YI 03
¿Bʉara ĩjãseabʉka Daizeze Bedʼeara?
Daizeze Bedʼeade mejãchabʉ bedʼea biata akʉza ũrãgʼa biarata. Bʉa kʼawuakĩrãbʉ bʼaibara kʼãrẽta jaradiabʉta nama akʉza widikĩrãbʉ bʼaibara maʉ̃ ʉ̃rʉ. ¿Daya bedʼea bia Daizeze Bedʼeade ũdubʉra akʉza ũrãgʼa biarãra ĩjãseabʉka kikibarimina? Akʉza, ¿daya ĩjãseabʉka Daizeze Bedʼeaba jarabʉde dayirãra atiara sobia baseabʉta akʉza ʉ̃ra zeidebida? Ẽbẽra mejãchaʉba mawũã krĩchapanʉ. Kãgapanʉ bʉyikʉzaʉba akʉmarẽã kʼãrẽa mawũã krĩchapanʉta, mõbe akʉra ĩjãseabʉ kʼawuaita.
1. ¿Daizeze Bedʼeaba jarabʉra wãrĩnu berabarisika?
Daizeze Bedʼeaba jarabʉra «bedʼea wãrĩnuara» maʉ̃ra jõma aripe bʉsida (Eclesiastés 12:10). Daizeze Bedʼeaba jarabʉ nekʼãrẽ wãrĩnu berabaridata akʉza ẽbẽrarã wãrĩnu badata (akʉra Lucas 1:3; 3:1, 2). Nekʼãrẽ kikibari estudiapanʉrabara aripe jarapanʉ kʼãrẽ ewaride berabaridata, kʼairabasita, sama berabarisita, abarika Daizeze Bedʼeaba jarabʉ kĩrãkʼa.
2. ¿Kʼãrẽa ĩjãpanʉ Daizeze Bedʼeara dããrabamina bʉdapeadata?
Nekʼãrẽ ʉ̃rabʉrʉ berabarinʉmʉra Daizeze Bedʼeaba dããraba yi jaramata. Bari jaraita, ʉ̃kʉrʉba krĩchapanasi Daizeze Bedʼeaba siensia ʉ̃rʉ jarabʉdera aripe bedʼeabʉ ẽãta. Mamina idi siensiabara jarabʉ Daizeze Bedʼeaba jarabʉra aripechuta. Daizeze Bedʼeara «atia wãrĩnu ĩjãseapanʉ akʉza ewari jõmaʉ̃nẽbida iya jarabʉra» (Salmo 111:8).
3. ¿Kʼãrẽa ĩjãpanʉ Daizeze Bedʼeaba jarabʉra nekʼãrẽ ʉ̃ra zei ʉ̃rʉra?
Daizeze Bedʼeadebʉ propesia a «waidide ʉ̃tʉ ze ẽna» jarabʉta (Isaías 46:10). Daizeze Bedʼeabara aripe jarasi kʼãrẽta berabarita berabari naweda, adewara jarasi idi dayirãba naʉ̃ drʉade ũdunʉmʉra sãwũã aripe berabarita. Jõma Daizeze Bedʼeaba jarabʉra aripe berabaribʉ. Naʉ̃ yi 3de kʼawuadaya ʉ̃kʉrʉ propesia Daizeze Bedʼeaba jarabʉta.
AUDRE BIʼIA KʼAWUADADRɄ
Akʉdayi sãwũã Daizeze Bedʼeaba jarabʉra siensiaʉ̃mera abarika bedʼeabʉta, adewara akʉdayi ʉ̃kʉrʉ propesia Daizeze Bedʼeadebʉta.
4. Siensiara Daizeze Bedʼeaʉ̃me abarika bedʼeabʉ
Nããra ẽbẽra mejãchaʉba krĩchapanasi naʉ̃ Drʉa nekʼãrẽ ʉ̃rʉbʉta. Akʉra BIDEOTA.
Akʉra kʼaseabʉta Job libroba, naʉ̃ bʉdara 3.500 poagaba. Akʉra Job 26:7, mõbe naʉ̃ta panʉidua:
-
¿Bʉa sãwũã krĩchabʉ Daizeze Bedʼeaba jarabʉra naʉ̃ Drʉara ewarade jirabʉ abʉ ʉ̃rʉra?
Daizeze Bedʼeaba jara ũrĩbibʉ baniara sãwũã iyi doba sʉgʉbʉta: bania pusade oʉ̃bʉra bisiaba jãrãra badogo, maʉ̃ baniara jẽda zeyi pusama kue bade. Maʉ̃ biʼia kʼawuadapeadara 200 poaga berabaribʉrʉ. Akʉra kʼasea jarasita Daizeze Bedʼeaba poaga mejãcha wedaʉba. Akʉra Job 36:27, 28, mõbe naʉ̃ta panʉidua:
-
Bania sãwũã iyi doba sʉgʉbʉ ʉ̃rʉra, ¿bʉara sãwũã krĩchabʉ?
-
¿Testora bʉa atia ledabara sãwũã kʼarebabʉ audre ĩjãita Daizeze Bedʼea ʉ̃rʉ?
5. Daizeze Bedʼeaba jarasi nekʼãrẽ berabaribasita
Akʉra Isaías 44:27-45:2, mõbe naʉ̃ta panʉidua:
-
¿Kʼãrẽ berabarita jarasi Daizeze Bedʼeabara Babilonia makenai ʉ̃rʉra?
Daizeze Bedʼeaba jarabʉ poaga 539dera Kristo nãã, b nokʼo Persiadebema Ciroba akʉza iyi gorogororabawaraʉba makenasita Babiloniara. Ãyara baniara erraʉbisida mõbe, Babilonianebema puertara ewanʉmesi baera ãyira yõ ẽã eda wãsida, 2.500 pogaba maʉ̃ berabaridara Babiloniara ariya ãrĩbʉ. Kõbebʉrʉ akʉra kʼãrẽ berabarita jaradata Daizeze Bedʼeaba.
Akʉra Isaías 13:19, 20, mõbe naʉ̃ta panʉidua:
-
¿Sãwũã aripe berabarisi naʉ̃ propesiara?
Babilonianera mia kʼaisida neẽ, Irakde
6. Idi berabarinʉmʉra Daizeze Bedʼeaba dããraba yi jaramata
Daizeze Bedʼeaba jarabʉ dayirãra ewari jõbodoarebʉta (2 Timoteo 3:1). Akʉra kʼãrẽta jarasita Daizeze Bedʼeaba maʉ̃ ewari jõbodoare:
Akʉra Mateo 24:6, 7, mõbe naʉ̃ta panʉidua:
-
¿Daizeze Bedʼeabara kʼãrẽta berabarita jarasi ewari jõbodoare?
Akʉra 2 Timoteo 3:1-5, mõbe naʉ̃ta panʉidua:
-
Daizeze Bedʼeabara naʉ̃ ewari jõbodoarera, ¿ẽbẽrarã sãwũã bʼaita jarasi?
-
Daizeze Bedʼeaba idi ẽbẽrarãba oita jarabʉra, ¿bʉa saʉ̃ta ũdubari?
Ʉ̃KɄRɄBA KRĨCHAPANɄTA: «Daizeze Bedʼeara kikibari akʉza nebʉrata jarabʉ».
-
¿Bʉra kʼãrẽba kʼarebabʉ Daizeze Bedʼeaba jarabʉ audre ĩjãita?
KĨRÃBEITA
Siensiaba, nebʉraba akʉza propesiaba ũdubipanʉ Daizeze Bedʼeaba jarabʉra ĩjãseabʉta.
Panʉnadrʉ
-
¿Daizeze Bedʼeade eda jarabʉra wãrĩnu berabarisika?
-
¿Kʼãrẽba ũdubibʉ Daizeze Bedʼeara abarika bedʼeabʉta siensiaʉ̃me?
-
Bʉmara, ¿Daizeze Bedʼeabara jarabʉka ʉ̃rabʉrʉ kʼãrẽ berabarira? ¿Kʼãrẽa mawũã krĩchabʉ?
JɄRɄDA AUDRE KʼAWUAITA
Siensiaba jarabʉdera, ¿Daizeze Bedʼeaba jarabʉra aña jarabʉka?
«¿Aripe jarachuka Daizeze Bedʼeaba jarabʉra siensiaba jarabʉme?» (Artikulo jw.org)
¿Kʼãrẽba ũdubibʉ dayirãra ewari jõbodoarebʉta?
«Bʉ seis propesia idi aripe berabarinʉmʉta» (Jarakabʉ, 1ne mayode 2011de)
Kʼawuara sãwũã propesiara Daizeze Bedʼeaba jaradara aripe berabarisita Imperio griego ʉ̃rʉ.
Kʼawuara sãwũã ẽbẽra abaʉba Daizeze ĩjã ẽ badata, Daizeze Bedʼeade propesia ũdudaba awuara krĩchabisita.
