʼawuaita akʉra artikulo «Holocausto berabarisidera, ¿Kʼãrẽba sãwũãsi Jeowa ʉ̃rʉ Kʼawuabipanʉrãra?».

 Ẽbẽra mejãchaʉta perapanʉ zʉbʉria Holocausto kĩrakʼabʉta berabari kʼarea, mamina aduʼapanʉ kʼawuapanʉ baera Daizeze Bedʼeade jarabʉta zʉbʉria maʉ̃ kĩrakʼabʉta ũduda ẽ baita ʉ̃ra zeidera.

•   «Mʉ̃yikʉza bia ũdu kʼawuabʉ maraita krĩchabʉra, mawũã jarabʉ Jeowabara. Krĩcha zʉbʉria ẽ neneẽã babita. Adewara jʉ̃ãbibʉ nebia ʉ̃rabʉrʉ zeita» (Jeremías 29:11). a

 Naʉ̃ nebiara aripe berabariyi Jeowaba yi kayirua jõbibʉrʉde akʉza ara obʉrʉde kayiruaba nekʼãre ãrĩzebʉrʉta. Aranʉ Daizezebara naʉ̃ra nebiata oyi:

•   Ẽbẽrarã wuabemara zʉbʉriabipanʉrarã makenañi (Proverbios 2:22).

•   Yi zʉbʉria ũduzebʉrʉrarã bebikuayi akʉza ãyi sosida aduʼa babiyi (Apocalipsis 21:4).

•   Yi beidararã jẽda piradrʉbiyi nama egorode (Juan 5:28, 29).

 Bʉa wãrĩnu ĩjãseabʉ naʉ̃ nebia Daizeze Bedʼeade jarabʉra. Bʉa naʉ̃ ʉ̃rʉ audre kʼawuakĩrãbʉbʉrʉ akʉseabʉ Bʉa Daizeze Bedʼeata jaradiadayi abʉmae.