Politikabara naʉ̃ drʉa jõmaʉ̃nẽ ẽbẽrarãra jĩgababibʉ. 2022de, encuesta Pew Research Center odaba jarasi, «19 drʉa awuara awuaraka encuesta odadera 65% zõrãrãbara jarasida ẽbẽrarã politikade awuara awuaraka eda wãbʉrãra bedʼea abarika ze ẽãta jipa».

 Bʉara ũdubaribaibara bʉ bʉmaera politikorabara bedʼea abarika zebi ẽãta ẽbẽrarãra, ¿kʼãrea mawũã berabaribʉ maʉ̃ra?, ¿ara oseapanʉka?. Akʉra Daizeze Bedʼeaba kʼãrẽta jarabʉta.

 Naʉ̃ ewari jõbodoarera Daizeze Bedʼeabara jarasi ẽbẽrarã kʼãrẽ obʉba ãba babi ẽãta.

•   «Ewari jõbodoarera ũdu wãnañi bedʼea zroma daya obe ẽãta. Ẽbẽrarãbara ãyitrʉ audre kãgadayi, [...] bedʼea abarika zeda ẽ bayi» (2 Timoteo 3:1-3).

 Ẽbẽrarã mejãchaʉba aripe okĩrãpanʉmina nokʼoraitara zare bia zokʼaira. Ẽbẽrarãra bedʼea abarika ze ẽ baera zare bedʼea zroma ara oira. Maʉ̃ra aripe berabarinʉmʉ Daizeze Bedʼeaba naena jaradata.

•   «Yumakẽrãba ewari jõmaʉ̃nẽ awuru yumakẽrãta zokʼabʉ maʉ̃ kayirua oita» (Eclesiastés 8:9).

 Mawũãsidu Daizeze Bedʼeaba jarabʉ nokʼo abaʉba jõma ara oita zʉbʉria naʉ̃ drʉadebʉra.

 Daizeze Bedʼeabara jarabʉ abapaibʉta nokʼo biara, maʉ̃ra Jesu. Iyara zokʼaseabʉ, zarea barabʉ akʉza sobia neneẽã babikĩrãbʉ ẽbẽrarãra.

•   «Maʉ̃ ewaridera yi aripe obʉra bia pãwãrañi akʉza neneẽã bayi badumae» (Salmo 72:7).

•   «Drʉa jõmaʉ̃nebemara iyi nezokʼabayi» (Salmo 72:11).

 Jesutrʉ wãrĩnu nokʼo biara. Iyara krĩchabʉ kʼarebaita ẽbẽrarãra, audre kʼarebayi yi mejãchade zʉbʉriapanʉrãra.

•   «Iyara kʼarebai baera kʼãrẽ neẽãbʉ iyaʼa kʼareba widibʉra akʉza kʼaiba kʼarebai neẽãbʉra. So zʉbʉria akʉyi kʼãrẽ neẽãbʉra akʉza kʼaiba karebai neẽabʉra adewara ẽdrʉbiyi kʼãrẽ neẽãbʉra beidebara. Ẽdrʉbiyi bedʼea zromaneba akʉza kayiruadeba» (Salmo 72:12-14).

 Kʼawuara Daizezeba Nokʼo erbʉ ʉ̃rʉ, maʉ̃ Nokʼora ʉ̃tʉbʉ, maʉ̃ra Jesuba zokʼabʉ. Akʉza kʼawuaseabʉ sãwũã maʉ̃ Nokʼoba bʉ sãwũã kʼarebaita.

•   Akʉra bideo ¿Kʼãrẽ Daizeze Nokʼora?.

•   Lera artikulo «El Reino de Dios: un gobierno sin corrupción».