Jeowaba dayirã parãsidera diasi dayirã bedʼeaita. Mamina, ¿iyara akʉbʉka dayirã sãwũã bedʼeabʉra? Mawũã, akʉbʉ (akʉra Santiago 1:26). Mõbemata, ¿dayirãbara sãwũã bia zokʼaseabʉ dayirã bedʼeabʉra Jeowa sobiabita?

1. ¿Jeowaba naʉ̃ nebia diadara sãwũã bia zokʼaseabʉ?

Daizeze Bedʼeaba jarabʉ: «Mayirai so zarea diaidua akʉza mayirai kʼarebaidua» (1 Tesalonicenses 5:11). ¿Bʉara kʼawuabʉka kʼaita sopʉabʉta? ¿Bʉa maʉ̃ra kʼarebaseabʉka bia bamarẽã? Jarada bʉara iyira kãgabʉta akʉza jaraseabʉ iya nebia erbʉ ʉ̃rʉ. ¿Bʉara kĩrãbebʉka testorata ẽbẽra sopʉabʉ so zarea diaita? Kĩrãbera bʉ kiraneba ũdubiseabʉta wuabemara bʉ bedʼeabʉra, maʉ̃ba kʼarebaseabʉ mawũã ẽ bʉrʉ wuabʉrʉ sopʉa oseabʉ, maʉ̃ kʼarea ibiade bedʼeara akʉza pikãga (Proverbios 15:1).

2. ¿Kʼãrẽta jara ẽ baibara bedʼeabʉde?

Daizeze Bedʼeaba jarabʉ: «Bedʼea kayirua bedʼearaidua» (akʉra Efesios 4:29). Naʉ̃ba jarakĩrãkʉ bedʼea mitiara jara ẽ baibarata akʉza dayirã bedʼeabʉdeba wuabemarata sopʉa bi ẽ baibara. Mio ẽkarrabʉdeare imitia jarada ẽ akʉza sewidata jarada ẽ (akʉra Proverbios 16:28).

3. ¿Kʼãrẽba kʼarebai imitia bedʼea ẽ baita?

Dayi sãwũã krĩchabʉta akʉza dayi sodebʉta ũdubibʉ dayi sãwũã bedʼeabʉdeba (Lucas 6:45). Maʉ̃ kʼarea dayirãra krĩchadaibara nebia ʉ̃rʉ, naʉ̃ba jarakĩrãkʉ «jõma aripe obʉta, neneẽãbʉta jõma kãgadeba opanʉta» «akʉza nejõma biʼia jaraseapanʉta» (Filipenses 4:8). Maʉ̃ oira dayirãbara bia akʉdaibara kʼãrẽ jemenebʉ akʉbʉta akʉza jʉrʉ kʼawuaibara neũdukʼawuara biarata (Proverbios 13:20). Maʉ̃ kʼarea yibia kʼãrẽ bedʼeai nãã bia krĩchaita akʉza krĩchaibara wuabemara bʉ sãwũã bedʼeabʉdeba kʼãrẽ krĩchaseabʉta. Daizeze Bedʼeaba jarabʉ: «Biʼia krĩcha ẽã bedʼeabʉba kõbʉ espadade kĩrãkʼa, mamina buru bia bedʼeabara bebibʉ» (Proverbios 12:18).

 AUDRE BIʼIA KʼAWUADADRɄ

4. Bedʼeabʉrʉdera jʉra kʼawua bedʼeaibara

Dayirã jõmaʉ̃ba edaʉde jarabʉ bedʼea wuabemarama bʉ ẽãta (Santiago 3:2). Akʉra Gálatas 5:22, 23, mõbe naʉ̃ta panʉidua:

• Bedʼeai naweda biʼia krĩcha kʼawuaita, maʉ̃ra nebiadebemara, ¿saʉ̃ta widiseabʉ Jeowaʼa? ¿Maʉ̃ra nebiarabara bʉra sãwũã kʼarebaseabʉ?

Akʉra 1 Corintios 15:33, mõbe naʉ̃ta panʉidua:

• ¿Dayirãra bedʼeaseabʉka dayirã neũdukʼawua bedʼeabʉ kĩrãkʼa akʉza jemene dayirãba ũdubʉ kĩrãkʼa? ¿Kʼãrẽne?

Akʉra Eclesiastés 3:1, 7, mõbe naʉ̃ta panʉidua:

• ¿Sãwũãbʉde yibia chupea bʼaita mawũã ẽ bʉrʉ bedʼeaita?

 5. Bia bedʼeara wuabemara ʉ̃rʉ

6. Ibiade bedʼeara bʉ mebẽãra

 KĨRÃBEITA

Dayi bedʼeabʉbara sopʉa oseabʉ mawũã ẽ bʉrʉ kʼarebaseabʉ, maʉ̃ kʼarea bedʼeai nãã biʼia krĩchaibara kʼãrẽ bedʼeata jaraita, sõbede jaraita akʉza sãwũã jaraita.

Panʉnadrʉ

• ¿Bʉ sãwũã bedʼeabʉdeba kʼarebaseabʉ wuabemarata?

• ¿Kʼãrẽ bedʼeata jipa jarakĩrã ẽ bai bʉara?

• ¿Kʼãrẽba kʼarebai bedʼea bia jaraita akʉza ibiade bedʼeaita?