DAUBA BʼAIDUA
Idi ewadera mejãcha yõpanʉ põgaba, ¿kʼãrẽta jarabʉ Daizeze Bedʼeabara maʉ̃ ʉ̃rʉ?
Julio 2022de drʉa jõmaʉ̃mae mejãcha yõsida põgade:
«Japónʼnebema politiko jõmaʉ̃ba ũdukʼaudeta [primer ministro badata Shinzo Abe] beasidade, ẽbẽra drʉa jõmaʉ̃nẽbemata krĩcha osida, maʉ̃ pʉwʉrʉdera ẽbẽra kayiruarãra mejãcha neẽ baera akʉza ley põga ʉ̃rʉ zokʼabʉra zarea ũrĩbipanʉ baera» (10 julio, 2022de, The Japan Times).
«Ẽbẽrarã Dinamarcadebemata mejãcha krĩcha zroma obʉ, sentro komersial Copenhaguede ẽbẽra ũbea beasida baera» (4 julio 2022de, Reuters).
«Sudáfrica: ẽbẽra abaʉba põgaba ẽbẽra 15 beasi kantinane, pʉwʉrʉ Sowetode» (10 julio, 2022de, The Guardian).
«220 beasida põgaba 4 juliode Estados Unidosde» (5 julio, 2022de, CBS News).
¿Dayirãbara jʉ̃ãseapanʉka ewari abaʉde yõra jõita? ¿Kʼãrẽta jarabʉ Daizeze Bedʼeabara maʉ̃ ʉ̃rʉ?
Wuara neẽbayi yõra
Daizeze Bedʼeabara jarabʉ naʉ̃ ewari jõbodoarera mejãcha bʼaita ẽbẽra kayiruara akʉza nedʉwʉrʉ kĩrãkʼa bʼaita (2 Timoteo 3:1, 3). Yõ kʼãwũã mejãcha bʉ kʼarea ẽbẽrarã pera sentibʉ (Lucas 21:11). Mamina Daizeze Bedʼeara jarabʉ aranʉ wuara yõra neẽ baita akʉza jarabʉ ẽbẽrarã «neneẽãpanañi akʉza enaʉ̃panañi kʼaiba neida odaira neẽbayi adewara aduʼapanañi» (Isaías 32:18). ¿Sãwũã jõi yõra?
Daizezebara jõbiyi yõra akʉza wuara neẽbayi põgara
«Mamina ẽbẽra kayiruarãra naʉ̃ drʉadera jõma makenañi akʉza kʼẽrẽpa kãga ũdubibʉ ẽãra drʉadeba ẽĩkʉayi» (Proverbios 2:22).
«Naʉ̃ drʉa jõmaʉ̃nẽ jõbiyi yõra naʉ̃ egorodera akʉza bʉetayi enedrʉmara, wãrĩnu bʉgʉzʉabiyi miazura, gorogorora karru yõbarita babʉedayi» (Salmo 46:9).
Jeowaba ẽbẽrarã jaradiai baera sãwũã aduʼa bʼaita maʉ̃ba yõra wua neẽbayi
«Mia kʼaiba neida oẽ bayi mia makena ẽ bayi mʉ̃ katʉmanera, drʉa jõmaʉ̃ba bia kʼawuapanañi Jeowa ʉ̃rʉ baniaba pusa jõma birabʉ kĩrãkʼa» (Isaías 11:9).
Idi ewade Jeowaba ẽbẽrarã jaradianʉmʉ sãwũã yõna ẽ baita akʉza põgata zokʼada ẽ baita, «kʉchora pala babiyi akʉza ãyi miazʉra tigera babiyi» (Miqueas 4:3).
Audre kʼawuaita Daizezeba drʉa aduʼa bʼai ʉ̃rʉ jarabʉta akʉra artikulo «¿Es posible librarse del miedo?».
Audre kʼawuaita sãwũã yõra jipa jõita akʉra artikulo «¡Por fin paz en la Tierra!».
Puede que también le interese
ENSEÑANZAS IMPORTANTES DE LA BIBLIA
¿K’ãrẽa Daizezebara iduaribibʉ zʉbʉriara?
Maʉ̃ra Daizeze Bed’eabara panʉbʉ maʉ̃ bed’eara.
DAI Ʉ̃RɄ
Jarada jaradiamarẽã
Kʼawuara Daizeze Bedʼeaba jarabʉ ʉ̃rʉ, mawũã ẽ bʉrʉ Jeowa ʉ̃rʉ Kʼawuabipanʉrã ʉ̃rʉ audre kʼawuara.
