YI 31

¿Kʼãrẽ Daizeze Nokʼora?

Bed’eabira

Jõma Daizeze Bedʼeade Daizeze Nokʼo ʉ̃rʉ bedʼeabʉta. Jeowabara jõma aripe oyi iya oita krĩchabʉra iyi Nokʼodeba. ¿Kʼãrẽ Daizeze Nokʼora? ¿Sãwũã kʼawuapanʉ idi iya zokʼanʉmʉta? ¿Kʼãrẽta ozebʉrʉ idibasidu? ¿Kʼãrẽta oi ʉ̃ra zeide? Maʉ̃ bedʼeara panʉñi naʉ̃ne, yi 32de akʉza yi 33de.

1. ¿Kʼãrẽ Daizeze Nokʼora akʉza kʼai iyi Nokʼora?

Daizeze Nokʼora Jeowaba nʉmʉsi. Maʉ̃ Nokʼora Jesuba zokʼabʉ ʉ̃tʉba (Mateo 4:17; Juan 18:36). Daizeze Bedʼeabara jarabʉ Jesu ʉ̃rʉ: «Iya zokʼabʉra jõkabayi» (Lucas 1:32, 33). Iyira Nokʼo baera ẽbẽrarã jõmaʉ̃ta zokʼayi naʉ̃ drʉade.

2. ¿Kʼairaba zokʼapanʉ Jesubawaraʉba?

Jesubara iyi dobaʉba zokʼanʉmʉ ẽ. Ẽbẽrarã pʉwʉrʉ awuara awuarakadebemaba akʉza bedʼea awuara awuarakadebemaba, zokʼadayi naʉ̃ drʉara (Apocalipsis 5:9, 10). ¿Ẽbẽrarã sõbeba zokʼadai Jesubawaraʉba? Jesu naʉ̃ drʉa eda zedadeba, ẽbẽrarã mejãchaʉta iyi bedʼeata ũrĩsida. Maʉ̃ranebemata 144.000 ʉ̃ta wãñi iyibawara zokʼadaita (akʉra Apocalipsis 14:1-4). Mamina wuabema ẽbẽrarãra naʉ̃ drʉade panañi (Salmo 37:29).

3. ¿Kʼãrẽa audre yibia Daizeze Nokʼora wuabema nokʼoira?

Ʉ̃kʉrʉ nokʼo naʉ̃ drʉadebemaba bia zokʼakĩrãpanʉmina, zarea neẽ bia zokʼadaita. Maʉ̃ra nokʼora ewari berabari wãne awuru nokʼota bʉepanabari, maʉ̃ra nokʼorabara ẽbẽrarãra krĩchada ẽ. Daizezebara «bʉyi Nokʼo jõkata» (Daniel 2:44). Jesubara jõma zokʼayi naʉ̃ drʉara akʉza jõma ẽbẽrarã daucha akʉyi. Iyira ẽbẽra bia, kãga ũdubibʉ akʉza aripe obʉ, maʉ̃ba iyara jaradiayi ẽbẽrarã iyi kĩrãkʼa ẽbẽra bia bamarẽã, kãgata ũdubimarẽã akʉza aripe odamarẽã (akʉra Isaías 11:9).

AUDRE BIʼIA KʼAWUADADRɄ

Akʉra kʼãrẽa Daizeze Nokʼora audre yibiata wuabemara nokʼo naʉ̃ drʉade bʉraira.

4. Nokʼo mejãcha zarea barabʉba zokʼa jʉ̃drʉyi naʉ̃ drʉara

Jesutrʉ mejãcha zareabarabʉ nekʼãrẽ wuabemara nokʼoraira akʉza iya bia zokʼaseabʉ. Akʉra Mateo 28:18, mõbe naʉ̃ta panʉidua:

¿Kʼãrẽa Jesuba obʉtrʉ audre yibia wuabema nokʼoraira?

Nokʼo naʉ̃ drʉadebemabara ʉ̃kʉrʉ pʉwʉrʉta zokʼabʉ adewara poaga wĩka zokʼabʉ. ¿Mawũã abarika berabarika Daizeze Nokʼosida? Akʉra Daniel 7:14, mõbe naʉ̃ta panʉidua:

¿Kʼãrẽa yibia Daizeze Nokʼo jõka baira?
¿Kʼãrẽa yibia Daizeze Nokʼoba naʉ̃ drʉa jõma zokʼa baita?

5. Nokʼo naʉ̃ drʉadebemara jõñi

¿Kʼãrẽa nokʼora naʉ̃ drʉadebʉrãra Daizezebara jõbi? Akʉra BIDEOTA, mõbe naʉ̃ta panʉidua:

BIDEO: ¿Kʼãrẽ Daizeze Nokʼora? (wiña ũdubibʉ) (1:41)

¿Kʼãrẽta ozebʉrʉ nokʼo naʉ̃ drʉadebemabara?

Akʉra Eclesiastés 8:9, mõbe naʉ̃ta panʉidua:

Bʉmara, ¿yibia baika nokʼo ẽbẽrarãba zokʼai kaude Daizeze Nokʼobʉrʉ zokʼamarẽã? ¿Kʼãrẽa?

6. Daizeze Nokʼode zokʼapanʉraba kʼawuapanʉ dayirã sãwũãbʉra

Jesura dayirã kĩrãkʼa zʉbʉriasi baera «iyara dayirãra so zʉbʉria akʉbʉ dayirã zʉbʉria kʼarea» (Hebreos 4:15). Jeowabara ẽbẽrarã 144.000ta jidabʉrʉ ʉ̃ta wãita Jesubawara zokʼa jʉ̃drʉita. Naʉ̃ra ẽbẽrarãra pʉwʉrʉ awuara awuarakadebema akʉza bedʼea awuara awuarakadebema (Apocalipsis 5:9).

Jesuba akʉza iyi kʼaidu zokʼairaba ẽbẽrarã ʉ̃rʉ krĩchabʉ, maʉ̃ kʼawuabʉrʉba, ¿bʉra sobiabʉka? ¿Kʼãrẽa?

Jeowabara jidasi yumakẽrãta akʉza yuwẽrãta poaga awuara awuarakadebemata akʉza pʉwʉrʉ awuara awuarakadebemata Jesubawaraʉba zokʼamarẽã.

7. Daizeze Leyba zokʼabʉtrʉ audre yibia ẽbẽrarãba zokʼabʉira

Nokʼo naʉ̃ drʉadebʉrabara leyta opanabari mawũã ãyi pʉwʉrʉra bia akʉita akʉza kʼarebaita. Daizeze Nokʼobida abarika erbʉ leyta, maʉ̃ kʼarea iyi kʼaidupanʉrabida odaibara maʉ̃ra. Akʉra 1 Corintios 6:9-11, mõbe naʉ̃ta panʉidua:

¿Naʉ̃ drʉara sãwũã baiba ẽbẽrarãba obʉrʉde Jeowaba kãgabʉta? a
Jeowabara kãgabʉ drʉa bia zebʉrʉde ẽbẽrarãba iya jarabʉta odamarẽã, ¿bʉmara maʉ̃ra yibiaka? ¿Kʼãrẽa mawũã panʉbʉ bʉara?
¿Sãwũã kʼawuapanʉ ẽbẽrarã Daizeze Bedʼea ũrĩ ẽã panʉrãra Daizeze Bedʼea ũrĩseabʉta? (Akʉra nejʉacha zake 11).

Nokʼo naʉ̃ drʉadebemabara leyta erbʉ ẽbẽrarã kʼarebaita akʉza biʼia akʉita, maʉ̃ kĩrãkʼa Daizeze Nokʼobida Leyta erbʉ ẽbẽrarã kʼarebaita akʉza akʉita, mamina Daizeze Nokʼodetrʉ audre yibia.

Ʉ̃KɄRɄBA WIDIPANɄTA: «¿Kʼãrẽ Daizeze Nokʼora?».