Jõmaʉ̃ba ũrĩ kaʉde Jesu ʉ̃rʉra, mejãchaʉba kʼawuapanʉ iyi trʉ̃ra mamina bia kʼawua ẽ kʼaita iyira adewara kĩrã bio ĩjãpanʉ Jesu ʉ̃rʉ. ¿Kʼãrẽta jaradiabʉ Daizeze Bedʼeaba Jesu ʉ̃rʉ?

1. ¿Kʼaipe Jesura?

Jesura mejãcha zarea barabʉ, iyira ʉ̃tʉbʉ jaurede. Jeowaba nããra parãsi nekʼãrẽ wuabema parãi naweda. Maʉ̃ kʼarea Daizeze Bedʼeabara jarabʉ «iyitrʉ nããra parãsi naʉ̃ drʉade jõmabʉ parãinaena» (Colosenses 1:15). Daizeze Bedʼeabara jarabʉ Jesura «yi Warra aba bʉta», Jesuta Jeowaba iyi juwaba parãsi baera (Juan 3:16). Jesura yi Zeze kʼawa trajabasi akʉza kʼarebasi Jeowaba nekʼãrẽ jõma parãkʉaita (akʉra Proverbios 8:30). Jeowata Jesumera mejãcha yi kãgapanʉ. Daizezebara zokʼabʉ Jesuta iyi bedʼea jarakaita wuabemaraʼa, maʉ̃ kʼarea Jesura trʉ̃gapanʉ «Bedʼea» (Juan 1:14).

2. ¿Kʼãrẽa zesi Jesura naʉ̃ drʉaedara?

2.000 poagaba Jeowaba iyi jaure zareaba, Jesu ʉ̃tʉbʉta, nama wẽrã yi zake María biteda bʉedata, mawũã biogo bamareã. Mawũã Jesura tosida ẽbẽra kĩrãkʼa (akʉra Lucas 1:34, 35). Jesura nama egoroeda zesi ẽbẽra jõmaʉ̃ta ẽdrʉbita. a Propetaraba jarasi kʼãrẽta oita Dayirã ẽdrʉbibariba, maʉ̃ra jõma aripe berabarisi Jesu ʉ̃rʉ. Mawũã ẽbẽraba ũdukʼawuaibasi Jesura «Daizeze zokʼaibʉ Warra» (Mateo 16:16).

3. ¿Idira samachu Jesura?

Jesu beida tẽã piradrʉsi jaurede, mõbe jẽda ʉ̃ta wãsi. Mama ʉ̃tʉ «Daizezeba iyira wuabemara ʉ̃ta babisi» (Filipenses 2:9). Atiara Jesura jõmaʉ̃ra ʉ̃ta zarea barabʉ, abapai Jeowatrʉ iyi ʉ̃ta zarea barabʉ.

 5. Jesura Dayirã ẽdrʉbibari

 KĨRÃBEITA

Jesura mejãcha zarea barabʉ, Daizeze warra akʉza Dayirã ẽdrʉbibari.

Panʉnadrʉ

• ¿Kʼãrẽa Daizeze Bedʼeaba jarabʉ Jesutrʉ «nããra parãsi naʉ̃ drʉade jõmabʉ parãinaena»?

• ¿Jesu nama egoroeda zei nawedara kʼãrẽta obasi?

• ¿Sãwũã kʼawuapaʉ Jesura Dayirã ẽdrʉbibarita?