Mayo 19 2022 Consejo de Seguridad Naciones Unidasdebemaba ũrĩsi ẽbẽrarã nokʼorabawara trajabʉra 75 audrebʉba jarapanʉta «dããraba dayirã jarrabade zebʉrʉta mamina COVID-19 kʼarea akʉza naʉ̃ drʉade nekʼãrẽ berabarinʉmʉ kʼarea wãbʉrʉ wãsi jarrabara, mamina Ucraniane yõ baeda kʼarea audre wãta jarrabara». Maʉ̃ tẽã The Economist kartaba jarasi «yõ kʼarea naʉ̃ drʉa jõmaʉ̃nẽ wuabʉrʉ wãta jarrabara». Daizeze Bedʼeabara jarasi idi ewaridera mejãcha bʼaita jarrabara, mamina maʉ̃ daucha ũrãgʼa biata diasi maʉ̃ bedʼea zroma awuantaita.

•    Jesuba jarasi: «Yõnai baera nokʼota awuru nokʼoʉ̃me, pʉwʉrʉta awuru pʉwʉrʉʉ̃me, bayi jarrabata» (Mateo 24:7).

•    Apocalipsis libroba jarabʉ kabayo kimarebʉ ʉ̃rʉ. Maʉ̃ranebema abaʉta yõta. Akʉza maʉ̃ tẽã kʼaidu uruta jarrabadebemata, adewara jarasi yikora wĩña wĩña diaita akʉza mejãcha bale bʼaita. «Maʉ̃ne ũdusi kabayo paimata. Iyi ʉ̃rʉ baribʉbara juwade erbasi balanzata. […] ũrĩsi bedʼeabʉrʉ kĩrãkʼa, maʉ̃ne jarasi: ‹Trigota litro aba diara denario abaʉ bari akʉza sebadata litro ũbea diara denario abaʉ bari; mõbe ãrĩrãra oliba aseiteta akʉza binota›» (Apocalipsis 6:5, 6).

 Naʉ̃ propesiara idi ewade aripe berabarinʉmʉ dayirãra naʉ̃ ewari jõbodoare panʉ baera (2 Timoteo 3:1). Audre kʼawuaita naʉ̃ ewari jõbodoare ʉ̃rʉ akʉza Apocalipsis libroba kabayo kimare jarabʉ ʉ̃rʉ akʉra naʉ bideota En 1914 el mundo cambió de rumbo akʉza akʉra artikulo «Los jinetes del Apocalipsis están cabalgando».

•    Daizeze Bedʼeabara ũrãgʼata biata erbʉ dayirãba naʉ̃ bedʼea zroma awuantaita, bari jaraita yiko mejãcha neẽãne, yiko mejãcha balebʉde. Akʉra ʉ̃kʉrʉ ũrãgʼata maʉ̃ ʉ̃rʉ bedʼeabʉta naʉ̃ra artikulode «Cómo vivir con menos».

•    Daizeze Bedʼeabara dayirã nebiata jʉ̃ãbibʉ. Iya jarabʉ «bayi mejãcha netata naʉ̃ drʉade» akʉza ẽbẽrarã mejãchaʉba erbayi yikora (Salmo 72:16). Bʉa audre kʼawuakĩrãbʉbʉrʉ Daizeze Bedʼeaba kʼãrẽ nebia wei ʉ̃rʉ jarabʉta akʉza bʉa kʼãrẽa ĩjãibarata maʉ̃ nebia wei ʉ̃rʉ jarabʉta, akʉra naʉ̃ artikulota «La esperanza real de un mañana mejor».