YI 02
Daizeze Bedʼeabara jʉ̃ãbibʉ nebiata
Naʉ̃ drʉa jõmaʉ̃nẽ ẽbẽra mejãchaʉta bedʼea zromane berabaribʉ ãyi krĩcha obibʉde sopʉabibʉde akʉza zʉbʉriapanʉ. ¿Bʉra mawũã berabaribarika? Kayanʉmʉ baera zʉbʉrianʉmʉ baibara, mawũã ẽ bʉrʉ ẽbẽra bʉa ũdukʼawuabʉta beisi baera akʉza krĩchabaribaibara ewari abaʉde bia bʼai kʼawuaita dayi aduʼa bamarẽã. Daizeze Bedʼeaba jarabʉ bedʼea biata.
1. ¿Kʼãrẽ nebiata jʉ̃ãmarẽã jarabʉ Daizeze Bedʼeabara?
Daizeze Bedʼeabara jara ũrĩbibʉ kʼãrẽa mejãchabʉta bedʼea zromara naʉ̃ drʉadera. Adewara naʉ̃ra atiaeda kʼãwũãnʉmʉta aranʉ bʼai jõita. Daizeze Bedʼeabara «adewara jʉ̃ãbibʉ nebia ʉ̃rabʉrʉ zeita» (akʉra Jeremías 29:11, 12). Maʉ̃ bedʼea biaba kʼarebabʉ bedʼea zromane erbʉmina krĩcha biata erbaita adewara dayaʼa ĩjãbibʉ ewari jõmaʉ̃nẽ sobiapanaita.
2. ¿Sãwũã bʼaita jarabʉ Daizeze Bedʼeabara ʉ̃ra zeidera?
«Beira wuara neẽbayi so zʉbʉriaira, zʉbʉria bedʼeaira neẽbayi pʉa nãã ũdubadara neẽbayi» (akʉra Apocalipsis 21:4). Mawũã bʼaita jarabʉ Daizeze Bedʼeabara. Bedʼea zroma dayi zʉbʉriabibʉra wuara ũduda ẽ bayi, dayi nekʼãrẽ neẽãbʉta, aripe oda ẽãde, kaya ũdupanʉta akʉza ẽbẽra bei wãta. Daizeze Bedʼeabara jarabʉ baseapanʉta ewari jõmaʉ̃nẽ sobiade, drʉa kĩrãwãreãnẽ.
3. Daizeze Bedʼeabara jarabʉ nebiata weita, ¿kʼãrẽba kʼarebai maʉ̃ ʉ̃rʉ ĩjãita?
Mejãchaʉba krĩchapanʉ naʉ̃ kʼãwũãnʉmʉra bia wãita, mamina wãrĩnu bʼaira mawũã ĩjãpanʉ ẽ. Dayirãba ĩjãseabʉ Daizeze Bedʼeaba jarabʉra, «Daizeze Bedʼeata jʉra kʼawua» akʉpanʉbʉrʉ ĩjãseapanʉ mama bedʼea bia jarabʉra (Hechos 17:11). Daizeze Bedʼea akʉbʉrʉde, bʉabʉrʉ akʉyi mama jarabʉra wãrĩnu ĩjãseabʉta.
AUDRE BIʼIA KʼAWUADADRɄ
Akʉdaya Daizeze Bedʼeaba ʉ̃rabʉrʉ zei ʉ̃rʉ jarabʉta akʉza maʉ̃ bedʼea biaba sãwũã kʼarebanʉmʉta ẽbẽrarãta.
4. Daizeze Bedʼeabara jarabʉ ewari jõmaʉ̃nẽ baseabʉta nemitia neẽã
Akʉra nebia Daizeze Bedʼeaba jarabʉta, edre bedʼea mia abaʉta abʉmae. ¿Saʉ̃ta audre kãga bʉa? ¿Kʼãrẽa?
Akʉidua testo jõma bedʼea bia kʼawuabʉta akʉza maʉ̃ ʉ̃rʉ bedʼeadaidʉa:
-
Bʉmara, ¿naʉ̃ra testorabara ĩjãbibʉka nebia zeita? Mõbe krĩchara bʉ mebẽrãta akʉza neũdukʼawuarata, ¿ãyira naʉ̃ testobara kʼarebaika?
¿Bʉa krĩchabʉka bʉta nama jarabʉ kĩrãkʼabʉde?
MIA ABAɄTA |
ẼBẼRA JÕMA |
---|---|
|
|
|
|
|
|
|
|
|
|
5. Daizeze Bedʼeaba bedʼea bia jarabʉba kʼarebayi bia panaita
Ẽbẽra mejãchaʉta kĩrʉpanʉ naʉ̃ drʉade ũdupanʉ baera bedʼea zromata akʉza ʉ̃kʉrʉba nejõma opanʉ bia wãmarẽã. Akʉra sãwũã Daizeze Bedʼeaba jõma ara oi ʉ̃rʉ jarabʉba kʼarebanʉmʉta ẽbẽrarã mejãchaʉta. Akʉra BIDEOTA, mõbe naʉ̃ta panʉidua:
-
Bideodera, ¿Rafikabara kʼãrẽta ara okĩrãbasi?
-
Iya bedʼea zroma ara oẽ basimina iya kãgabʉde, ¿sãwũã kʼarebasi Daizeze Bedʼeabara?
Bedʼea bia Daizeze Bedʼeaba jarabʉba kʼarebaseabʉ bedʼea zroma erbʉmina krĩcha bia erbaita. Akʉra Proverbios 17:22 akʉza Romanos 12:12, mõbe naʉ̃ta panʉidua:
-
Bʉmara, ¿Daizeze Bedʼeaba bedʼea bia erbʉbara kʼarebaseabʉka atiara? ¿Kʼãrẽa?
Ʉ̃KɄRɄBA KRĨCHAPANɄTA: «Daizeze Bedʼeaba jõma nebia jarabʉra wãrĩnu bʼaira sewida».
-
Bʉmara, ¿kʼãrẽa biga kĩrãkita akʉita Daizeze Bedʼeaba jarabʉra wãrĩnu aripe berabarita?
KĨRÃBEITA
Daizeze Bedʼeabara jarabʉ sobia panaita akʉza nebia zeita, maʉ̃ba kʼarebabʉ bedʼea zroma erpanʉmina Daizeze ode kʼẽrẽpa panaita.
Panʉnadrʉ
-
¿Kʼãrẽa ẽbẽrabara kʼawuaibara bedʼea bia Daizeze Bedʼeaba jarabʉra?
-
¿Kʼãrẽta jarabʉ Daizeze Bedʼeabara ʉ̃ra zei ʉ̃rʉra?
-
¿Atiara bʉra sãwũã kʼarebayi nebia zeita jʉ̃ã bʼaita?
JɄRɄDA AUDRE KʼAWUAITA
Audre kʼawuara Daizeze Bedʼeaba bedʼea bia erbʉbara dayaʼa zarea diabʉta.
«¿Sama ũduseapanʉ jʉ̃ãbaira?» (¡Despertad!, 22de abrilde 2004de)
Akʉra sãwũã nebia ʉ̃ra zeiba yi dããraba kayapanʉra sãwũã kʼarebabʉta.
«¿Daizeze Bedʼeabara kʼarebaseabʉka kayabʉ awuantaita?» (Artikulo jw.org)
Naʉ̃ bideo trãbi akʉbʉrʉde, krĩchara bʉ mebẽrãbawara sãwũã biapanʉta drʉa kĩrãwãreãnẽ Daizeze Bedʼeaba jarabʉ kĩrãkʼa.
Akʉra sãwũã ẽbẽra aba nedʉwʉrʉ kʼarea yõbʉta Daizeze Bedʼea bedʼea bia jarabʉba iyi bebʉ awuara babisita.
«Mʉ̃a atia ara okĩrã ẽ naʉ̃ drʉadebʉra» (Jarakabʉ, 1ne juliode 2013de)