•   «Ẽbẽrarã Chinanebemaba jarabʉ jipa jʉ̃wʉrʉabʉta akʉza jipa kue ze ẽãta» (The Guardian, 7 septiembre, 2022de).

•   «Krĩchapanʉ Áfricadera poaga juesomabata jipa kue ze ẽãta» (UN News, 26 agosto, 2022de).

•   «Jarapanʉ Europadera ʉ̃kʉrʉ pʉwʉrʉdera jipa kue ze ẽ baita akʉza 500 poaga berabaribʉrʉde mawũã ũdukabasita» (BBC News, 23 agosto, 2022de).

 Ẽbẽrarã maʉ̃ ʉ̃rʉ bia kʼawuabʉba jarabʉ naʉ̃ra wuabʉrʉ wãita. ¿Jõika maʉ̃ra ewari abaʉde? ¿Kʼãrẽta jarabʉ Daizeze Bedʼeabara maʉ̃ ʉ̃rʉ?

 Daizeze Bedʼeabara jarasi naʉ̃ta berabarita ewari jõbodoare:

•   «Bayi [...], jarrabata» (Lucas 21:11).

 Kue ze ẽãnera dia ẽ yikota akʉza yiko neẽãnera ẽbẽra mejãcha beibʉ, naʉ̃ jõma kʼãwũã berabaribʉba ũdubibʉ propesiaba jarabʉra aripe berabari wãta (Apocalipsis 6:6, 8).

 Daizeze Bedʼeabara jara ũrĩbibʉ kʼãrẽa ewariza wuabʉrʉ kue ze ẽã wãta:

•   «Yumakẽrãbara mia kʼãrẽsida zokʼabe ẽ nekʼãrẽ berabari ʉ̃rʉ» (Jeremías 10:23).

 Naʉ̃ba jarakĩrãbʉ ẽbẽrabara ãyikʉzara bia zokʼabeda ẽãta. Ãya sãwũã zokʼapanʉneba oseabʉ baniata wiña bamarẽã akʉza kueta mejãcha ze ẽ marẽã.

•   Sientipikorabara jarabʉ ẽbẽrarãba nekʼãrẽ obʉ kʼarea naʉ̃ drʉara mejãcha jʉ̃wʉrʉa obʉta, maʉ̃ba obʉ kueta mejãcha ze ẽ marẽã.

•   Ẽbẽrarã plata mejãcha kãgabʉba jõbi wãna bakururata, bea wãna nedʉwʉrʉrata akʉza dosida ãrĩ wãna.

 Daizeze Bedʼeabara dayirã nebiata jʉ̃ãbibʉ.

 Daizeze Bedʼeabara jarabʉ wua zʉbʉria ẽ baita bania kʼareara, ¿kʼãrẽa?

1.  1. Daizezebara jarabʉ «makenaita naʉ̃ drʉa ãrĩbʉrata» (Apocalipsis 11:18). Daizezebara jõma makenañi ẽbẽrarã plata mejãcha erbaya drʉa ãrĩbʉra (2 Timoteo 3:1, 2).

2.  2. «Drʉa jʉ̃wʉrʉaba põasã badamaera baniata jue oũbʉ baera mama wariyi charata» (Isaías 35:1, 6, 7). Daizezebara ara oyi bania kʼarea zʉbʉriabʉra akʉza drʉara ẽjũã kĩrãwãreã babiyi.

3.  3. «Bʉa akʉbʉ drʉara akʉza egoro bia babibʉ ne uita» (Salmo 65:9). Daizezebara naʉ̃ drʉadera yikora mejãcha babiyi akʉza baniara jaigʉa ba ẽ bayi.