6. Naʉ̃ drʉa jõmaʉ̃nẽ jaradiapanʉ
6. Naʉ̃ drʉa jõmaʉ̃nẽ jaradiapanʉ
«Bedʼea biata Daizezeta Nokʼodʼebemata jaradʼaya ẽjũã jõmaʉ̃ maẽ» (MATEO 24:14, Daizeze Bedʼea, Wycliffe Inc.).
● Vaiateara bʉ Pacíficode, maʉ̃ne bʉ drʉa zakerata 80, maʉ̃ra drʉa zakerane 16 mil ẽbẽrarã panʉ. Maʉ̃ra wawarabʉmina akʉza ẽbẽrarã kabana ẽ mina Jeowa ʉ̃rʉ Kʼawuabipanʉrãra Vaiatea deidu jʉ̃ẽsida. ¿Kʼãrẽa jĩgara wãpanʉ? Ẽbẽrarã jaradiakĩrãpanʉ baera bedʼea bia Daizeze Nokʼoba erbʉta.
¿KʼÃRẼTA ŨDUBIBɄ NEKʼÃRẼ BERABARIBɄBA? Daizeze Nokʼo ʉ̃rʉ bedʼea biabʉra jaradiapanʉ naʉ̃ drʉa jõmaʉ̃nẽ. 2010baside jaradiasida mil seisiento millones ora bayeda, 236 drʉa awuara awuaraka Jeowa ʉ̃rʉ Kʼawuabipanʉrãba, maʉ̃ba jarakĩrãbʉ Jeowa ʉ̃rʉ Kʼawuabipanʉrãbara aba abakʼaʉba 30 minuto bayeda jaradiasidata ewariza. Poaga 2000deba 2010 bayeda kartarãra dedekasida akʉza ʉ̃tʉzebisida 20 mil millones audre.
¿ẼBẼRABA KʼÃRẼTA JARAPANɄ? Dããraba Daizeze Bedʼea ʉ̃rʉ jaradia zebʉdata.
¿ẼBẼRARÃBA JARAPANɄRA WÃRĨNUKA? Wãrĩnu baira religionrabara Daizeze Bedʼeara jaradia zebʉda mamina mawũã poaga bio bayeda jaradiapanʉ ẽ mia ẽbẽrarã kabana, mamina Jeowa ʉ̃rʉ Kʼawuabipanʉrãbara ẽbẽrarã mejãchaʉʼa jaradia zebʉda Daizeze Bedʼea akʉza mawũã osida ãyi nejʉrarãba pẽwãsidamina Daizeze Bedʼea jaradiabʉ kʼarea ẽbẽrarã (Marcos 13:13). * Jeowa ʉ̃rʉ Kʼawuabipanʉrãbara ewari jʉrʉpanʉ ẽbẽrarã soiduba jaradiaita akʉza ãyi kartarãra bari diapanʉ.
¿BɄA KʼÃRẼTA KRĨCHABɄ? ¿Bedʼea bia Daizeze Nokʼo ʉ̃rʉ jaradiapanʉka naʉ̃ ewaridera? Naʉ̃ bedʼeata aripe berabarinʉmʉ baera, ¿jarakĩrãbʉka aranʉbai nebiata uruta?
[Nota]
^ par. 6 Audre kʼawuakĩrãbʉbʉrʉ akʉra naʉ̃ bideorata: Fieles ante las pruebas, Los triángulos púrpuras akʉza Los testigos de Jehová se mantienen firmes ante el ataque nazi, Jeowa ʉ̃rʉ Kʼawuabipanʉrãba odata.
[Bedʼea jarabʉta]
«Zarea odayi soiduba jaradiadaita Daizeze Bedʼea ʉ̃rʉ ẽbẽrarã jõmaʉʼa Jeowaba kʼawua jarayeda» (ANUARIO DE LOS TESTIGOS DE JEHOVÁ 2010)