Sãwũã audre Daizeze Bedʼeadebema kʼawuaita
Nejaradiabariʉ̃meba estudiara: widira bʉa jaradiamarẽã naʉ̃ karta bʉa diada ẽbẽraʼa mawũã ẽ bʉrʉ widira jaradiamarẽã internetʼneba jw.org.
YI NÃÃBEMA
Akʉra parrapo aba abaka akʉza bedʼea widibʉ paima bʉsida (A) akʉza testosida (B) naʉ̃bara ũdubibʉ sʉ̃ta audre yibiata. Kʼawuabara ʉ̃kʉrʉ testomaera bʉta bedʼea «akʉra».
ẼSADRA
Audre biʼia kʼawuadadrʉ (C) edrebʉbajara ũrĩbibʉ tẽãne kʼãrẽta kʼawuadaita. Subtituloba (D) ũdubibʉ kʼãrẽ ʉ̃rʉ bedʼeadaita. Akʉra testota panʉra widibʉta akʉza bideota (E).
Akʉra potota akʉza maʉ̃ edre bedʼea jarabʉta (F) lera akʉza krĩchara sãwũã panʉita Ʉ̃kʉrʉba krĩchapanʉta (G).
JÕITA
Kĩrãbeita akʉza Panʉnadrʉ (H). Kʼãrẽ ewaride jõdogota bʉra. Mʉ̃a oita (I) nama bʉra bʉya oita. Jʉrʉda audre kʼawuaita (J) namara erbʉ bʉya kãgabʉ jidaita leita mawũã ẽ bʉrʉ akʉita.
Daizeze Bedʼeade testobʉra sãwũã ũduita
Naʉ̃ librode testobʉbara erbʉ Libro trʉ̃ta (A), Nejʉacha yi zromata (B) akʉza Nejʉacha zaketa (C). Yiza jaradaita Juan 17:3 jarakĩrãbʉ «libro trʉ̃ta Juan nejʉacha yi zroma 17 nejʉacha zake 3».