¿Kʼaiba zokʼabʉ naʉ̃ drʉara?
¿Bʉa jaraika...
-
... Daizezeba?
-
... ẽbẽraba?
-
... Diarʉba?
DAIZEZE BEDʼEABA JARABɄTA
«Naʉ̃ drʉara jõma yi kayirua juwa edrebʉ» (1 Juan 5:19, Traducción del Nuevo Mundo).
«Maʉ̃ba Daizeze warrara zeyi Diarʉba oda jõbita» (1 Juan 3:8, Traducción del Nuevo Mundo).
DAYIRÃRA SÃWŨÃ KʼAREBABɄ NAɄ̃ KʼAWUAIBARA
Kʼawuadayi kʼãrẽa bedʼea zroma bʉta naʉ̃ drʉade (Revelación [Apocalipsis] 12:12).
Ĩjã seabʉ naʉ̃ drʉa audre bia waita (1 Juan 2:17).
¿WÃRĨNU ĨJÃSEA BɄKA DAYIRÃBARA DAIZEZE BEDʼEARA?
Mawũã, bedʼea ũbeabʉ:
-
Diarʉba zokʼabʉra jõñi. Jeowaba jarabʉ jõbita Diarʉba ẽbẽrarã ʉ̃rʉ zokʼabʉra, iya jarabʉ «jõbita Diarʉra» akʉza ara oita Diarʉba arĩnãra (Hebreos 2:14, Traducción del Nuevo Mundo).
-
Daizezeba jidasi Jesukristora Nokʼo baita. Jesura kĩra awuarabʉ Nokʼo naʉ̃ drʉa zokʼabuira, adewara Daizeze bara jarabʉ Jesuba zokʼai ʉ̃rʉ. «Zʉbʉria ũduyi kʼãrẽ nea bʉta, akʉza wuabemaira yi zromata krĩchabʉ ẽ. Adewara bedʼea zromaneba ẽdrʉbe ẽata ẽdrʉbiyi bebʉta» (Salmo 72:13, 14).
-
Daizezera sewa nebʉrʉ be ẽ. Daizeze Bedʼeaba jarabʉra wãrĩnu «Daizezera sewa nʉbʉruka» (Hebreos 6:18). Maʉ̃ba Jeowaba jara bʉrʉdera ĩjãĩbara wãrĩnu oita (Isaías 55:10, 11). Iya jarabʉ «naʉ̃ ẽjũãne Nokʼota bʼʉra Daizezebara ãĩ jʉretayi» (Juan 12:31, DB).
WIDIRA BɄYIKɄZA
¿Sãwũã bai naʉ̃ drʉara Diarʉba zokʼabʉ idʉbʉ bʉrʉdera?
Daizeze Bedeʼaba panʉñi SALMO 37:10, 11 akʉza REVELACIÓN 21:3, 4.
Puede que también le interese
ENSEÑANZAS IMPORTANTES DE LA BIBLIA
¿K’ãrẽa Daizezebara iduaribibʉ zʉbʉriara?
Maʉ̃ra Daizeze Bed’eabara panʉbʉ maʉ̃ bed’eara.
DAIZEZE BEDʼEA Ʉ̃RɄ WIDIPANɄTA
¿Wãrĩnubʉka Diarura?
¿Diarura dayide nekayiruata bʉka? Mawũã ẽ bʉrʉ ¿wãrĩnubʉka?
CAMPAÑA ESPECIAL
¿Daizeze Bedʼea kʼãrẽa kʼawuaibara?
Ẽbẽra mejãchaʉ̃ba ũdubʉda Daizezedeba ãyi widibadara. Kãgapanʉ bʉabida akʉmarẽã naʉ̃ librota.
DAI Ʉ̃RɄ
Jarada jaradiamarẽã
Kʼawuara Daizeze Bedʼeaba jarabʉ ʉ̃rʉ, mawũã ẽ bʉrʉ Jeowa ʉ̃rʉ Kʼawuabipanʉrã ʉ̃rʉ audre kʼawuara.
