YI 06
¿Sãwũã zesi idi dayirãba nekʼãrẽ jõma ũdupanʉra?
«Bʉme bʉ bebʉra» (Salmo 36:9). ¿Ĩjãbʉka bʉa maʉ̃ra? Ʉ̃kʉrʉ ẽbẽrarãba krĩchapanʉ nekʼãrẽ jõmabʉra iyidobanʉma zesita kriña zeda kĩrãkʼa, mawũẽra kʼawua ẽ kʼãrẽa panʉta. Mamina Jeowaba nekʼãrẽ jõmabʉta parãsibʉrʉ, ¿kʼãrẽa parãsi iyara? a Akʉra Daizeze Bedʼeade nekʼãrẽ jõma bʉra zamaʉ̃ba zedata adewara daya kʼãrẽa ĩjãseabʉta.
1. ¿Sãwũã zeda nekʼãrẽ jõma ʉ̃tʉbʉra?
Daizeze Bedʼeaba jarabʉ: «Nekʼãrẽ ojʉ̃drʉside, Daizezebara osi bajãta drʉaʉ̃me» (Génesis 1:1). Sientipikora mejãchaʉba krĩchapanʉ nekʼãrẽ ʉ̃tʉbʉra bʉta kʼãrẽneba zedata. ¿Sãwũã parãsi Daizezebara nekʼãrẽ jõma ʉ̃tʉbʉra? Iyara iyi jaure zareadeba parãsi nekʼãrẽ jõma ʉ̃tʉbʉra: chĩdauta, jedekota, ũmadaʉta (Génesis 1:2).
2. ¿Daizezebara kʼãrẽa parãsi naʉ̃ drʉara?
Jeowabara naʉ̃ drʉara bari parã ẽ basi, awuarabʉrʉ parãsi ẽbẽrarãta panamarẽã (Isaías 45:18). Iyara naʉ̃ drʉara kĩrãwãreã parãsi dayirã ẽbẽrarãta ewari jõmaʉ̃nẽ panamarẽã (akʉra Isaías 40:28; 42:5). Sientipikorabara jarapanʉ naʉ̃ drʉa kĩrãkʼara neẽãta, naʉ̃ drʉadebʉrʉ baseapanʉta dayirãra.
3. ¿Kʼãrẽne awuarachu ẽbẽrarãta nedʉwʉrʉraʉ̃me?
Daizezeba naʉ̃ drʉa parãside nããra parãsi chiruarata akʉza nedʉwʉrʉrata. Maʉ̃ tẽã, «Daizezebara ẽbẽrarãta parãsi iyi kĩrãkʼa» (akʉra Génesis 1:27). ¿Kʼãrẽneba dayirãra awuarachu nedʉwʉrʉraira? Daizezebara dayirãra iyi kĩrãkʼa parãsi baera dayirãba kãgata ũdubiseapanʉ akʉza aripe oseapanʉ. Adewara maʉ̃ awuara dayirãbara kʼawuaseabʉ awuru bedʼeata akʉza kãgapanʉ nekʼãrẽ kĩrãwãreãbʉta, adewara trãbisida. Dayirãra nedʉwʉrʉraira awuarabʉ baera yiwidʼiseapanʉ dayirã Parãna.
AUDRE BIʼIA KʼAWUADADRɄ
Akʉdaya kʼãrẽba ũdubibʉta nekʼãrẽ jõma zokʼaibʉra Daizezeba parãsita akʉza kʼãrẽa Daizeze Bedʼeaba jaradiabʉra nekʼãrẽ parãna ʉ̃rʉ dayirãba ĩjãseabʉta. Dayirãbara nebiata erpanʉ Daizezeba iyi kĩrãkʼa parãsi baera, bari jaraita kãgata ũdubiseapanʉ. ¿Kʼãrẽta jaradiabʉ maʉ̃neba Daizeze ʉ̃rʉ?
4. Bʉ yi nekʼãrẽ jõma zokʼaibʉ parãnara
Ẽbẽrabara obari karrota, abionta akʉza nekʼãrẽ bio nedʉwʉrʉ zadeba. Mamina, ¿kʼaiba nããra osi nedʉwʉrʉrãra? Akʉra BIDEOTA, mõbe naʉ̃ta panʉidua:
-
¿Ẽbẽrabara nedʉwʉrʉ zadeba kʼãrẽta parãkʉasi?
Nekʼãrẽ jõma dayirãba akʉpanʉra bʉ yi parãnata. Mamina, ¿kʼaiba nããra parãsi naʉ̃ drʉade jõmabʉra? Akʉra Hebreos 3:4, mõbe naʉ̃ta panʉidua:
-
Nekʼãrẽ jõma parãnanebemara, ¿bʉa saʉ̃ta audre kãga?
-
¿Kʼãrẽa dayirãbara ĩjãnaibara nekʼãrẽ jõma bʉ parãnara wãrĩnuta?
¿Kʼawuabasika?
Bʉa jʉrʉseabʉ internetʼne jw.org «¿Kʼaiba parãsi?» akʉza «Ẽbẽrarãba krĩchapanʉta dayirã samaʉ̃ba zedata», mama bʉa karta leseabʉ maʉ̃ ʉ̃rʉ akʉza bideosida akʉseabʉ.
«De jõmabʉra ẽbẽraba parãsi, abarika naʉ̃ drʉade jõmabʉra Daizezeba parãna»
5. Daizeze Bedʼeaba nekʼãrẽ jõma parãna ʉ̃rʉ jarabʉra wãrĩnu
Génesis 1ne jara ũrĩbibʉ naʉ̃ drʉa sãwũã parã jʉ̃drʉdata akʉza maʉ̃ne jõma zokʼaibʉta. ¿Maʉ̃ra wãrĩnuka? mawũã ẽ bʉrʉ, ¿bari nebʉraka? Akʉra BIDEOTA, mõbe naʉ̃ta panʉidua:
-
¿Daizeze Bedʼeabara jarabʉka naʉ̃ drʉata akʉza nekʼãrẽ jõma zokʼaibʉra, ewari 6de maparãsita dayirãba ora jʉachabʉde?
-
¿Bʉa ĩjãseabʉka Daizeze Bedʼeaba nekʼãrẽ jõma parãna ʉ̃rʉ jarabʉra? ¿Kʼãrẽa?
Akʉra Génesis 1:1, mõbe naʉ̃ta panʉidua:
-
Sientipikoraba jarabʉ, nekʼãrẽ jõmabʉra ewarade ze ẽ basita. ¿Ãya krĩchabʉra Daizeze Bedʼeaba jarabʉ kĩrãkʼabʉka?
Ẽbẽraba krĩchapanʉ Daizezeba parãsita célulata. Maʉ̃ céluladeba zesita nedʉwʉrʉra jõma akʉza ẽbẽrarãsida. Akʉra Génesis 1:21, 25, 27, mõbe naʉ̃ta panʉidua:
-
¿Daizeze Bedʼeabara jaradiabʉka Daizezeba célula odadeba zesita bedata, nedʉwʉrʉta, ibanata akʉza ẽbẽrata? Mawũã ẽ bʉrʉ, ¿Daizezebʉrʉ parãsika bedata, nedʉwʉrʉta, ibanata akʉza ẽbẽrata?
6. Ẽbẽrarã awuarabʉ nekʼãrẽ jõma Daizezeba odaira
Dayirãra awuarabʉ nedʉwʉrʉraira. Akʉra Génesis 1:26, mõbe naʉ̃ta panʉidua:
-
Ẽbẽrabara kãgata ũdubiseabʉ akʉza so borekea akʉseabʉ wuabemata, Daizezeba iyi kĩrãkʼa parãsi baera. ¿Naʉ̃ba kʼãrẽta jaradiabʉ Jeowa ʉ̃rʉ?
Ʉ̃KɄRɄBA KRĨCHAPANɄTA: «Daizeze Bedʼeaba nekʼãrẽ jõma parãna ʉ̃rʉ jarabʉra bari nebʉra».
-
¿Bʉa sãwũã krĩchabʉ? ¿Kʼãrẽa mawũã krĩchabʉ?
KĨRÃBEITA
Jeowaba nekʼãrẽ jõmabʉra parãsi akʉza nekʼãrẽ jõma zokʼaibʉta.
Panʉnadrʉ
-
¿Kʼãrẽta jaradiabʉ Daizeze Bedʼeaba nekʼãrẽ jõmabʉ zeda ʉ̃rʉra?
-
¿Daizezebara célula aba parãnaneba maʉ̃neba zebisika nekʼãrẽ jõma zokʼaibʉra? Mawũã ẽ bʉrʉ, ¿Daizezebʉrʉ parãsika nekʼãrẽ jõma zokʼaibʉra?
-
¿Kʼãrẽa ẽbẽrarã awuarabʉ Daizezeba nekʼãrẽ jõma odaira?
JɄRɄDA AUDRE KʼAWUAITA
Akʉra naʉ̃ drʉade nekʼãrẽ parãna bʉba ũdubibʉta kʼaiba parãnata.
«¿Kʼãrẽta kʼawuapanʉ nekʼãrẽ parãbʉdebara?» (¡Despertad!, septiembre 2006de)
Akʉra yibariba sãwũã jaradiabʉta yi warraʼa Daizeze Bedʼeaba nekʼãrẽ jõma parãna ʉ̃rʉ jarabʉta.
Krĩchara naʉ̃ta, ¿Daizeze Bedʼeabara jaradiabʉka nekʼãrẽ namabʉra doba zedata?
«¿Daizezebara parãsika nekʼare jõma zokʼaibʉra evolucióneba?» (Artikulo jw.org)
Nekʼãrẽ egorode wagabʉta kikibari estudiabʉba akʉza sientipikoraba ũdubibʉ dayi bebʉra bari ewarade ze ẽ basita, awuarabʉrʉ bʉta yi parãnara.
