Jõma Daizeze krĩcharabʉ, iyi bedʼeade. Iya bʉbisi ʉ̃kʉrʉ yumakẽrãra iyi krĩchata. Iyi bedʼeadebʉ ũrãg’a biata, maʉ̃ta Daizezebara kãgabʉ kʼawua damarẽã dayirãba.

Mia kʼaiba kʼawua ẽ Daizeze dʼeabara, maʉ̃ kʼãrẽa iyara kʼaʉbʉ saʉta yibiata dayiraĩtara. Maʉ̃ta ũrĩnarã bia krĩchayi, akʉza bia wãñi (Proverbios 1:5).

Daizezebara kãgabʉ ẽbẽra jõmaʉ̃ba aku damarẽã iyi bedʼeata, maʉ̃ kʼãrẽa Daizeze Bed’eara bedʼeabʉ, bedʼea awuara awuaraka naʉ̃ drʉa jõmaʉ̃nẽ.

Dayirãba ũrĩ kĩra panʉ bʉrʉ, akʉza kʼawua kĩra panʉ bʉrʉ, akʉi bara Daizeze Bedʼeade.

Jeowa ʉ̃rʉ kʼawuabipanʉrãba k’arebayi bia k’awuaita Daizeze Bedʼeata.

Jeowa ʉ̃rʉ kʼawuabipanʉrãbara jaradia panʉ wãrĩnuta, Daizeze ʉ̃rʉ naʉ̃ drʉa jõmaʉ̃nẽ.

Bʉa kʼawua seabʉ audre Daizeze ʉ̃rʉ, wãrã Jeowa ʉ̃rʉ kʼawuabipanʉrãbawara ãyi ãba yi jʉrebʉmae. Jõma ãya jaradia bʉra bari jaradia panʉ.