Ucranianera dããraba baera yõpanʉta akʉza Drʉade jʉ̃wʉrʉape kue zebʉ baera, naʉ̃ba zareabʉ yiko upe koita. Naʉ̃ta audre zareabʉ ʉ̃kʉrʉ pʉwʉrʉ nekʼãrẽ neẽãmae.

•   «Yiko mejãcha ubeda ẽ yõ kʼarea, drʉade mejãcha jʉ̃wʉrʉape kue zebʉ kʼarea akʉza luz mejãcha balenʉmʉ kʼarea» (António Guterres secretario general de las Naciones Unidas, 17  Julio 2023).

•   «Rusiara Ucraniaʉ̃me yõbʉ baera yikora zokʼabʉe ẽ drʉa jãpera. Naʉ̃ ʉ̃rʉ estudiapanʉrabara jarapanʉ maʉ̃ba yikora audre balenʉmaita drʉa jõmaʉ̃nẽ akʉza jarapanʉ pʉwʉrʉ nekʼãre mejãcha erbʉ ẽ maera audre zʉbʉriadaita yiko ũduita» (Atalayar.com, 23 Julio 2023).

 Kʼawuara kʼaseabʉta Daizeze Bedʼeaba yiko jõ wã kʼarea akʉza nekʼãrẽ ʉ̃ra zei ʉ̃rʉ.

•   Jesuba jarasi: «Yõnañi pʉwʉrʉta awuru pʉwʉrʉme, nokʼota awuru nokʼoʉ̃me, bayi jarrabata» (Mateo 24:7).

•   Daizeze Bedʼeade Apocalipsis libroba jara ũrĩbibʉ kabayo kimare bʉ ʉ̃rʉ, maʉ̃ abaʉdebemaba jarabʉ yõta, ababemaba jarabʉ jarrabata. Naʉ̃ kabayobara ũdubibʉ jarraba mejãcha bʼaita yikora mejãcha neẽ baera akʉza mejãcha balebʉ baera. «Maʉ̃ne ũdusi kabayo paimata. Iyi ʉ̃rʉ baribʉbara juwade erbasi balanzata. Yi zokʼaipanʉra kimarebʉ ẽzadra, ũrĩsi bedʼeabʉrʉ kĩrãkʼa, maʉ̃ne jarasi: «Trigota litro aba diara ewari aba trajada kĩrãkʼa balebʉ akʉza sebadata litro ũbea diara ewari aba trajada kĩrãkʼa balebʉ» (Apocalipsis 6:5, 6 Dios habla hoy).

 Daizeze Bedʼeade naʉ̃ ʉ̃rʉ propesia jarabʉra idi ewade aripe berabarinʉmʉ, dayirãra ewari jõbodoarepanʉ baera (2 Timoteo 3:1). Audre kʼawuaita kʼãrẽta berabarita ewari jõbodoare akʉza Apocalipsis libroba kabayo kimare bʉ ʉ̃rʉ jarabʉta akʉra bideo 1914deba naʉ̃ drʉara awuarawãsi akʉza akʉra artikulo «¿Qué representan los jinetes del Apocalipsis?»

•   Yiko mejãcha neẽãne akʉza mejãcha balebʉde, Daizeze Bedʼeade ũrãgʼa biabʉba kʼarebaseabʉ awuantaita. Akʉra kʼãrẽta oseabʉta naʉ̃ artikulode «Cómo vivir con menos»

•   Daizeze Bedʼeadera jarabʉ ʉ̃rabʉrʉ zeita nebiara. Maʉ̃ nebia zebʉrʉdera «bayi mejãcha netata naʉ̃ drʉade, katuma ʉ̃rʉra audre bayi» akʉza ẽbẽra jõmaita bayi yikora (Salmo 72:16). Audre kʼawuaita naʉ̃ nebia zei ʉ̃rʉ akʉza kʼãrẽa naʉ̃ ʉrʉ ĩjãseapanʉta akʉra «La esperanza real de un mañana mejor».