JESU KʼAIDU BABIRA
YI 11
Ẽza jaradiara
Testo: Marara «ẽbẽrarãba ũrĩseabʉde» bedʼeaidua (1 Cor. 14:9).
Jesuba odata
1. Akʉra BIDEOTA, mawũã ẽ bʉrʉ akʉra Mateo 6:25-27 bayeda. Mõbe naʉ̃ta panʉra:
¿Kʼãrẽta kʼawuapanʉ Jesuba odadeba?
2. Dayirãba ẽbẽrarã jaradiabʉrʉde ãya ũrĩnaine jaradiadara, kĩrãbedayi kʼãrẽ ʉ̃rʉ bedʼeasita akʉza ãyi soidu jʉ̃ẽñi.
Jesude kĩrãkʼa ora
3. Aukʼara bedʼearãra. Jõma jaradiarãra bʉa kʼawuabʉ ʉ̃rʉ, awuarabʉrʉ jaradiara lesion bʉa jaradiabʉ ʉ̃rʉ. Bʉa widi kʼãrãpe jʉ̃ãra bʉ nekʼawuabariba panʉita. Iya kʼawua ẽ bʉrʉ sãwũã panʉita adewara Daizeze Bedʼeaba jarabʉta awuara jarabʉbʉrʉ, kĩrã awuara widira, mawũã widibʉrʉba kʼarebayi bʉa jaradiabʉ ʉ̃rʉ biʼia kʼawuamarẽã. Bʉ nekʼawuabariba bʉa jaradiabʉ ʉ̃rʉ biʼia kʼawuabʉrʉde, maʉ̃arebemata jaradiara.
4. Kʼarebara bʉ nekʼawuabarira iyikʉzaʉba kʼawuamarẽã ʉ̃ra bʉrʉ kʼãrẽ kʼawuaita. Bari jaraita, lesion beidara piradrʉi ʉ̃rʉ jaradia jʉ̃drʉi naena bʉ nekʼawuabariaʼa kĩrãbebira iya kʼawuada ʉ̃rʉ, sãwũãdogota dayi beibʉrʉdera.
5. Biʼia zokʼara yizara. Yizadeba jaradiai naena, bʉyikʉza widira:
AKɄZA AKɄRA NAɄ̃RA TESTORATA
Mat. 11:25; Juan 16:12; 1 Cor. 2:1