Jesuba jaradiasi kristiano baira nãã buru kʼoeibarata (akʉra Mateo 28:19, 20). Mamina, ¿kʼãrẽ buru kʼoeira? akʉza ¿Kʼãrẽta oibara maʉ̃ ẽbẽra buru kʼoe zeira?

1. ¿Kʼãrẽ buru kʼoeira?

Griego bedʼeadera buru kʼoeira jarakĩrãbʉ «jõma domirʉedaita». Jesu buru kʼoesidera do Jordánʼne jõma domirʉedasida akʉza «doedʼauba drua wãta taidʼe» (Marcos 1:9, 10). Idi ewadebida kristianora wãrĩnuarãra buru kʼoebʉrʉdera jõma domirʉedapanʉ.

2. ¿Ẽbẽra buru kʼoebʉrʉdera kʼãrẽta ũdubibʉ?

Ẽbẽra buru kʼoebʉrʉdera ũdubibʉ iyi bebʉ Jeowa diabʉrʉta. ¿Kʼãrẽta jarakĩrãbʉ dayi bebʉ Jeowa diaiba? Maʉ̃bara jarakĩrãbʉ, Jeowa yiwidʼibara jaraita ewari jõmaʉ̃nẽ iyi ode bakĩrãbʉta. Maʉ̃ra opanʉ buru kʼoei nãã. Mawũã yiwidʼibʉrʉdera jarabʉ ewari jõmaʉ̃nẽ iyabʉrʉ yiwidʼita akʉza iyi bebʉitara audre yibia bʼaita Daizezeba jarabʉrʉde bʼaita. Adewara obʉ maʉ̃ yizata akʉza Jesuba jaradiadata, iya jarasi: «Iabʼaʉba mʉta pẽwã krĩña bʼʉbʉrʉ bʉzha krĩñata aribʼaerãrũã» «mʉrã pẽwãdua» (Mateo 16:24). Dayi bebʉ Daizezeʼa diaiba akʉza buru kʼoeiba, kʼarebabʉ Jeowa neũdukʼawua bʼaita akʉza wuabemara ẽbẽrarã iyi ode panʉrabawarabida.

3. ¿Kʼãrẽta oibara buru kʼoeira?

Bʉta buru kʼoe kĩrãbʉbʉrʉ nãã kʼawuaibara Jeowa ʉ̃rʉ akʉza ĩjãta erbaibara (akʉra Hebreos 11:6). Bʉa kʼawua wãne akʉza ĩjã wãne audre kãgayi Jeowata. Bʉa maʉ̃ta obʉbʉrʉ jaradiakĩrã wãñi akʉza Daizeze Bedʼeaba jarabʉrʉde bakĩrãñi (2 Timoteo 4:2; 1 Juan 5:3). Ẽbẽraba «Jeowaba kãgabʉde oita» bʉbʉrʉ iyi sobiabita, mawũãra yiwidʼiseabʉ Daizezeʼa iyi bebʉ diaita akʉza buru kʼoeseabʉ (Colosenses 1:9, 10). a

 AUDRE BIʼIA KʼAWUADADRɄ

4. Dayirãba kʼawuaseapanʉ Jesu buru kʼoeda ʉ̃rʉ

Jesu buru kʼoeda ʉ̃rʉ audre kʼawuaita, akʉra Mateo 3:13-17, mõbe naʉ̃ta panʉidua:

• Jesu buru kʼoesidera, ¿warrara basika?

• ¿Sãwũã buru kʼoesi? ¿Bari buruawa surruasidaka?

Jesu buru kʼoeside ojʉ̃drʉsi Daizezeba zokʼadata. Akʉra Lucas 3:21-23 akʉza Juan 6:38, mõbe naʉ̃ta panʉidua:

• Jesu buru kʼoeda tẽã, ¿kʼãrẽta audre yibia basi iyitara?

5. Buru kʼoe krĩchaira oseapanʉ

Krĩchabʉrʉde Daizezeʼa dayi bebʉ diaita akʉza buru kʼoeita maʉ̃bara perabiseabʉ. Mamina bʉa Daizeze Bedʼeata audre kʼawua wãra owãseabʉ. Audre bia kʼawuadaita ʉ̃kʉrʉ ẽbẽraba kʼãrẽ oita, akʉra BIDEOTA.

Akʉra Juan 17:3 akʉza Santiago 1:5, mõbe naʉ̃ta panʉidua:

• ¿Kʼãrẽba kʼarebaseabʉ ẽbẽra buru kʼoe zemarẽã?

1. Dayirã bebʉ Jeowa diabʉ, jarabʉde iyi ode ewari jõmaʉ̃nẽ bakĩrãbʉta.

2. Buru kʼoebʉrʉde jõmaʉ̃ra ũdubibʉ Daizeze ode bidata.

 6. Buru kʼoebʉrʉdera Jeowa pʉwʉrʉde bayi

Buru kʼoebʉrʉde, Jeowa pʉwʉrʉde ãba bayi, kʼãrẽ ẽ samaʉ̃ba zebʉrʉta akʉza kʼãrẽ odata, jõmaʉ̃ba iyabaʉta ĩjãpanʉ akʉza Daizezeba jarabʉta opanʉ. Akʉra Salmo 25:14 akʉza 1 Pedro 2:17, mõbe naʉ̃ta panʉidua:

• ¿Dayi buru kʼoedaba kʼarebabʉka audre Jeowaʉ̃me ãba bʼaita akʉza ẽbẽrarã Jeowa odebʉrabawara?

 KĨRÃBEITA

Jesuba jaradiasi kristiano baira nãã buru kʼoeibarata, maʉ̃ oira nãã kʼawuaibara Jeowa ʉ̃rʉ akʉza ĩjãta erbaibara, iya jarabʉde baibara adewara, dayi bebʉ iyaʼa diaibara.

Panʉnadrʉ

• ¿Kʼãrẽ buru kʼoeira? akʉza ¿kʼãrẽa yibia maʉ̃ra?

• ¿Kʼãrẽne abarikabʉ dayi bebʉ diaita Daizezeʼa akʉza buru kʼoeiʉ̃mera?

• ¿Kʼãrẽta oibara ẽbẽra aba Daizezeʼa iyi bebʉ diai nãã akʉza buru kʼoei nãã?