Ẽbẽrarã ãyirai yi jʉrabʉ kʼarea ãyirai yi beabʉta, ẽbẽrarã drʉa awuara awuarakadebemarata ãyirai yi jʉrabʉta akʉza yõta badumae bʉ.

•   «Pʉwʉrʉ Israelde akʉza Gazade yõta bʉ kʼarea, ẽbẽrarã yõmiarabara internetʼne bedʼeata audre i jʉra jarapanʉ». The New York Times, 15 noviembre, 2023de.

•   «7 Octubrede baya ũdu zebʉda yi jʉrapanʉ kʼarea, yõbʉra audre wari wãita akʉza i jʉra bedʼeabʉsida audre wari wãita». Dennis Francis, presidente de la Asamblea General de las Naciones Unidas, 3 noviembre, 2023de.

 Idi ewade kʼãwũã ẽbẽrarãba awuru ʉ̃rʉ i jʉra jarabʉra akʉza ẽbẽra yõmia mejãchabʉra, adewara yõ audre ũdu wãnara ʉ̃rabʉrʉ kʼawuadogo ẽ. Daizeze Bedʼeade jara ũrĩbibʉ nawedabida basita ẽbẽrarã yõ jʉrʉpanʉrata akʉza yõta mejãcha basita, adewara ẽbẽrarãbara awuru ʉ̃rʉ i jʉra bedʼeabasita (Salmo 64:3; 120:7; 140:1). Adewara, Daizeze Bedʼeabara jara ũrĩbibʉ idi ewade ʉ̃rʉ, dayirãba ẽbẽrarã kʼãwũã ãyirai yi jʉrabʉ ũdubʉra wiña awuarabʉta ẽbẽrarã naweda ãyirai yi jʉrabadaira.

 Daizeze Bedʼeaba bedʼea ũmeneba jara ũrĩbibʉ idi ewade kʼãrẽa ẽbẽrarãra ãyirai yi jʉrabʉta.

1.  1. Daizeze Bedʼeaba jara ũrĩbibʉ yi kayiruata audre eaba wã baera ẽbẽrarã mejãchaʉba ãyirai kãga ũdubi ẽãta (Mateo 24:12). Adewara jarabʉ, ẽbẽrarãbara kãga ũdubi kaʉde ãyi ʉ̃rʉbʉrʉ krĩchaibasita akʉza awururata audre jʉraibasita (2 Timoteo 3:1-5).

2.  2. Idi ewade kʼãwũã ẽbẽrarã ãyirai audre yi jʉrabʉba, ũdubibʉ ãyira Diaruba mawũã ernʉmʉta. Maʉ̃ kʼarea Daizeze Bedʼeaba jarabʉ «naʉ̃ drʉara jõma yi kayirua juwa edre [bʉta]» (1 Juan 5:19; Apocalipsis 12:9, 12).

 Mamina Daizeze Bedʼeaba jarabʉ aranʉ bai Daizezeba jõbita ẽbẽrarã kʼawua ãyirai yi jʉrabibʉra. Mamina bari maʉ̃ awa jõbi ẽ bayi Daizezebara, adewara jõbiyi nekʼãrẽ ẽbẽrarãra mejãcha zʉbʉriabibʉsida. Daizeze Bedʼeaba jarabʉ:

•   «Daizezebara jõma jõbiyi daʉbara akʉza beira wuara neẽbayi, so zʉbʉriaira adewara zʉbʉria bedʼeaira neẽbayi, pʉa nãã ũdubadara neẽbayi» (Apocalipsis 21:4).