YI 38
Jeowaba dayirã bebʉ diada kʼarea biga diadaibara
Dayirã bebʉdera mejãcha nekʼãrẽ biata erpanʉ, maʉ̃ kʼarea bedʼea zroma ũdupanʉmina sobiapanaseabʉ. ¿Sãwũã biga diabʉta ũdubiseapanʉ Jeowaʼa dayi bebʉ diada kʼarea? ¿Kʼãrẽa biga diadaibara?
1. ¿Kʼãrẽa biʼia akʉdaibara dayirã bebʉra?
Dayirãbara bia akʉdaibara dayirã bebʉra, Jeowaba diada baera (Salmo 36:9) «Izhabʉrʉ jõmaʉ̃ã dia bʼʉa zokʼai bʼaita, ĩñabata, aramaʉ̃ne ne jõma dia bʼʉa» (Hechos 17:25, 28). Iyabʉrʉ jõma diabʉ dayirãba kʼãrẽ nesidabʉra zokʼai baita, adewara iya diabʉ dayirã bebʉ sobia bʼaira (akʉra Hechos 14:17).
2. ¿Sãwũã biga diabʉta ũdubiseapanʉ Jeowa dayi bebʉ diada kʼarea?
Bʉ papa biteda bʉwedaʉba bʉra Jeowabara akʉbʉ kʼãrẽ. Daizeze jaure zareadeba Davidʼba jarasi: «Bʉara mʉ̃ra ũdukʼawuabʉ biteda bʉwedaʉba» (Salmo 139:16). Bʉ bebʉra Jeowaitara arigʉ yibia (akʉra Mateo 10:29-31). Jeowaitara pʉabʉ ẽbẽra kriña beabʉdadera akʉza ãyi doba beipanʉne (Éxodo 20:13). a Akʉza mejãcha sopʉabʉ dayirãba biʼia akʉda ẽ bʉrʉ dayirã bebʉta adewara wuabemaraneta. Dayirãbara dayirã bebʉta kãga ũdubipanʉbʉrʉ akʉza wuabemaranesida, ũdubidayi Jeowa biga diabʉta.
AUDRE BIʼIA KʼAWUADADRɄ
Akʉdaya sãwũã biga diabʉta dayi bebʉ diada kʼarea.
3. Biʼia akʉra bʉ bebʉra kaya ẽ baita
Dayirãba jaraside Jeowa dayirã bebʉ diaita, mama ũdubisi dayirã bebʉ bia akʉita iya kãgabʉ kĩkãkʼa akʉza dayirã kakua zokʼaita iya kãgabʉ kĩrãkʼa. Akʉra Romanos 12:1, 2, mõbe naʉ̃ta panʉidua:
-
¿Kʼãrẽa biʼia akʉibara bʉ bebʉra kaya ẽ baita?
-
¿Sãwũã oseabʉ?
4. Akʉra bʉ bebʉ sãwũã bia erbaita akʉza wuabemaranesida
Daizeze Bedʼeabara jarabʉ dayi bebʉra bia akʉdamarẽã akʉza wuabemaranesida. Akʉra BIDEOTA kʼawuaita sãwũã bʉ bebʉ akʉza wuabemaranesida bia erbaita.
Akʉra Proverbios 22:3, mõbe bedʼeaidua dayi bebʉ sãwũã bia akʉi ʉ̃rʉ...
-
... deda.
-
... bʉ trajabʉmae.
-
... jemenebʉrʉde.
-
... motode ateide akʉza bʉ ãbʉdeare baribʉde.
5. Wawiara wũãwũã bebʉra bitedabʉmina
Davidʼba jarasi Jeowabara wũãwũãrarã yi papa bitedabʉmina wãrĩnu krĩchabʉta. Akʉra Salmo 139:13-17, mõbe naʉ̃ta panʉidua:
-
¿Jeowaitara sãwũãbʉde bebʉbadogo: ʉ̃rabʉrʉ biogodogode mawũã ẽ bʉrʉ tobʉdade?
Jeowaba Israelitara ley diabadabara bia akʉpanasi yuwẽrã biogopanʉrara akʉza ãyi wũãwũãra bitedapanʉra. Akʉra Éxodo 21:22, 23, mõbe naʉ̃ta panʉidua:
-
¿Jeowabara sãwũã akʉbasi wũãwũã bitedabʉta krĩña beada ẽ basibʉrʉ?
-
Mõbemata, ¿Jeowara sãwũã krĩchabʉ maʉ̃ta krĩña obʉbʉrʉ? b
-
Bʉara, ¿kʼãrẽta krĩchabʉ Daizezeba mawũã krĩchabʉdeba?
Ʉ̃kʉrʉ wẽrãraba krĩchapanʉ wũãwũã erbaira arigʉ yibiata, mamina edaʉde krĩchaseapanʉ yibiata urabʉeita. Akʉra Isaías 41:10, mõbe naʉ̃ta panʉidua:
-
Yuwẽrã abaʉʼa wũãwũã urabʉedamarẽã jarabʉbʉrʉ, ¿kʼaiʼa kʼarebata widiseabʉ? ¿Kʼãrẽa?
Ʉ̃KɄRɄBA KRĨCHAPANɄTA: «Yuwẽrãra aba abakaʉba kʼawuabʉ wũãwũã urabʉeita mawũã ẽ bʉrʉ urabʉe ẽãta, ãya zokʼabʉ baera ãyi kakuara».
-
¿Bʉara kʼãrẽba wãrĩnu ĩjãbibʉ Jeowaitara arigʉ yibiata bʉ bebʉta akʉza wũãwũã bitedabʉ bebʉra?
KĨRÃBEITA
Dayi bebʉra Jeowaba diada, maʉ̃ kʼarea dayirã bebʉra wawiaibara, bia akʉibara akʉza kãgata ũdubidaibara adewara wuabemaranesida.
Panʉnadrʉ
-
¿Kʼãrẽa kʼawuapanʉ Jeowabara wãrĩnu kãgabʉta ẽbẽrarã bebʉra?
-
¿Jeowara sãwũã krĩchabʉ ẽbẽrata iyikʉza krĩña beira akʉza wuabemaranesida krĩña beara?
-
¿Kʼãrẽta audre kãga bʉ bebʉdebemara?
JɄRɄDA AUDRE KʼAWUAITA
¿Sãwũã Jeowaʼa biga diaseapanʉ iya dayirã bebʉ diada kʼarea?
Jʉrʉda naʉ̃ widibʉ panʉbʉta: ¿Jeowabara kĩrãduabʉka yuwẽrã abaʉba iyi wũãwũãta urabʉebaribʉrʉ?
«¿Kʼãrẽta jarabʉ Daizeze Bedʼeabara wũãwũã urabʉei ʉ̃rʉra?» (Artikulo jw.org)
Kʼawuadaya Daizezeba kʼãrẽ krĩchabʉta dayi bebʉ ʉ̃rʉ akʉza maʉ̃ba sãwũã kʼarebaseabʉ jidaita dayirã jemenei ʉ̃rʉ.
«¿Yibiaka jemenemarẽã dayi beaseabʉsida?» (¡Despertad!, 8de octubrede 2000de)
¿Ẽbẽra aba kʼãrẽta oseabʉ iyita bei krĩchabʉbʉrʉ? Akʉra Daizeze Bedʼeaba sãwũã kʼarebaseabʉta.
a Jeowabara mejãcha krĩchabʉ ẽbẽrarã sopʉabʉrara (Salmo 34:18). Bʉ ʉ̃kʉrʉ ẽbẽrarãta beikĩrã krĩchapanʉta sopʉapanʉ baera. Jeowabara kʼarebakĩrãbʉ maʉ̃ra ẽbẽrarãra, biʼia kʼawuabʉ baera ãyi kʼãrẽa mawũã sopʉapanʉta. Jeowaba bʉ sãwũã kʼarebabʉ kʼawuaita naʉ̃ artikulota lera, ¿Daizeze Bedʼeaba jarabʉba mʉ̃ra kʼarebaseabʉka mʉ̃ bamasimina? Naʉ̃ra ũduseabʉ «Jʉrʉda audre kʼawuaita abʉmae».
b Ẽbẽrarãba wũãwũãta naweda urabʉebaribʉrʉ, maʉ̃ kʼarea sopʉa ẽ baibara Jeowabara kĩrãduai baera maʉ̃ra. Audre kʼawuasebʉ naʉ̃ artikulode, «¿Kʼãrẽta jarabʉ Daizeze Bedʼeabara wũãwũã urabʉei ʉ̃rʉra?», naʉ̃ra ũduseabʉ «Jʉrʉda audre kʼawuaita» abʉmae.
