DAUBA BʼAIDUA
Sientipikoraba jarapanʉ naʉ̃ drʉa jõira arakʼaitabata | ¿Kʼãrẽta jarabʉ Daizeze Bedʼeabara maʉ̃ ʉ̃rʉ?
24 enero 2023de, Sientipikoraba jarasida Relo Ewari Jõinebemara a ewari ẽzadra babodota, naʉ̃ba jarakĩrãkʉ naʉ̃ ewari jõira arakʼaitabata.
«Naʉ̃ martes baside Relo Ewari Jõinebemara bera ẽzadra zesi yõ Ucrania berabarida kʼarea, bomba nuklear kʼarea akʉza naʉ̃ drʉade berabaribʉ kʼarea» (Servicio internacional de noticias de la agencia AFP).
«Naʉ̃ martes baside Sientipikoraba jarasida Relo Ewari Jõinebemara 90 segundo waekuasita ewari ẽzadra baita, ẽbẽrarã audre naʉ̃ ewari jõbodoare zebʉdata» (ABC News).
«Ʉ̃kʉrʉ sientipikora naʉ̃ drʉdebemaba jarasida ẽbẽrarã audre akaraita panʉta zʉbʉria berabarideba» (The Guardian).
¿Ẽbẽrarã jõira akʉza naʉ̃ drʉa jõira, arakʼaitabaka? ¿Peraibaraka nekʼãrẽ ʉ̃ra zei kʼarea?¿Kʼãrẽta jarabʉ Daizeze Bedʼeabara maʉ̃ ʉ̃rʉ?
¿Kʼãrẽta jʉ̃ãpanʉ ʉ̃ra zeide?
Daizeze Bedʼeaba jarabʉ, «naʉ̃ drʉara ewari jõmaʉ̃nẽbʉ» akʉza jarabʉ ẽbẽrarãra «ewari jõmaʉ̃nẽbayi maʉ̃ ʉ̃rʉra» (Eclesiastés 1:4; Salmo 37:29). Maʉ̃ba naʉ̃ drʉara ẽbẽrarãba jõbida ẽ bayi akʉza mĩa ãrĩna ẽ bayi.
Mamina Daizeze Bedʼeabara jarabʉ bedʼea maʉ̃ kĩrãkʼabʉta. Bari jaraita jarabʉ «naʉ̃ drʉara berabari wã» (1 Juan 2:17).
Audre kʼawuakĩrãbʉbʉrʉ Daizeze Bedʼeade naʉ̃ drʉa jõiba kʼãrẽta jarakĩrãbʉta akʉra artikulo «¿Está llegando el mundo a su fin? ¿Qué es el apocalipsis?».
Audre kʼawuaita Daizeze Bedʼeade naʉ̃ drʉa kʼãrẽta berabarita jarabʉta akʉra artikulo «¿Cuándo será el fin mundo?».
Krĩchabiata erbaibara
Daizeze Beʼdeba kʼarebaseabʉ krĩcha bia erbaita atia naʉ̃ drʉade bedʼea zroma erpanʉmina, ¿sãwũã oseapanʉ?
Daizeze Bedʼeaba ũragʼa biata diabʉ. (2 Timoteo 3:16, 17). Bari jaraita, akʉra artikulo «¿Que puedo hacer para no preocuparme tanto?», nama ũdubibʉ sãwũã Daizeze Bedʼeaba kʼarebaseabʉta krĩcha bia erbaita bedʼea zroma erbʉmina.
Daizeze Bedʼeaba dayirã nebiata jʉ̃ãbibʉ (Romanos 15:4). Akʉza jara ũrĩbibʉ kʼãrẽta ũdudaita idi akʉza ʉ̃ra zeide. Naʉ̃ba kʼarebabʉ bedʼea zroma ũdupanʉmina awuantaita.
Daizeze Bedʼea ʉ̃rʉ audre kʼawua kĩrãbʉbʉrʉ akʉseabʉ bʉa Daizeze Bedʼeata jaradiadayi abʉmae.
a «Relo Ewari Jõinebemabara jarakĩrãbʉ ariwia dayirãraba nekʼãrẽ pãra wãba naʉ̃ drʉa sãwũã ãrĩ wãta, naʉ̃bara relo arata jarakĩrãbʉ ẽ, awuarabʉrʉ jarakĩrãbʉ kʼãrẽta ara oibarata dayirãba naʉ̃ drʉadeba neneẽã ẽdrʉita» (Bulletin of the Atomic Scientists [Boletín de Científicos Atómicos]).