Idi ewadera nokʼorata akʉza sientipikorata bedʼeapanʉ makina ẽbẽra kĩrãkʼa krĩchabipanʉra ʉ̃rʉ. Ãya jarapanʉ naʉ̃ra yibiamina edaʉde krĩcha zroma opanʉta ẽbẽraba aña zokʼaseapanʉ baera.

•   «Idi ewade naʉ̃ makinarabara ẽbẽrarãta mejãcha kʼarebaseabʉ nekʼãrẽ mejãcha oseabʉ baera akʉza audre bia babiseabʉ baera ẽbẽrarãta . . . Mamina jõma yibia ẽ, dayirã samabʉta akʉza dayi ʉ̃rʉ kʼawua ẽ marẽã kãgabʉta mesera kʼawuabiseabʉ baera, naʉ̃ba obʉ ẽbẽrarãba ĩjana ẽ marẽã nokʼora ʉ̃rʉ». Mawũã jarasi Kamala Harris, Estados Unidosdebema bise presidentaba, 4 mayo 2023de.

•   «Naʉ̃ makinarabara biode kʼarebabʉmina dayirã kayabʉde, mamina maʉ̃ daucha dayirãta zʉbʉriabiseabʉ akʉza kayabiseabʉ». Mawũã jarasi Grupo internacional de médicos y profesionales de la salud, doktor Frederik Federspielba zokʼabʉba, BMJ Global Health, 9 mayo 2023de). a

•   «Idi ewadera zokʼapanʉ makina ẽbẽra kĩrãkʼa krĩchabipanʉra sewa nebʉra jaradiaita. Aranʉ naʉ̃ra makinarabara ẽbẽrarã mejãchaʉta trajo neẽã amaeseabʉ. Akʉza ẽbẽrarã makina ʉ̃rʉ estudiapanʉrãra krĩcha zroma opanʉ naʉ̃ra makinarabara ãyi dobaʉba krĩchada kʼãrãpe zʉbʉriabideba ẽbẽrarãta». Mawũã jarasi The New York Times, mayo 1 2023de.

 Naʉ̃ra ẽbẽraba mawũã jarapanʉ mamina ewari berabari wãne akʉdayi wãrĩnu mawũã berabarisi kʼawuaita. ¿Daizeze Bedʼeabara kʼaseabʉ naʉ̃ ʉ̃rʉra?

 Daizeze Bedʼeabara jarabʉ ẽbẽrarãba naʉ̃ makinara mejãcha owãnamina edaʉde ãyara zokʼa ẽ baita nebia oita.

1.  1. Ẽbẽraba makina ẽbẽra kĩrãkʼa krĩchabibʉta mejãcha obʉmina nebia oita, ãya krĩcha ẽ tẽã kʼãrẽta berabariseabʉta maʉ̃ kʼarea.

   •   «Ota ababʉ ẽbẽrama dauchabʉ kĩrãkʼabʉta, mamina wãrĩnu bʼaira maʉ̃bara bei eda edebʉ» (Proverbios 14:12).

2.  2. Dayirãbara obe ẽ dayirãba nekʼãrẽ odara wuabemaba kʼawua zokʼamarẽã.

   •   «Mʉ̃a jʉrasi trajo jõma bisia edre odara, mʉ̃a maʉ̃ta tẽã zebʉrʉ yumakẽrã amaei baera. ¿Kʼaiba kʼawuabʉba maʉ̃ra buru biata mawũã ẽ bʉrʉ buru zeri ẽãta? Mʉ̃ mejãcha zarea odara akʉza bia krĩcha kʼãrãpe nekʼãrẽ odara bisia edre, jõma iyi juwua edre bayi (Eclesiastés 2:18, 19).

 Mawũã krĩcha zroma obʉba ũdubibʉ nesidapanʉta Daizezeba zokʼamarẽã.

 Daizezebara jarabʉ iduaribi ẽ baita ẽbẽrarãba akʉza ãya nekʼãrẽ obʉba jõbita naʉ̃ Drʉara.

•   «Naʉ̃ drʉara ewari jõmaʉ̃nẽbʉ» (Eclesiastés 1:4).

•   «Ẽbẽra biaratrʉ duanañi maʉ̃ drʉadera akʉza ewari jõmaʉ̃nẽbayi maʉ̃ ʉ̃rʉra» (Salmo 37:29).

 Daizezebara jarabʉ iyi bedʼeade dayirãbara kʼãrẽta oibarata aduʼa sobia bʼaita. Bʉa audre kʼawuakĩrãbʉbʉrʉ Daizeze Bedʼeaba kʼaseabʉta akʉra artikulora “¿Existe alguna guía confiable que le asegure su futuro?” akʉza “La esperanza real de un mañana mejor.”