Ucraniane yõ berabaridaba ũdubibʉ religionʼrasida yõne eda wãbʉta. Akʉra sãwũã religionba kʼarebabʉta yõra:

•   «Biga diabʉ gorogorora Ucranianebema iyi pʉwʉrʉ bari yõbʉ baera. Daira mara bari yiwidʼipanʉ akʉza maraʼare panʉ» (Metropolitan Epiphanius I Kyivdebemaba, naʉ̃ta jarasi The Jerusalem Post, 16 marzo, 2022de).

•   «Nokʼo Iglesia Ortodoxa Rusaba domingode ãba yi jʉresida gorogorora Rusiadebemabawara bedʼeaita akʉza jaraita ‹ãyi pʉwʉrʉ bari yõnamarẽã›. Maʉ̃ra jarasi Moscú Ucraniaʉ̃me yõnʉmaside» (Reuters, 3 abril, 2022de).

 ¿Kristianorãra wãibaraka yõenara? ¿Kʼãrẽta jarabʉ Daizeze Bedʼeabara maʉ̃ ʉ̃rʉ?

 Daizeze Bedʼeabara jarabʉ Jesu kʼaidupanʉrãra wãna ẽãta yõenara.

•   «Wuagara bʉ espadara, jõma yi espada zokʼabʉra espadaba beiyi» (Mateo 26:52).

   Ẽbẽra abʉata yõena wãbʉbʉrʉ mawũã ẽ bʉrʉ eda kʼarebabʉbʉrʉ, ¿obʉka Jesuba jaradata?

•   «Mʉ̃a mara bedʼea yiwidʼita jarayi maraba odamarẽã, mayirainʉ yiya kãgadamarẽã, mʉ̃a mara kãga zebʉrʉ kĩrãkʼa, marasida mawũã yiya kãga panamarẽã. Mawũãtrʉ jõmaʉ̃ba kʼawuadayi marara mʉ̃ kʼaidubemarata, mayirainʉ yiya kãgapanʉbʉrʉ» (Juan 13:34, 35).

   Ẽbẽra abaʉba eda kʼarebabʉbʉrʉ yõne, ¿ũdubibʉka Jesuba jarada kĩrãkʼabʉta iyi kʼaidu panʉrãra ũdukaude bʼaita yiya kãgapanʉneba?

 Audre kʼawuakĩrãbʉbʉrʉ akʉra artikulo «El cristianismo y la guerra: ¿son compatibles?».

 ¿Bʉmara idi ewadera kristianorãra yõena wã ẽ baika? Daizeze Bedʼeabara jarasi naʉ̃ ewari jõbodoarera ẽbẽrarãra «wua yõ kʼawuada ẽ [baita]» Jesuba jaradiada kĩrãkʼa (Isaías 2:2, 4, nota).

•   Audre kʼawuakĩrãbʉbʉrʉ akʉra La Atalaya artikulo «¿Qué piensa Dios de las guerras?».

 Aranʉ Jeowabara a iyi Nokʼodeba ẽbẽrarãra «ẽdrʉbiyi bedʼea zromaneba akʉza kayiruadeba» (Filipenses 4:9; Salmo 72:14).

•   Akʉra bideo ¿K’ãrẽ Daizeze Nok’ora?